УИХ-ын ХЗБХ-ны гишүүдээс хэн нь нүүрсний хулгайтай “холбоотой” вэ !
Огноо
Унших
3 минут 1 секунд
УИХ-ын ХЗБХ-ны гишүүдээс хэн нь нүүрсний хулгайтай “холбоотой” вэ !
Нийтлэсэн огноо:

УИХ-ын ХЗБХ-ны гишүүдээс хэн нь нүүрсний хулгайтай “холбоотой” вэ !

Авлигын хэргийг дагнан шүүдэг шүүх байгуулъя хэмээтэл манай улс төрийнхөн, хууль тогтоогч нар гэдийчихлээ. Энэ нь ирц хүрэхгүй байна гэдгээр бойкотлож байгаагаар тодорхой илэрхийлэгдэж байна.

Энэ шүүхийг байгуулснаар авлигын хэргийг хойшлуулшгүйгээр түргэн шийддэг болох тул ингэж “аваргуудыг” айлгаад байгааг тааварлаж ядах юм алга.

УИХ-ын боловсролтой гишүүн Д.Цогтбаатар Хууль зүйн байнгын хороог толгойлж байгаа. Түүний байнгын хороо 18 гишүүнтэй. Дөрөв нь АН-ынх, үлдсэн 14 нь МАН-ынх. Ш.Адьшаа, Н.Алтанхуяг, Э.Бат-Амгалан, С.Бямбацогт, Д.Ганбат, Б.Дэлгэрсайхан, Л.Мөнхбаатар, Ц.Мөнх-Оргил, Ц.Мөнхцэцэг, Б.Пүрэвдорж, Ш.Раднаасэд, Ц.Сандаг-Очир, Ж.Сүхбаатар, Ц.Сэргэлэн, Д.Цогтбаатар, Н.Учрал, Б.Энх-Амгалан, Б.Энхбаяр нар юм.

Ерөнхий сайд Л.Оюун-Эрдэнэ авлигатай тэмцэхэд амаргүй байгааг яриад, тэмцээд шүүхийнхэнд ад болоод байгаа. Бүр Шүүхийн Ерөнхий зөвлөл нь ҮХЦ-д хаяглан шүүхийн хараат бусад нөлөөллөө гэсэн дүгнэлт явуулахаа алдсан.

Авлигачдын хүч ийм том байгаа. Тэд шүүхэд шууд бус "нөлөөлөлтэй" гэдэгт эргэлзэх хүнгүй болсон.

МАН, АН-гүй авлига хулгайтай тэмцэхийг уухайлан ярьцгаадаг, өнгөн дээрээ. Жинхэнэ нидэр дээрээ яг ямар байгааг Хууль зүйн байнгын хорооны гишүүдийн ирцгүйдэн эс үйлдэхүй, үл хэрэгжүүлэгч байдал маш тодорхой илэрхийлж байна.

Сөрөг хүчний үүргийг гүйцэтгэн, жинхэнэ яргаж байх ёстой Ардчилсан намынхан, гэтэл энэ асуудалд бүр ч халирмал байж, хойш суугаад байгаа нь гайхалтай.

Энэ салхийг нь Ардын намын ханагарууд дагуулж гудайлган, арагш гэдийгээд байгааг хэвлэл мэдээлэл, олон нийт ойрын өдрүүдэд илүү нарийвчлан шинжилж мэдээлэх биз.

УИХ дотор авлигатай тэмцэх, авлигачныг шийтгэхэд "дургүй" хүч маш тодорхой байна. Б.Энхбаяр сайд нүүрсний сонсгол явуулах гээд хэрхэн зүдэж байгаагаас тодорхой анзаарагдаад удлаа.

Спикер Г.Занданшатар авлигатай тэмцэхийг чуулган болгоны нээлтэд зарладаг. Эдүгээ үргэлжилж байгаа чуулганыг нээхдээ ч эл алдарт үгээ хэлсэн.

Гэвч энэ зорилт хангагдахгүйгээр үл барам, Байнгын хорооны ирцээрээ бойкотлож "эсэргүүцэж" байна.

Нэг үгээр хэлбэл, МАНАН хэмээгддэг Монголын улс төрийн нэгэн аймаар ужиг асуудал, нэн шинээр Хууль зүйн байнгын хороон дээр МАНАНтах үзэгдэл болж байгааг Монголын ард түмэн харж байна.

Дамдины Цогтбаатар ирцээ бүрдүүл! Хурлаа хий, хэн нь хэн бэ, хэн нүүрсний сонсголоос хойш суугаад байгааг нийтээрээ харцгаая.

Б.ДОРНО

Засгийн газрын санал “БАЙ“-ндаа туссаныг Байнгын хорооны ирц харууллаа
Засгийн газрын санал “БАЙ“-ндаа туссаныг Байнгын хорооны ирц харууллаа
 
АШУҮИС малчин өрхийн хүүхдүүдэд гуравдугаар сарын 17 хүртэл чөлөө олгохоор болжээ
АШУҮИС малчин өрхийн хүүхдүүдэд гуравдугаар сарын 17 хүртэл чөлөө олгохоор болжээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!