Хотын дарга Х.Нямбаатар М.Найданхүү докторыг инновац дэвшил хариуцсан зөвлөхөөрөө томилж.
Энэ бол тун оносон шийдэл байна. Норвегоор дагнаад, ер нь хөгжсөн орны зураглалыг төгс ойлгосон хүн билээ, энэ доктор. Эх орноо гэж бодож, их олон дэвшилтэт аргаар улс орноо хөгжүүлчих юм сан, дэлхийн стандартаар амьдарчих юм сан гэж хүсэж, тэмүүлж явдаг хүн бол М.Найданхүү.
Хот төлөвлөлт, баялгийн сан гээд манайд чухамхүү хүлээгдэн хүлээгдэн байгаа бүхний учрыг ултай мэдэж, хэрхэн хөгжүүлж болохын түлхүүр эрдмийг М.Найданхүү бүрэн таньсан хүн байна билээ.
М.Найданхүү доктор Нямбаа захирагчид сэгийтэл зөвлөж, сэлбэж ухаан нэмээд явахыг зөв гэж харах. Ж.Энхжаргалан гэдэг электрон нөхөр байдаг. Түүнийг мөн Х.Нямбаатар зөвлөх болгоотохож.
Ухаалаг хот, ухаалаг шийдлийг эрсэн залуу байна лээ. Хотдоо автобусны дулаан , ухаалаг зогсоол байгуулж харуулаад, яаж ажиллаж болохыг илтгээд байдаг энэ залуу нийгмийн хөгжил, бүтээн байгуулалт хариуцаж зөвлөх нь. Болох л сонголт.
Ер нь, Х.Нямбаатар Засгийн газрын итгэл найдварыг авч хот дээр ирж ажиллаж байгаа хүн.
Ногоон автобусны булхайг нэг тийш болгож, саарал автобусыг шамдаж оруулж ирээд, нэг үеэ бодвол нийтийн тээврийн тойрсон хэрүүл уруул намжиж л байна.
Метро, дүүжин тээврийг явуулчих гээд зүтгэж л байх шиг. Саарал автобусыг авчирна гэж хэлсэн товлосон хугацаандаа оруулаад ирсэн шигээ 2028 онд метро ашиглалтад оруулчихвал ээ дээ, мөн ч чухал байна. Бас ч гэж ард түмэнд итгэл бий болж эхэллээ.
Түгжрэл бол Улаанбаатарын нэгдүгээр асуудал. Үүнийг Х.Нямбаатар шийдчих гээд уурлаж нэг, уцаарлаж нэг, зүтгэж, зөрж, янз янзаар үзэж байна.
Хамгийн гол ажлын цагаа уртасгаад, тун зүтгүүр тэмүүлэлтэй байгаа нь гоочилмооргүй хандлага.
Гэтэл ХҮН гэдэг намынхан эсэргүүцсэн хандлага, бойкот маягийн байдлыг их үзүүлж харуулах юм. Улс төрөө хийлгүй л яахав, гэхдээ ард түмний уцаар бухимдал болсон түгжрэлийн асуудлыг шийдэх гэж янз янзаар үзэж байхад нь нэрмээс болмооргүй л байна.
Нэг ёсондоо нийтийн эрх ашиг, нийтийн тээврийг тойрсон бухимдлыг ХҮН-чууд өдөөж нэрмэх л үүрэг гүйцэтгээд байна. Уг нь нь шийдэлд ажил хэрэгч оролцож, илүү ухаалгаар хандаж байж л жинхэнэ бүтээлч улс төрөө хийх учиртай сан. Тэгэхгүй юм даа.
Гүйх нохойд гүйхгүй нохой саадын үлгэрийг ХҮН, түүний гишүүд үзүүлээд хэрэггүй юм.
Харин Х.Нямбаатарт хэрхэн яаж хань болох уу, ямар дутагдлыг нь элбэж засах уу, хэрхэн хамтарч Улаанбаатарынхныхаа асуудлыг хугаслах вэ, шар усны үерийг яаж давах уу гэдэгт ухаанаа уралдуулмаар санж.
Ер нь товчдоо, Улаанбаатарын аж ахуйн ажилд улс төр хэрэггүй юм. Улаанбаатарын аж ахуйд ухаалаг менежмент, хамтын хүч, нэг зүгт харж, хамжих л нэн чухал аа. Метро байгуулах бүтээн байгуулалтад энэ онд 333 тэрбумыг төсөвлөсөн юм билээ.
Үүнийг түргэн, яг бүтээн байгуулалтад нь зарцуулахыг харин, ХҮН тэргүүтүүд шахаж ажиллах л нийслэлийн иргэдийн эрх ашигт нийцнэ ээ.
Б.ДОРНО
Amlalt.mn
