УИХ дахь АН-ын бүлэг хуралдаж, гаргасан шийдвэрээ танилцуулав.
АН-ын бүлгийн дарга О.Цогтгэрэл “Бүлгийн хуралдаанаар хоёр асуудал хэлэлцлээ. Боловсролын хууль, эрх чөлөөний тухай багц хуулиудыг санаачлах талаар хэлэлцсэн. Эрх чөлөө хумигдаж байна. Төр давамгай ардчилалтай улс орон болчихлоо. АН 2015 оноос хүний эрх, эрх чөлөөг хамгаалах тал дээр анхаарч ирсэн. ҮНХӨ дээр өөрийн намын байр суурьтай ажиллахыг чиглэл болгосон” гэлээ.
УИХ-ын гишүүн С.Одонтуяа “Үг хэлж үзэл бодлоо илэрхийлсэн залуусын эрх, эрх чөлөө хумигдаж байна. Эрх чөлөө аяныг санаачилж, зохион байгуулахаар төлөлвлөсөн. Хүний эрхийн дэд хороог хуралдуулах шаардлагатай гэж үзсэн” гэлээ.
Мөн АН-ын дарга Л.Гантөмөр “АН-ын ҮБХ өчигдөр хуралдаж таван багц сэдвийн хүрээнд 18 саналыг гарган бөгөөд өнөөдөр /2023.05.01/ Засгийн газарт хүргүүлэх гэж байна” гэлээ.
АН-ын гишүүн Х.Тэмүүжин: “Таван багц асуудал.
Нэгдүгээрт, Иргэний амьд явах эрхийг хязгаарласан асуудлыг өөрчлөх,
Хоёрдугаарт, сонгуулийн тогтолцоог сайжруулах;
Гуравдугаарт, шүүхийг тогтолцоог олон улсын жишигт хүргэж, хараат бус байлгах,
Дөрөвдүгээрт, иргэний эрх зөрчигдөж байгаа асуудлаар ҮХЦ-д ханддаг байдлыг сайжруулах,
Тавдугаарт, Үндсэн хуулийн дархлаа суларч байгаа учраас дахин гар хүрэхгүй байх агуулгийг Үндсэн хуульд тусгах сэдвийн хүрээнд санал хүргүүлэхээр боллоо” гэлээ.
Түүнчлэн гишүүдийн 60 хувь нь тойргоос, 40 хувь нь жагсаалтаар сонгох саналыг хүргүүлж байгаа аж” гэв.
Amlalt.mn
