Туулай жил өөрийн гэсэн улбаа тоосоо үлдээн одож байна.

Туулай жилд монголчууд Богд дээдсээ залж, улс төр, шударга ёсонд харьцангуй гэрэл гэгээ ассан нь хилсгүй юм. Засгийн газар, Ерөнхий сайд Л.Оюун-Эрдэнэ шударга ёсны тэмцлийг хийсээр, авлига хээл хахуультай тэмцэн, УИХ, түүний удирдлага Г.Занданшатар нар хамтран нүүрсний Түр хорооны сонсголуудыг хийж, Хөгжлийн банкны луйвар лоосууг илчлэн, хохирлыг барагдуулсан нь чухал амжилт болов.

Хөгжлийн банк эдүгээ өр зээлээ барагдуулж, банк шиг банк болжээ. Нүүрсний сонсголыг шат дараатай хийж, эх орныг тоносон, дээрэмдсэн, завшсан хүмүүсийг бүгдийг ил болгож, ард түмний болоод, хуулийн шүүхийнхний мөн дурайтал илчиллээ.

Хэн нүүрсний хулгайч вэ гэдгийг ард түмэн бүрэн таниж ойлгосон. Нүүрсний хулгайн эзэн холбогдогчдын түрүүчийг шүүхэд дэнслэн, зохин ноогдох ял зэмийг хүртээв. Одоо цаашид ч энэ ажиллагаа шат дараатай хийгдэх байх.

Саяхан Хууль зүйн сайд Б.Энхбаяр нүүрсний сонсгол, түүний үр дүнгийн талаар тодорхой ярина билээ. Хууль зүйн сайд, Засгийн газар, УИХ ажлаа хийсэнийг тодорхой хэлсэн. Одоо шүүх, прокурорын байгууллагын хараат бус, шударга үнэн дэнслэл л хүлээгдэж байгааг маш тодорхой ярьсан.

Хууль зүйн сайдын хувьд ярьсан бүх зүйлээ нотлох баримтаар хамгаалагдсан, өвч биежсэний тул өгүүлж байгаагаа ч хариуцлагатайгаар давтсан.

Маргааш гарах луу жилд Монголын хууль шүүхийнхэн эх орон, улсаа тоносон, авлига, албан тушаалын цагаан захтан, гэмт хэрэгтнүүдийг шүүн цээрлүүлж, ард түмний боломж, амьдралын баялагийг хулгайлсан этгээдүүдэд ноогдох ёстойг ноогдуулах нь шударга ёсонд бүрнээ нийцэх билээ. Б.Энхбаяр сайд хэлсэн. Өөрийгөө Ерөнхий сайдын хуулийн илд гэж.

Б.Энхбаярын үг ч Ерөнхий сайдын үг, Ерөнхий сайдын илдээр ойлгогдож, нийгэм тийн ухамсарлаж байна. МАН-ын дарга, Ерөнхий сайд Л.Оюун-Эрдэнэ эх орноо илүү цэвэрлэж, илүү сайн засаглалд илүү сайн шамдах биз ээ, луу жилд.

Б.ДОРНО

Амлалт.мн