Ерөнхий сайд Л.Оюун-Эрдэнийн “Алсын хараа 2050” урт хугацааны бодлогод суурилагдан нэн шинэ гучин жилийг эхлүүлж байгаа явдал юм
Ямар ч гэсэн сайн тал руугаа л яваад байна. Нүүрсний сонсголоо хийчихлээ, өрийн гинжин хэлхээгээ тасаллаа. Хэн нүүрсний хулгайчийг мэдлээ. Ямар их боломжоо алдсанаа ч харлаа.
Ард түмнээрээ нэгдсэн нэг ойлголтод хүрч байх шиг байна. Энэ бол илүү их хяналттай, илүү их зөв нийгмийг л бүрдүүлэх учиртайг энэ их хулгай зэлгий, шамшигдуулал хэлээд байна.
Харин энэ асуудалд оройлж, үйл хэрэг тэмүүллээрээ зүтгэн ажиллаж байгаа хүн бол Ерөнхий сайд Л.Оюун-Эрдэнэ. Түүнд Хууль зүйн шинэ сайд Б.Энхбаяр дориун хань бараа, тулх болж чадлаа.
Б.Энхбаяр сонсголын үеэр төгс байгаагүй гэхэд муу байгаагүй. Гэхдээ л олон олон гэрчүүдийг байлгаж чадсангүй. Б.Ганхуягаас эхлээд. Нэг хэсэг нь зугтаад гараад явж.
Өмнөговь аймгийн газрыг гадаадын иргэдэд хүртэл эзэмшүүлж. Тус аймгийн Иргэдийн хуралд байгсад сүүлийн он жилүүдэд жижиг “Таван толгой”- д эзэн сууж дураараа дургисныг сонсгол ил тод нээлттэй харууллаа.
Нүүрсний асуудалд холбогдсон энэ олон албан тушаалтан, хүмүүсийг одоо хууль хяналтын байгууллага ном ёсоор нь шийдэж хариуцлага хүлээлгэх үлдэж байна.
Шүүхээс хэнийг хэрхэн шийтгэхийг ард түмэн харах л үлдлээ. Энэ бол нүүрсний сонсголын үнэмлэхүй амжилт энэ юм.
13,3 их наяд төгрөгөөр өр дарснаа Ерөнхий сайд мэдэгдлээ. Их мөнгө. Гэвч бид авснаас хойш өгөхөөс өөр аргагүй.
Өрийн гинжин хэлхээ тасарч, эдийн засгийн өсөлтийн үр нөлөө одоо айл өрхүүд рүү шингэнэ гэж Ерөнхий сайд хэлж байна. Үүнээс аятай мэдээ гэж юу байх билээ. Хөгжлийн банк дампуурч байсан шүү дээ. Энэ банкийг сонсгол хийж ул учрыг нь мэдээд, эргэн төлөлтийг маш сайн хийлгэсэн. Энэ бол Засгийн манлайлал, хэвлэл мэдээлэл, иргэд олон нийт гээд бүгдийн нь зүтгэл байсан. Ингэж чадсан тул эргэн төлөлтөөрөө өрүүдээ төлсөн.
"Эрдэнэс Таван толгой“ дээр БЭТ томилж зургаан сарын дотор их наядын ашигтай ажиллаж болдгийг харуулаа.
Засгийн газар өрийн менежментээ сайн хийсний үрээр 2024, 2025 онд бондын өр төлөхгүй болсон нь, улмаар валютын нөөц 10 тэрбум ам долларт хүрэх мэдээ байгааг Ерөнхий сайд Л. Оюун-Эрдэнэ дуулгаж байгаа нь таатай хэрэг.
Ерөнхий сайд Үндсэн хуулийн нэмэлт өөрчлөлтүүдийг зохистойгоор хийж, 126 гишүүнтэй болгон мандатын хүртээмжийг нэмэгдүүлж, эдүгээ бүсчилсэн тойргоор УИХ-ын сонгуулийг зохион байгуулах асуудлыг хэлэлцэх гэж байна.
Ингэснээр Үндсэн хуулийн нэмэлт өөрчлөлт мөн чанараараа хэрэгжин, улс орон хөгжлийн шинэ замд орж, эрх ашгаа илүү өндрөөр бүтээмжилж байгаа хэрэг юм.
Хөрөнгө оруулалтууд жинхэнэ утгаараа нийтийн эрх ашигт үйлчлэх төслүүдэд зарцуулагдаж, хөгжлийн шинэ дорвитой өөрчлөлтийн замыг энэхүү бүсчилсэн тойргийн сонгууль олгоно гэж харж байна.
Эдгээр бүхэн нь Ерөнхий сайд Л.Оюун-Эрдэнийн “Алсын хараа 2050” урт хугацааны бодлогод суурилагдан нэн шинэ гучин жилийг эхлүүлж байгаа явдал юм.
Б.ДОРНО
Amlalt.mn
