Төрийн өндөр албан тушаалтнууд албан тушаалын эрх мэдэл, давуу байдлаа ашиглаж сонгуулийн сурталчилгаанаас өмнө тойрог усалж, байгаа нь сонгогчийн эрхийг зөрчиж байна...
“Ялангуяа, улс төрийн өндөр албан тушаалтнууд төрийн нөөц, эх үүсвэрийг захиран зарцуулах эрх мэдлээ сонгогчдод нөлөөлөх байдлаар ашиглан, сонгуулийн хугацаанаас өмнө “Тойрог услалт буюу өөрийгөө дэмжүүлэх мөлхөө сурталчилгаа” хийж байгаа нь сонгогчийн эрхийг ноцтой зөрчиж буй үйлдэл юм”
Монгол Улсын Засгийн газраас хэрэгжүүлж буй бодлого үйл ажиллагаа, төсөл хөтөлбөрийг хариуцан салбартаа хэрэгжүүлэх, олон нийтэд үйлчлэх, олон улсын харилцаанд Монголын төрийг төлөөлөх үүрэг бүхий Засгийн газрын гишүүн, Сайд нарын орон нутаг нэрлэж авсан албан томилолт ТББ-ын болон сайн дурын зохион байгуулалттай ажлуудад оролцож байгааг хамааруулж болно.
Энд онцлон БОАЖ-ын сайд Б.Бат-Эрдэнэ Орхон аймгийг онцлон “тойргоо услаж” байгаа тухай баримттай мэдээлье.
Тэрбээр өөрийн үүсгэн байгуулсан “Бат-Өлзийн Бат-Эрдэнэ” сангаараа дамжуулан төрийн ажлыг өөрөө хийсэн мэт сурталчлах. Бат-Өлзийн Бат-Эрдэнэ сан нь хувь хүний хөгжилд, хүүхэд залуусын боловсролд, нийгмийн тулгамдсан асуудлуудад хүрч ажиллахыг, нэг нэгэндээ хайртай байхыг уриалдаг.
Сангийн үйл ажиллагаанд идэвхтэй оролцогч, дэмжигч нь төрийн сайд өөрөө. Тэрээр ашгийн бус ТББ, САН-ийн үйл ажиллагааг дэмжих замаар Эрдэнэтийн тойргийг усалж буй нэгэн. Ингэхдээ албаны хөдөө орон нутгийн томилолтоо зориуд түлхүүЭрдэнэтэдхийдэг. Энэ үеэрээөөрийн нэрээр нэрлэж үүсгэн байгуулсан “БАТ-ӨЛЗИЙН БАТ-ЭРДЭНЭ САН" ”BBFOUNDATION/”ББ сан” өмнөх нэршил нь /гишүүдийн уулзалт, арга хэмжээнд идэвхтэй оролцож, НЭГ ЖИЛИЙН ДАРАА СОНГОЛТ ХИЙХ СОНГОГЧДЫН ЧИХЭНД НЭРЭЭ, НҮДЭНД ЦАРАЙГАА ХОНОГШУУЛАХ ЗАМААР СОНГУУЛИЙН ӨРСӨЛДӨӨНД“ТЭГШ БУС” ГАРААГ ЭХЛҮҮЛСЭН ЯВДАЛ ЮМ.
Баримт: https://www.facebook.com/bbfondationmn/videos/551455550247270
Эрдэнэт хотын иргэн: https://www.youtube.com/watch?v=vlokCa6UDao
Дээрх бичлэгт “ББ” сан нь улс төрчийг дэмжигч, улс төрийн албан тушаалынх нь хувьд түүний үзэл санааг дэмжих, олон нийтэд сурталчлан таниулах,” ББ”сангийн дэргэдэх “Гэрэл асаая” клубээр дамжуулан дэмжигчдийн хүрээг тэлэх, намын дэргэдэх байгууллага шиг ажиглагдана. Тодруулбал, ББ сан нь 2018 оноос хойш Эрдэнэтэд үйл ажиллагаагаа явуулж эхэлсэн. Ингэхдээ хөтөлбөрөөр дамжуулан “Гэрэл асаая-1,2,3” хөтөлбөрөөр дэмжигчдийн хүрээгээ нэмэгдүүлж байна гэсэн үг юм. Өөрөөр хэлбэл 2024 оны УИХ-ын ээлжит сонгуулийн сурталчилгааны ажлыг эхлүүлжээ.
ЭРДЭНЭТЭД ЭЛЭГТЭЙ НУТГИЙН САЙД
/БОАЖ-ын сайдын албан томилолтоор Эрдэнэт ажиллах үеэр "Таны амьдрал" сонинд өгсөн ярилцлага/
Улс төр судлалын багш Ц.Мөнхбаатар: "Энэ бол сонгогчдын саналд нөлөөлж, сонгогчдыг худалдан авч байгаа, тэгш бус зарчмыг илэрхийлсэн үйлдэл мөн. Тиймээс ийм нөхцөлийг гаргуулахгүй байхын тулд холбогдох хуульд нэмэлт өөрчлөлт оруулах ёстой. Сонгуулийн хуульд зөвхөн тухайн сонгуулийн жилийн эхний өдөр /01 сарын 01-ны өдөр/-өөс сонгуульд нэр дэвшихийг зорьж буй төрийн захиргааны, тусгай, төрийн өмчит үйлдвэрийн газар, төрийн өмчит газрын удирдлагууд, аж ахуйн тооцоот газрын захирлууд албан хаагч ажлаа өгсөн байхыг шаарддаг. Гэвч үүнд улс төрийн албан тушаалтнууд хамаардаггүй. Тэд сайд, засаг даргын эрхмэдэлтэйгээ цуг сонгуульд бусадтай өрсөлддөг. Энэ давуу байдлыг халах нь зүйтэй. Эс бөгөөс төрийн өндөр албанд ажиллаж байгаа хэн бүхэн төрийн ажил хийж байх хугацаа нь “Сонгуульд нэр дэвших” бэлтгэл ажил болох магадлалтай" гэсэн юм.
Мөн Б.Бат-Эрдэнэ нь өөрийн нээлттэй вебсайт болох сайтад http://www.baterdene.mn/information өөрийн нэрийн домайнд оруулсан намтарт төрж өссөн нутаг тодорхойгүй, Орхон аймгийн Цагаанчулуут багийн харьяат гэжээ...
Эрдэнэтчүүдийн сайн мэдэхээр Б.Бат-Эрдэнэ төрийн алба хашиж эхлэхээсээ өмнө “Эрдэнэт хотын хөгжил бодлого судалгааны хүрээлэн” ТББ, “ББ сан”-г тус тус үүсгэн байгуулсанаас хойш Эрдэнэтийг усалж эхэлсэн. Улсын ажил хийж эхэлснээс хойш буюу буюу 2021 онд “ББ” сангийн удирдах зөвлөлийн даргын үүрэгт ажлаа бусдад шилжүүлсэн. Дээрх намтар нь Орхон аймгийн унаган иргэн, Эрдэнэттэй залшгүй холбогдохоор нэгэн гэх сэтгэгдлийг төрүүлж, төөрүүлнэ.
Гэвч БОАЖ-ын сайдын албыг хашсанаас хойш тус Байгаль орчин, аялал жуулчлалын яамны веб сайтад https://met.gov.mn/about-us/show/said/mn 1977 онд Улаанбаатар хотод төрсөн. 1995-2013 он хүртэл Улаанбаатарт улс төр судлалын доктарантаар сурсан. Ажилласан байдал нь 1999-2017 он хүртэл Улаанбаатарт, 2017-2018, 2019-2020 он хүртэл “Эрдэнэт хотын хөгжил бодлого судалгааны хүрээлэн” ТББ-ын тэргүүнээр ажилласан байдаг. Одоогоор Эрдэнэтэд албан, болон хувийн томилолтоор ирэхдээ аялал жуулчлалын хувийн компаниудын буудлуудад хоноглодог.
Сонгогчид саналаа хэрхэн өгдөг, хэнийг яагаад сонгодог болохыг “Цогц Хөгжлийн Үндэсний Төв” ТББ-аас санаачлан хийсэн “Сонгогчийн зан, төлөвийн судалгаа”-нд /2022 он/ дурджээ.
Уг судалгаанд 2020 оны УИХ-ын сонгуульд санал өгсөн иргэдийг хамруулжээ. Судалгаагаар сонгогчид “Сонгуульд өгсөн саналаараа юуг шийдэж байгаагаа мэдэхгүй байна” гэж дурджээ. Мөн “Сонгогчид өөртэй нь харилцаатай, асуудлыг нь анхаардаг, шийдэж өгдөг хүнийг дэмжих хандлагатай гэжээ. Өөрөөр хэлбэл, танидаг нутгийн хүн, эсхүл өөрийн амьдралын шаардлагатай орон зайн асуудлыг шийдсэн, хүнээ сонгочихъё гэх хүмүүс байгааг судалгаанд дурдсан байгаа юм.
Үүнд өөрчлөлт хийх эхний алхам нь сонгогчид улс төрийн сонгуульд илүү хэрсүүжиж оролцохоос эхэлнэ.
ЗӨВХӨН ЭРДЭНЭТИЙН СЭТГҮҮЛЧДИЙН ДУНД УРАЛДААН ЗАРЛАВ
/Баримтаар зөвхөн Орхон аймгийн сэтгүүлчдийн дунд БОАЖЯ-наас зарласан уралдааны удирдамж, уулзалтын зургийг хавсаргав/
Амлалт.мн
