“Ажнай-г АТГ-аас мэдээлэл хийхдээ, цагдаа хавьд хэрэг түвэг нь яваа ухааны юм хэлчихлээ. Түүний нүүрсний хулгайн асуудал бүрхэг болоод явчлаа. Эхлээд энэ газраас өөрсдөө л нүүрсний хэрэгт асуудалтай гээд 17 нэр дотор УИХ-ын гишүүн Д.Бат-Эрдэнэ, Б.Баттөмөр, Ц.Сэргэлэн, Ц.Анандбазар нарын түүнийг оруулаад л зарласан. Гэтэл энэ байгууллага 3 сарын дараа Б.Баттөмөрийг, Ц.Сэргэлэнг нүүрсэнд хамааралгүй гээд зарлачихлаа. Ц.Анандбазар мөн л алгуурханаар нүүрсний хэрэгт хамааралгүй болов бололтой.
Эхэлж зарлагдахад нэр нь байгаад, нүүрсэнд гар хүрээгүй гээд байсан, үнэн юм болов уу, яригдахаа байлаа. Харин Бямбасүрэнгийн Энх-Амгаланг яллагдагчаар татсаныг зарлалаа. Ш.Раднаасэд адил.
“Ажнай” харин АТГ-ын мэдлээс холдчихов бололтой. Цагдаа тийш явж, хэрэг нь. Цагдаа, прокурорт ланжгар ар талтай гэлцэх юм билээ. Тэднийхээ чигт “явав” бололтой. Нэг байтугай мөргөцөг туучихсан, үе үеийн Ерөнхийлөгч нарт нүүр тал ихтэй “хөөн” гээд бичигдээд байна. Үнэн байх.
Лавтайяа, Лондоноос Чингисийн хөшөөг адлагдахад авчирсан, нэгэн уран зургийг асар их мөнгөөр Оросоос авсан зэрэг нь л гэхэд нэгэн Ерөнхийлөгчийн бараа сүрээнээс үүдэлтэй гээд л барим тавим ярьцгаадаг. Эдүгээн Ерөнхийлөгчтэй ч элдэв муугүй бололтой гэх.
Хууль хүчнийхний тухай ард түмэн их ярьж байна аа. Хууль бус юм хийсэн, хуудуутай хулгайч нар манай улсаар дүүрэн байна. Саарал ордноор нь ч сав дүүрээстэй байгааг Ерөнхий сайд нь хэлээд, тэмцлээсээ ер ухрахгүй гээд хэлээд байгаа.
Өчигдөр гэхэд намыг шилэн болгохгүйгээр төрийн ажил урагш явахгүй ээ гэдгийг онцлоод намаа цэвэрлэнэ гэдгээ хэлээд авна лээ. Нам руу цүнх цүнхээр мөнгө зөөж, эрх мэдэл авдаг байдлыг хална гээд байгаа. Энэ шиг буян үгүй. Ингэж чадвал мөнхийн Ерөнхий сайд болно. Нэр нь үлдэнэ. Ард түмний зүрх сэтгэлд үлдэнэ.
Цүнх цүнх мөнгө гэснээс, цүнх цүнх мөнгө бол авлига, шударга бусаар олдсон учраас л хүмүүс тэгж цүнх цүнхээр нь зөөж байгаа юм. Цүнх цүнх мөнгийг ариун хөдөлмөрөөр бүтээхэд амаргүй. Амаргүйн хэрээр цүнх мөнгийг ариун замаар олсон хүн нам руу, эрх мэдэлтэн рүү зөөхгүй.
Цүнх цүнх мөнгийг дагаад цөлмөлт явагддаг. Шударга бусаар олсон мөнгө дээр шударга бусаар цөлмөлт явдаг. Үүнийг хэн хийх вэ. Мэдээж, хууль хүчнийхэн. Хууль бус мөнгөн дээр хууль бусаар ажиллана аа гэсэн үг. Хулгайчаас хулгайлж авч байгаа явдал.
Хулгайлсан зүйлээ хууль бус учраас дээрэмдүүлэхдээ хулгайч юу ч хэлж чадахгүй, нэхэх үндэслэлгүй. Хулгайн юмыг нь хуулийн эрх сүр дор ажиллан, дээрэмдэхийг хууль хяналтынхан л хийнэ. Ийм нэг бохир балиар ажиллагаа ихэд болж байгаа, энэ нь бүхэлдээ хууль бус хулгайн замын учраас хаана ч гарахгүй, хэн ч мэдэхгүй өнгөрөөд байгаа гэж тэд бодовч, шударга зарчимч хуулийнхан бас харж байгаа.
Саяхан Прокурорын дэргэдэх Мөрдөн байцаах албаны дарга асан Б.Галдаа гуай телевизэд ярилцлага өгч байна лээ. Хуулийнхны ажиллаж чадахгүй байгааг, эх захгүй болсоныг бүхий л утгаар нь үнэмлэхүй ярьж байна лээ.
Прокурорын дэргэд дэх Мөрдөн байцаах алба бол хууль хүчнийхний эрүүл оршихуйн баталгаа байсан. Үүнийг үгүй болгосноор хууль хүчнийхэнд ямар ч хяналтгүй болсон. Хулгайч нарыг цөлмөх замаар хууль бусыг хийхийн үндэс болсоон гэж шударга хуульчид, ард иргэд асар их ярьж байна.
Энэ албыг сэргээж хууль бустай тэмцдэг хууль хяналтынхнаа хуулийн дор ажиллах арга замыг эрх баригчид эрэлхийлэхгүй бол Авлигын хөрс болсон асуудлыг шийдэхгүйгээр авлигачдыг цээрлүүлнэ гэгч үндсээрээ өөдтэй дэвшилгүй болох нь амьдрал дээр нотлогдож байна. Ийм нөхцөлд АТГ ч хууль хүчнийхэний авлигийн сүлжээг илрүүлж, хянаж чадахгүй, өөрсдөө хамааралтай болзошгүй. “Шүүгчийг хэн шүүх вэ” гэдэг сонгодог прадокс шиг АТГ, ЭЦГ, ТЕГ-ын алба хаагчийг, бүх шатны шүүхийн алдаатай хууль бус үйлдлийг ХЭН ХЯНАХ вэ?
Сугараад үлдээд байгаа албан тушаалтнууд үүнийг бат нот илэрхийлж байна биш үү. “Ажнай”-н хэрэг энэ замаар яваад байгаа биш биз гэж асуух эрх хүн бүгдэд байна. Авлигатай тэмцэх газраас эхлээд, ард олон улсаа өөд нь татаж, шударга ёс тогтоохын тулд Прокурорын дэргэдэх Мөрдөн байцаах албыг сэргээн тохинуулж хуульчил, эрх баригчид аа!
З.БАЯРАА
Amlalt.mn
