Амлалт.мн сайт байгуулагдсан цагаасаа хойш улс төрчдийн, улс төрийн намуудын мөрийн хөтөлбөр дэх амлалтыг сануулж, шахаж шаардан ажиллаж байгаа билээ.
Үүний маань зохих үр дүн гарч байна гэж үзэхээр байгаа нь намууд мөрийн хөтөлбөрөө гарган Үндэсний Аудитын газарт өгөхдөө тодотгож байгаагаас мэдэгдэж байна.
Эрх баригч намын маш олон биелээгүй амлалт байгаа. Ямар сайндаа л бүлгийн дарга Д.Тогтохсүрэн нь амлалтыг нь сануулахаар, наадах чинь хорин оных бус, арван зургаан оных байна гэж булзаж байх жишээтэй байдаг.
Ардын намын нарийн бичгийн дарга Н.Энхбаатар МАН-ын мөрийн хөтөлбөрт ямар ч попролт байхгүй хэмээж байгаа нь биелүүлдэггүй байснаа зөвшөөрч байгаагийн нэг илэрхийлэл болж ойлгогдохоор дуулдаж байгаа юм.
МАН найман жилд засаглахдаа хамгийн наад зах нь малын түүхий эдээ боловсруулах нэг ч үйлдвэр барьсангүй. Станц бариагүй.
Үүнээс үзэхэд л ямархуу ажиллаж, амлалтаа биелүүлснийг нь дүгнэж ядах зүйлгүй. Арав хүрэхгүй, аран гаруйхан хүнтэй сөрөг хүчин байсан АН энэ удаагийн мөрийн хөтөлбөрөө амлалт бус, ажлын төлөвлөгөө гэж нэрлэж байгаа нь “Амлалт.мн”-ын л нийтлэлийн үр дүн, илэрхийллээр мөн ойлгогдож байгаа юм.
Тоон үзүүлэлтээр хэлбэл, 999 сорьцтой гэж тодотгож байна лээ.
Н.Номтойбаярын эвсэл иргэн баян байя, үндэстнээрээ баяжъя гэж хөтөлбөрөө боловсруулснаа өчигдөр Аудитын дарга Д.Загджавт гардуулна билээ.
Ингэж зарим намууд амлалт бус ажил хэрэг, ажлын төлөвлөгөө ярьж байгааг сайшаахаас яалтай.
Б.ДОРНО
Amlalt.mn
Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!