Хорин долоон нам, хоёр эвслийн сонгуулийн мөрийн хөтөлбөрийг шаардлага хангахгүй байна гээд буцаажээ.
Шүүхийн шийдвэр биелүүлэхийн дарга байсан генерал Дэлэгийн Загджав чинь харин энэ хязгаар дээр ажиллах гээд байна уу даа. Үндэсний аудитын газар даргын үүргийг түр орлон гүйцэтгэгчээр Д.Загджав ажиллаж байгаа юм.
Тийм ч учраас намуудын мөрийн хөтөлбөрийн дүгнэлтийг гаргах ажлыг энэ хүн удирдаж байгаа нь тодорхой.
Мөрийн хөтөлбөрүүд яагаад босго давахгүй байгаа нь улсын урт хугацааны хөгжлийн бодлого, баримт бичиг, бусад хуулиудтай ч эс нийцэж байгаа учир ийнхүү Д.Загджав засаж сайжруулахыг үүрэгдэн буцаасан бололтой.
Энэ бол намууд мөрийн хөтөлбөрөө ямархуу хийдэг, боловсруулдаг, үр дүнг тооцдоггүйгээс үүдэлтэйгээс уламжлалтай хариуцлагагүй байдлыг л илэрхийлж байна бус уу.
Амлалт.мн сайт намуудын, эрх баригчдын амлалтыг нэхэх ажлыг үүсэн байгуулагдсанаасаа хойш сануулж, сэрүүлж бичлээ, нийтэллээ.
Бас ч гэж дэвшилтэт өөрчлөлтүүд гарч байна гэж харагдахаар.
Ардын нам дулааны станцууд нэг бусыг барина аа гэсэн, бариагүй. Малын түүхий эдээ боловсруулах үйлдвэр барина аа гэсэн. Бүр Дарханд гээд хөтөлбөржүүлсэн. Бариагүй.
УИХ дахь гишүүд ингээд биелэхгүй байгаа юм гээд Б.Баярсайханаас эхлээд машид бухимдаж байгаа нь аргагүй шүү дээ.
Д.Загджавт алга ташъя. Засаж залруулаад ирэхэд нь, намуудаас үнэхээр биелэх мөрийн хөтөлбөр л аваарай. Тэгж сонгуульд оруулаасай.
Б.ГАРЬД
Amlalt.mn
