Намбарын Энхбаяр гэдэг хүний ээлжит сюрприз эхэлж байгаа юм байна. Тэрбээр МАН, МАХН -ыг нэгтгэхэд оройлолцон, эдүгээн төр засгийн хамгийн том дарга нарыг бий болголцсон билээ.
МАХН гэдэг нэрийг 2012 онд өөртөө авч, МАН-ыг туйлдуулж эхэлсэн билээ. МАХН,МАН гэдэг хоёр нэрийн нэгдэх ,салах бол Н.Энхбаярын цаг үргэлжийн эрх ашиг байлаа. Одоо байсаар. Нэн шинээр байх бололтой. МАН-даа гомдогсод төрийн ордноор дүүрэн байна.
Тэд Н.Номтойбаярын байгуулсан ногоон эвсэлд нэгдэх төлөвтэй болоод явчихаж. Номтын эвслийн тулах нэг чулуу нь МҮАН, Б.Цогтгэрэл, М.Энхсайхан нар. Энэ хүмүүс бол Н.Энхбаяртайгаа хэзээнээс хамт, эвсэл болж дэд сайд, гишүүн, дарга болж явсан улсын цомирлог. Хуучин энэ харилцаа угаас бөх тул одоо сонгууль дөхөөд бүр ч сэргэж байгаа юм байна.
Н.Энхбаяр М.Энхсайхан нар МАН-д гомдогсдын цугларлыг бөөгнүүлээд Номтын эвсэлд орохоор МАН-ыг айлган доройтлуулах ажилд нэгэнт ханцуй шамлажээ. Бичигдээд ч эхэлж. Цагаан сараас хойш илүү олон шинэ сонин мэдээллүүд хөврөх биз.
Сэтгэл болоод шаралхалын амтыг зэрэг зэрэг үзүүлэх Н.Энхбаярыгаа МАН хэрхэх сонин байна. Эрх мэдэл амлаж намдаа байлгах юм уу, урьдын түлхэж асан шигээ түлхэх юм уу, сонголт дөхөж дээ.
Н.Энхбаяр бол улс төрийн элдэв башрын углуургыг төгс эзэмшсэн хүн. Эдүгээ МАН-ыг дахин нэг тамирдуулах ажлын гарцаагүй хийхээр болсон шиг байна.
Энэ нь Н.Номтойбаяр гэдэг хүний байгуулсан эвслийн суурь баазад тулгуурлаж байгааг бүгд л харж байна. Намбарын Энхбаяр намын нэр барьж, хувийн эрх ашигээ "гүйцэлдүүлдэг" улс төрийн шидээ үзүүлэх нь дээ, МАН-д.
Т.ГАРЬД
Амлалт.мн
