Өвөрхангайн Хархорины харьяат аймгийн начин М.Балжинням гэдэг хүний жигшүүрт үйлдлүүдийг орон даяар харав. Түүний жудаггүй явдлыг улс төрчдийн үйлдлүүдтэй агаар нэг байна гэж ард түмэн хэлэлцэж байна. Өрсөлдөгч бөхөө гутал дээр нь гишгэж байгаад давсан М. Балжиннямын үйлдэл байгаа. Түүнийг нь улс төрчдийн Хөгжлийн банкны зээлийг авдаг улс төрчдийнхтэй зүйрлэж байна.
Улс төрчид ард иргэдийнхээ өмнүүр эрх мэдэл мэдээлэлд ойроороо цүүцлэн орж, Хөгжлийн банкны бүх зээлийг авч үйлдвэр барих нь барьж, шамшигдуулал хийх нь хийсэн. Энэ нь ард иргэдийнхээ “гутал” дээр гишгэн, боломжийг нь хулгайлан дэвж байгаа явдал болохоор Монголын улс төрчид хийгээд М.Балжиннямын үйлдэл нэг юм байна. Давсан хойноо унасан бөхөө М.Балжинням өшиглөсөн. Монголын улс төрчид сонгогдож аваад, дөрвөн жилдээ сонгогчдоо, санал өгөгсдөө мартах бөлгөө. Энэ бол давсан хойноо өшиглөхийн үйлтэй яг адилхныг өвгөчүүл өгүүлж байна.
Нотолгоо нь улам бүр ядуурсаар байгаа ард иргэд, амьдралын доройтол, авлига, үерт налмийж байгаа төрх, өөр юу ч биш гэж өгүүлж байна. Энэ туйлын үнэн байна. М. Балжинням учраа бөхөө даваад босохдоо нүүр рүү нь түлхсэн. Монголын улс төрчид сонгогчдоо нүүр рүү нь түлхдэгийн илэрхийлэл нь олон доо гэж хүмүүс хэлж байна. Хамгийн наад зах нь одоо УИХ-д гурван гишүүний суудал хоосон байгаа. Ж.Мөнхбат, Т. Аюурсайхан, Д. Бат-Эрдэнэ гээд гурван хүн сонгогчдынхоо итгэлийн нүүр рүү түлхсэн.
Элдэв бурангуйд холбогдон тэдний төлөөллийн эрхийг хангахгүй байгаа. Энэ бол сонгогчдынхоо нүүр рүү түлхэж байгаа үйлдэл. М. Балжинням начин өрсөлдөгч бөхөөсөө тахимаа авах гэхэд улам бөхийлгөсөн, гараа баахан доошоо дарсан. Энэ үйлдэл нь Монголын улс төрчдийн сонгогчдоо улам улам халамжийн бодлогоор хуурч, улам улам худал, үл биелэх хуурамч амлалтаар нүдэн, тэдний мэлмий хийгээд амьдрах тэмүүллийг багасган, намсган дорд үздэгтэй адил юм. Ардын нам үүнийг оройлон хийдэг. Ардчилсан нам нөгөө дугуй нь.
Үүгээрээ М.Балжинням начин Монголын улс төрчид нэг тэрэгний дугуйнууд, моральтнууд яах аргагүй мөн. М.Балжинням тахимаа авахдаа өрсөлдөгч бөхийнхөө толгойн ар руу тохойлдоно билээ. Монголын улс төрчдийн дээд тал нь долоо сонгогдсон хүмүүс байгаа. Монгол орон өнөөдрийг хүртэл дэлхийн жишиг улс болохгүй, хүн ард нь нүхэн жорлонгоосоо салаагүй байгаа явдал бол Монголын улс төрчдийн энэ олон жилд ард иргэд сонгогчдынхоо ар тархи, дагз руу тохойлдож ирсэн явдал мөн үү гэвэл биш гэх хүн гарахгүй. Монголын төрийг ийм л М.Балжиннямын арга технологиор гаршсан улс удирдсаар өдий хүрснийг Монголын ард түмэн ойлгон мэдэж халаглаж байна .
М.Балжинням болоод Монголын улс төрчдөд нэг ялгаа байна. М.Балжинням нэг хүнийг нэг удаагийн тохиолдлоор дээрэлхэн доромжилсон. Аа, харин, Монголын улс төрчид монголчуудаа гучин жил сонгуулийн маш олон тохиолдлоор дээрэлхэн доромжилж, эдүгээ ядуу даржин амьдруулж байгаа билээ. Ийм л том ялгаа оршиж байна. М.Балжиннямыг гурван жилийн турш бүх шатны барилдаанд оролцуулахгүй байх шийдвэр гарчээ. Тэгвэл, монголчууд минь улс төрд , парламентад нэг, хоёроо больё, гурваас дээш сонгогдож, М.Балжиннямын авирыг 12-оос дээш жилд Монголчууддаа үзүүлсэн гишүүдийг одоо сонгохоо больцгооё оо. Ингэж байж л шударга ёс тогтоно. Монголчууд дарлуулах ёсгүй. М. Балжиннямд үзүүлсэн шийтгэл улс төрчдөд яг адилхан ноогдох ёстой.
З.БАЯР
Amlalt.mn
