Гишүүн Чинбатын Ундрам үерт нэрвэгдэгсдэд гэр хандивлажээ. Буруу алга. Толгой хоргодох оронтой болох шаардлагатай олон айл байгааг Д.Сумъяабазар хэлээд байгаа. Тэдгээр хүмүүст хэрэгтэй нь дамжиггүй. Ч.Ундрамын яг л энэ агуулгаар гишүүд, сайдууд, мэргэжлийн, илүү далайцтай хөдөлмөөр байгаа юм.
Одоо удахгүй Ч.Ундрамын өгсөн гэрээ яаж дулаацуулах, яаж утаагүйхэн өвөлжих билээ гэдэг асуудал нийслэлчүүдэд тулна. Ингэхээр Эрчим хүчний Чойжоо сайд салхи хэрэгтэй, бас хэрэггүй, нийслэлчүүд даарч болохгүй, гэхдээ хүнд байна гээд ахуйн асуудлаасаа болоод зөрчилдөл дүүрэн үгсээ хэлээд эхэлнэ.
Ахуйн гэр гэхээсээ илүү Монголын төрийн түшээд, сайдууд Ч.Ундрам гэр гаргаж хандивлаж байгаа хандлага шиг, тал талаасаа хамж шимээд, ухаан сэтгэл гаргаад энэ зун нэг станц барьчихсан бол болох байлаа шүү дээ. Тэгэхгүй юм. Тэр битгий хэл Монголын сайдуудын, тэр тусмаа гурваас дээш сонгогдсон сайд гишүүдийн хөрөнгийг харахаар аль нь ч станц барьчихаар хөрөнгөтэй улс байгаа. Гэтэл төрдөө, эх орондоо нэг ч станц барих сэтгэл тэдэнд алга. Тэгсэн атлаа Хөгжлийн банкнаас зээл аваад хувьдаа үйлдвэр бариад, Ерөнхийлөгч нь очиж нээгээд л байгаа. Мөн даажинтай, даапаалалтай улс шүү.
Шударга ёс, эрх тэгш гэгч нь там руу одсон уу даа, гэмээр. Ардчилсан намынхан гэж доройтсон улс байна. Үерийн лаг шавар дээр ажиллаж байна гэх. Буруу юм алга. Хэний нь ч тус энэ эх орон, туйлдсан ард түмэнд хэрэгтэй байна. Ардчилсан намын дарга Л.Гантөмөр мөн л их идэж уусан, зээл, сан самарсан гэж хавраас хойш балбууллаа. Намын дэд даргаараа Ч.Өнөрбаяр, И.Мөнхжаргал хоёрыг томилох гэж байгаа юм уу даа. Ардчилсан намын хагалбарын хоёр ирмэг дээр явсан залуус. Генсекүүд гэгдэн.
Эдүгээ ийнхүү энэ хоёрыг ийнхүү дээш өгсүүлэн, ингэж дэд даргаар өргөмжлөх агуулга, тохиргоо, зөвшлийн үндэс юу байгаа нь бүү мэд. Харин сонин нь, энэ хоёрын сууж байсан сандал, эрх мэдлийн их сандалтай генсекийн байранд Э.Одбаяр суух төлөвтэй болсон гэх. Лаг шавартай зууралдан, нигүүлслийн агуулга үзүүлж буй Ардчилсан нам дотор ийм үйл явдлууд өрнөж байгаа юм байна.
Үерийн түгжрэлд үйж, тогооноос шидэгдсэн боов шиг таран урсаж яайрсан олон машиныг хэн төлж, ард түмнийг хохирлыг барагдуулах нь бүү мэд. Нам төрийг баригч Д.Амарбаясгалан дарга мэргэжлийн хяналтыг үгүй болгоод улсаар нэг хянагчид бий болгосон. Хяналт хэрэгжүүлэх газар гээд. Дарга нь албан тушаалын замаар тасралтгүй дэвшигч Б.Баасандорж гэдэг хүн байдаг. Стандарт, мэргэжлийн хяналтыг энэ хүн гүйцэтгэх ёстой байх.
Б.Баасандоржоо ажлаа хий л дээ, албан тушаал тань дарчхаагүй бол. Хотод тарваган тахал л дутаж гэнэ. Гарчихсан байна. Нэг тохиолдол илэрсэн нь Хэнтийн Биндэрээс гаралтай гэнэ. Баян-Адаргаас чигтэй. Сая таван зуун хүнтэй энэ хотод тарваган тахал тарвал яах вэ. Б.Баасандорж хариулах хэрэгтэй .
Саяын үерт амь үрэгдэгсдийн хоёр нь Хэнтийгээс ирсэн хүмүүс гэж мэдээлсэн. Цахилгаан тог авахдаа мэргэжлийн бус байдлаар авсан, хяналтгүйгээс үүдсэн осол болсон гэж нийгэмд ойлгогдсон. Энэ мэтээ эрх баригчид, засгийн сэнтий эзлэгсэд ойлгож, мэдэрч, ажлаа хийцгээ.
Түгжрэлийн Ж.Сүхбаатар таг .Саяны үерийн дараа, ослын асуудлаар баалуулагсад үхэх хүн ханьсгийн үлгэрээр түүнийг “дэрлэхээр” нэрлээд л байна лээ. Хотод болсон үерийн хариуцлага бол Ж.Сүхбаатар үүрэлцэх ёстой ланчиг мөн шүү. Ил гарч ажлаа хий. Чингэлтэйнхэн зээлийн боов, зэллэсэн түгжрэлд хэцүү байгаа шүү.
Б.БАЯР
Amlalt.mn
