Ерөнхий сайд Л.Оюун-Эрдэнийн бүрэн манлайлал дор Үндэсний баялгийн сангийн тухай хуулийг батлав. Ингэснээр стратегийн ордуудын 34 хувь шууд төрийн мэдэлд шилжиж байгаа юм. Газрын хэвлийн баялаг бүх ард түмний өмч мөн гэж Үндсэн хуульд бий.

Гэтэл энэхүү заалт 30 гаруй жилийн турш хэзээ ч биеллээ олж байгаагүй гэж хэлэхэд болно. Харин цөөхөн гэр бүл том ордуудыг эзэмшин ард түмнээсээ баян болсныг ярьцгаагаад удсан. Тэд тэнд хөрөнгө оруулалт татаж баялаг бүтээснийг үгүйсгэхгүй.

Гэхдээ мөнөөх Үндсэн хуулийн газрын баялаг нийтийн өмч байх заалт зөрчигдөж ирсэн юм. Үүнийг энэ Засгийн газар болиулж, анх удаа газрын хэвлийн баялгаасаа олсон хуримтлалыг нийтийн сандаа төвлөрүүлэн иргэн бүр хүртэх бололцоог олгосноороо үнэхээр чухал ач холбогдолтой.

Энэ бол Ерөнхий сайд Л.Оюун-Эрдэнийн түүхэн нэрийн хуудас болж үлдэнэ. Учир нь аль ч Ерөнхий сайд үүнийг хийгээгүй билээ. С.Баяр, Ц.Элбэгдорж хоёр хийгээгүй, хэсэгхэн хишиг ноогдуулсан. Сү.Батболд оромдсон. Үндсэн хуулийн эл заалтыг жинхэнэ утгаар нь хэрэгжих боломжийг Ерөнхий сайд Л.Оюун-Эрдэнийн үед арван зургаан хоногт УИХ-аар хэлэлцүүлэн батлуулж бүрдүүллээ.

Саяхан, он гарсаар ард түмэн хоёр ч удаа зуугаар нэг, хоёр зуу гаруйгаар нэг хувь хүртлээ, дансандаа мөнгө авсан. Энэ чинь л баялгийг хуваарилан буй шударга ёсны эхлэл. Араб лугаа ингэж хөгжсөн дэлхийн загвар орон цөөнгүй. Монгол адил болно.

Аа, харин гагцхүү, нийтийн өмчийн хяналтыг дээд түвшинд байлгах, илүү нягт хамгаалах, энэ чиглэлд хууль ёсыг төгс боловсронгуй болгон, ард түмэндээ мэдээлж байх нь нэн чухал. Эзэн юмаа мэдэж, эрэг усаа хашиж байх ёстой. 44 их наядын хулгайн замаар хэзээ ч оруулж болохгүй.

Б.БАЯР

Amlalt.mn