Ерөнхий сайд намынхаа Бага хурал дээр тийм ч намуухан байгаагүй юм байна. Шүүхийг авлигад бүрэн идэгдсэн байгааг хэлсэн л бололтой.
Үнэндээ том том хэргүүдийн холбогдогсод шүүхээс чөлөөлөгдөөстэй, Л.Оюун- Эрдэнэ л түргэн дээд суудлаас одвол болох нь тэр гэдэг байдлаар авлигачид, авлигыг өөхшүүлэгч "шүүх" ажиллаж байгааг ард түмэн ойлгох л чухал юм.
Л.Оюун- Эрдэнэ үүнийг яриад, дээр нь авлига, албан тушаалын гэмт хэргээс хол эмэгтэйчүүдийг УИХ-д илүү олноор дэвшүүлэх нь шиг байна.
Генсектэйгээ, Засгийн хэрэг эрхлэхийн даргатайгаа Сангийн дэд сайд С.Мөнгөнчимэгийг хурал удирдуулж байгаа нь ч энэ илэрхийллийг нь лавшруулж байгааг илтэд магад харж болох.
Ерөнхий сайд авлигын эсрэг нүүдлүүдээ хийсээр байгаа нь ойлгогдож байгаа.
Цахимын сайд Н.Учрал хиймэл оюун ухааныг төрийн үйлчилгээнд нэвтрүүлж байгааг зарлаж байна. Ашигт малтмалын лиценз олголтын асуудлаас эхэлж байгаа бөгөөд энэ дэвшил бол хүний эрх ашиг сонирхлоос ангид байлгах чухал арга зам юм.
Н.Учрал сайд үүнийг хийгээд эхэлжээ. Энэ бол маш том дэвшил. Дэлхий ийн аргачлалаар эргэж байгаатай хөл нийлэхээс аргагүй.
Ерөнхий сайд мөн саядаа Замын-үүдийн боомтыг 24 цагаар ажиллуулахаар энэ асуудлыг хариуцсан сайд Б.Тулгатайгаа очиж нээлээ.
Боомтуудыг мөн цахимжуулан, хяналтыг нарийсгасаар байгаа. Энэ бол нэн том дэвшил. БОАЖ-ын сайд Б.Бат-Эрдэнэ л гэхэд өнгөрсөн жил жуулчдын тоог илт нэмэгдүүлсэн бодлого хэрэгжүүлсний зэрэгцээ 3 жил ажиллахдаа ширээний ард суух, 100 мянган зам явж, Монгол орныхоо өнцөг буланд хүрч ажилласан байна.
Хэрэг дээрээ ийм л итгэлт сайдуудаараа дамжуулан Ерөнхий сайд авлигын эсрэг зөөлөн болоод системтэйгээр, томоор ажиллаж байгаагийн л алхмууд, эдгээр бол.
Засгийн газрын залуу, нэр цэвэр сайдууд нь ингэж МАН-ын дарга, Ерөнхий сайдынхаа авлигатай тэмцэж, алсын хараанд хамт байхад тусалж байхад, намыг нь, ажлыг нь харлуулагч арван хувьтнууд, ухарч өгдөггүй бөх гээд түвэг бэрхшээл бас зэрэгцээстэй.
Залуу Ерөнхий сайдад залуу сайдууд, зам холтнууд л түшиг болно. Эмэгтэйчүүдийг илүү олноор дэмжиж, итгэл өгөх ч авлигатай тэмцэх том шалгуур юм.
Б. Баяраа
