Ерөнхий сайд шүүхийг харж байна гэж үг хэлээд байгаа. Нийгэмд хүлээлт үүсгэсэн, дуулиантай хэргүүдийг хэрхэн шийдэх нь вэ харъя гээд л нэг биш хэлсэн.
Одоо нийгэм бас нэг зүйлийг хэрхэн шийдвэрлэх нь вэ гэдгийг анхааралтай ажиглаж байх шиг байна. Энэ бол Ардчилсан намын шинэ дарга Л.Гантөмөрийг даргаар дээд шүүх бүртгэх нь үү, үгүй юү гэдгийг.
С.Эрдэнэ бол Үндэсний бодлогын хорооны хурлыг бол хурал бус, сонгогдсон даргыг ч дарга бус аа гээд хэлээд байх. Ил тод хэлээд байх. Яагаад ингээд Шүүх засаглалын өмнөөс яриад байдаг, шүүх засаглал нь ч яагаад тийн тайлбарлаад байхад зарчмын тайлбараа зэрэгцүүлэн хууль ёсны агуулгаа илэрхийлдэггүй нь гайхашрал дагуулах.
Дээд шүүх хорин хоёр гишүүнтэй байна. Томоохон, үндэсний эрх ашгийн чухал асуудлуудыг, хөгжлийн банк, нүүрсний хулгай гэх хэргүүдийг тухайлбал одоо, Ардчилсан намын даргын асуудлыг энэ хорин хоёр хуульч, танхимаараа, шүүгчийн цэц мэргэ, зарчмын хуульчид дэнслэх ёстой байх.
Энэ үүднээс үзвэл Дээд шүүхийн гишүүдийг хэн хэнийг Ерөнхийлөгч байх үед хэн хэн нь томилогдсон байна вэ гээд үзвэл сонирхолтой дүр зураг гарахаар байна гэж хуульчид хэлээд байна.
Дээд шүүхийн хорин хоёроос Намбарын Энхбаярыг Ерөнхийлөгч байх үед томилогдсон хүн ч эдүгээ үргэлжлүүлэн ажилласаар байна. Цахиагийн Элбэгдоржийн үед томилогдсон шүүгчид үнэмлэхүй байна. Жаран хэдэн хувь нь байна гэх.
Халтмаагийн Баттулгын үед томилогдсон хориод хувь байгаа юм байна.
Ухнаагийн Хүрэлсүхийн үед томилогдогсод арав гаруй хувьтай байгаа гэж барим тавим ярьж байна гэх. Нэр зүс, томилогдсон огноог хөөгөөд үзэхээр ийм бүрэлдэхүүнтэй Дээд шүүх ажиллаж байгаа юм байна.
Ингээд үзэхээр үе үеийн Ерөнхийлөгч нараас нэр санал болгогдон томилогдсон хүмүүсээс хамгийн их хувьтай нь дөрөвдүгээр, тавдугаар Ерөнхийлөгч нар байх шиг байна.
Зургаадугаар Ерөнхийлөгч тун бага хувьтай байна. Иймэрхүү маягийн өнгө төрхтэй Дээд шүүх засаглалаа хэрэгжүүлж байгаа дүр зураг байгаа ажээ.
Ерөнхий сайд, ард иргэд шүүхийн шударга үйл ажиллагааг дээд шүүхээс нэхээд байгаа нь зөв.
Гэхдээ нэхэгдээд байгаа тэр эрх ашиг, үнэн зөв дэнслэл нь эдүгээн Ерөнхийлөгчийн томилгоо, нөлөөллөөс ихэд ангид байгааг эндээс харж болох байна.
Б. Гаригэрхэс
