Газрын асуудлаар сонсгол хийх асуудалд Х.Нямбаатар захирагч цаг тутам анхаармаар байна. Энэ сонсгол ерөөс урагшилахгүй, бодит хүч саатуулаад байгааг спикер Г.Занданшатар тов тод мэдэж, нэн ууртай байгааг хэвлэл бичээд эхэллээ.
Газрын авлигачид, газар зарагчид бол Монголын номер нэг баячууд бөгөөд Улаанбаатарын утаа, түгжээ, хөрсний бохирдол, бүх муу муухайн эх ундарга юм. Газар зардаг асуудал хэнд их хамаардаг билээ.
Хотыг эрхшээсэн үе үеийн дарга нар гэдэг.. Газрыг хамгийн их эзэмдэн, нийгэм энэ асуудлыг харъяалуулдаг хүн бол УИХ-ын гишүүн асан Б. Наранхүү. Тэр бол УИХ-ын гишүүн Б.Саранчимэгийн дүү.
Б.Наранхүү газрын асуудлаар ингэж үлгэрлэн цоллогдохдоо М.Энхболд гэдэг нэрээр тодотгогддог. Бүх хэвлэл, цахим датад энэ байгаа. Бүх цагийн үеийн газрын олголт, газрын бурангуйдлын жин эзлэх хувиар М.Энхболд тэргүүлж, Э.Бат-Үүл удаалж байгааг мэдээллээ. Тэгэхээр газрын сонсгол энэ хоёр хүн дээр суурилаад, цааш Т.Бадамжунай, Г.Мөнхбаяр гээд үргэлжилэх нь гарцаагүй ажээ. Энэ маш тодорхой боллоо.
Нийгэм ч үүнийг хүлээн, ус тосыг ялгахыг хүлээж, сонгуулийн үр дүн ч үүнээс хамаарах нь. Тодорхой тодорхой үйл явдлууд өрнөөстэй.
Ерөнхий сайд Л.Оюун-Эрдэнэ Ц.Элбэгдорж гэдэг хүнтэй дайн зарлаж байна. Эрдэнэт, С.Зоригийн хэрэг гээд олон асуудлаар Ц.Элбэгдоржийг авторлаж байна.
МАН-ын дарга бүх болохгүйтэй тэмцэнэ, УИХ-ын сонгуульд гагцхүү нэр цэвэр хүмүүс дэвшүүлнэ гэж мэдэгдсэн. Уртаас урт үл дэвшүүлэх хүмүүсийн жагсаалт гарсан шиг билээ. Үүнд МАН-ын нэгэн цагийн дарга Сү.Батболд орох нь тодорхой боллоо.
Малайзаас, Нью-Иоркоос ч түүнтэй холбоотой зарчим, үнэт зүйлийг таягдсан асуудлууд мундарч, өөрөө ч энэ талаар үл мэдэгдэл хийх нь зөвшөөрч буйн илэрхийлэл болж үзэгдэж байна гэж нийгмийн индрүүд тоймлох. Сү.Батболдод тохиолдоод байгаа асуудлуудад дэлхийн эрүүл нийгэм, эрүүлийг мөрдөгчид яаж ажилладгийг хөдөлбөргүй баримтаар нотлоод байх шиг.
Тийм аваас, Улаанбаатарын газрын сонсголын асуудлаар сонсгол хийхдээ Ерөнхий сайд Л.Оюун-Эрдэнэ, Х.Нямбаатар, Г.Занданшатар нар эл ертөнцийн тогтсон зарчмаар асуудалд хандаж, дүгнэлтийг ард түмэндээ танилцуулах зайлшгүй шаардлага цаг цагаар тулгагдаж байна бус уу.
Газрын сонсгол хийхэд хэн түвэг учруулж, хориг саад болж байгааг шууд зарлагтун Х.Нямбаатар, Г.Занданшатар нар аа!
Х.НЯМАА
Amlalt.mn
