Хэн УИХ-ын гишүүн байж чадах вэ!
Эс чадах нь иргэдийнхээ дунд орон чадахаа хийж, сонгох эрхээ эдлэн, нийтийн баялагийг бүтээлцэх учиртай
Аймгуудын өрсөлдөх чадварын дүн саяхан гарлаа. Дундговь аймаг адагт орсон байна билээ. Энэ аймаг бол Сү.Батболдын тойрог. Түүний ээжийн нутаг. Дундговийг яагаад ийн адаг байрт оров гэдгийг Сү гишүүнээс асуугаарай гээд нэртэй нэртэй сэтгүүлчид нүүр номынхоо хуудсанд бичсэн харагдсан. Аргагүй л дээ. Асуух ёстой хүн нь мөн юм чинь. Монголын тэргүүн баян.
Бизнес ухаан, улс төрийн сүйхээн хувьд түүнийг нэн тэргүүлэгч гэж энэ олон жилд даяар дурсан ирээ биз дээ. Тийм болохоор асуухаас аргагүй. Гишүүн энэ талаараа бодвол хариулж яваа биз. Нийтэд харин ярихгүй байх шиг байна. Сү.Батболд намайг Ерөнхий сайдаар ажиллаж байх үед Монголын эдийн засгийн өсөлт 17 хувьд хүрсэн гэж сайрхдаг. Сайрхалгүй яахав. Тийм амжилтыг одоо хэр нь дараагийн нь Ерөнхий сайдууд гаргаагүй байна. Гэхдээ, чин үнэндээ, бодит хэрэг дээрээ тэр 17 хувийн эдийн засгийн өсөлт өөр авториудад харьяалагддаг гэж эдийн засгийн ухааны юм мэдэх хашрууд хэлэх юм билээ.
Тэр үед парламентыг улс төр, эдийн засгийн үнэмлэхүй авьяаслаг удирдагч Д.Дэмбэрэл толгойлж байв. Мөн түүнчлэн өөрийн институтын нь чиглэлээр засаглагддаг Монгол банк, мөнгөний бодлогыг онцгой мэдрэмжтэйгээр удирдаж байсан, бас нөгөө талд хамтарсан Засгийг тогтвортой байлгах, улс орны эмх цэгцийг энтэй байлгах үүднээс тухайн үеийн спикер Д.Дэмбэрэл улс орондоо тод тулхлан ажиллаж асан нь Сү.Батболдын мөнөөх сайрхах шалтгааныг тавьсан гэдэг юм билээ л. Тэгэхээр тэр 17 хувийн өсөлт Д.Дэмбэрэл тэр хоёрын бүтээл. Тэгвэл өнөөдөр Сү.Батболд яагаад улс орны эдийн засгийг тэгэж өсөлтөд аваачиж байсан мөртлөө, өөрийнхөө тойргийг, ээжийнхээ нутгийг ингэж адагт оруулах хэмжээнд аваачдаг байна аа.
Сүхбаатар дүүргийг сэнсрүүлж хэд сонгогдоод овоож товойх хийсэн зүйлгүй тул Дундговь руу, ээжийнхээ нутаг руу яваа биз дээ. Сонгогдоод, Дундговийг тойлоод гурван жил боллоо. Асуулт шүү. Яагаад ийн болгодог байна вэ гэж. Батсүхийн Наранхүү гээд нөхөр Дундговийг дугуйлж явахад ч ийм болоогүй байх шүү. Энд, Улаанбаатарт Emart улам л тэлээд л, уушиг нь цэнгэгшээд байгаа харагдахаар хэд хэдээрээ сүндэрлээд байгаа шүү дээ. Сү.Батболд дарга бодмоор.
Бороогийн уурхайгаас ямар ихийг хүртэв. Монголын засаг төрөөс бас ямар ихэд бялуушив. Ерөнхий сайд, Гадаад хэргийн яам. Сорчлоод л аваад байна. Тусгай хяналтын дэд хороо, хууль хүчний хамгийн хүчтэй байгууллагыг ямар нэг байдлаар эзэгнэнэ. Эелдэг төрх, намуухан царай зүс. МГУ фракц. Хариуд нь өнөөдөр Монгол улсыг хэрхэн хөгжүүлэв. Улс төрд оруулж, Гадаад хэргийн дэд сайдаас эхлээд л Монголын төрд энэ ихийг “үүрүүлсэн” Намбарын Энхбаяр ч өнөөдөр Сү.Батболдтой хамт эдгээр асуултад хариулах хэрэгтэй. Улс оронд энэ их хулгай зэлгий, тонолт, идлэг уулга болж байхад Сү.Батболд хаана байсан бэ.
Б.Асралт дүү чинь гэхэд Гаалийн дарга байлаа шүү дээ. Гомдмоор. Шударга ёсны өмнө Сү.Батболд ард түмний зүрх сэтгэлд үлдэхээр яг юу хийсэн бэ. Хариулт эс олдоно.
Харин таван удаа Монголын төрийн эрх барих дээд байгууллагад ард түмэн сонгож өглөө. Ард түмэндээ мөргөөд, Дундговийг хөгжүүл. Гэхдээ нийтийн баялагийг бүтээлцэж хөгжүүл.
Та одоо Монголын төрийн зоог амраах цаг тун болсон байх магадтай. Учир нь дээрх асуултуудын хариуг та өгч чадахгүйд байна. Өнөөдөр Сү.Батболдын охин Лондонд сурахаар очсон Г.Өнөрцэцэгт ёс зүй, мэдлэг мэдээлэл зааж тохуурхсаныг нийтээрээ харлаа. Сү.Батболдын охиныг Лондонд ёс зүйтэйгээр тарвалзаж явахад энд сэтгүүлч Г.Өнөрцэцэг эцгийн нь байгуулалцсан төрийн элдэв бусармагийг харин ч хөөрхий “шүүрдэж” явсан байх шүү.
Ийм л нөхцөлдөл, парадокс бүхий нийгмийг Сү.Батболд “бүтээлцлээ”.Танд одоо эх орныхоо өмнө байгуулах нэг гавьяа байна. Тэр бол төрийн сэнтийгээсээ холдоод, үнэхээр бизнесмэн чинь үнэн юм бол энэ улсын баялагийн санг л босгож хайрла.
Яг л нөгөө Н.Энхбаярын хэлээд байдаг Тавантолгойд бүгдээрээ оръё гэж явсан шигээ Монголын ард түмнээ элбэг баян баялагийн сантай болъё гэж уриалаад болгоод өг. Ард түмэн ядуу байгааг та мэдэж байгаа. Дундговиосоо эхлээд. Бас Монгол орон ямар их баялагийн боломжтойг ч та бүр их мэдэж байгаа.
З.БАЯРАА
Амлалт.мн
