Улсын Их хуралд хорин дөрвөн жил суусан Нямаагийн Энхболд энэ сонгуулийн босгон дээр намынхандаа хандаж, намайг нэр дэвшүүлэхгүй аваас, Элчин болгож аль гэсэн бололтой. Түүний энэ хүсэлтийг ном ёсоор болгон БНХАУ-д суух Элчин сайдаар томилох чигтэй болчих шиг боллоо.
Албажих ажил нь эхэлсэн, зарим бичиг хэвлэл мэдээллээр үзэгдээд байна. МАН буянтай юм даа. Хорин хэдэн жил УИХ-д “хадгалаад” өтөл насанд нь Элчингээр илгээгээд л.
Хүүхдүүдийг нь дипломат албаар нэг дүүргээд л. Ц.Нямдоржийн нь хүүхэд НҮБ-д Элчингээр одож байгаа. Ө.Энхтүвшин эдүгээ ОХУ-д суугаа. Хүү нь Хөвсгөлд нэр дэвших гэж байх шиг байна.
МАН буянтай аа, буянтай, энэ хэддээ бол. Гэтэл бас Н.Энхболд БНХАУ-д Элчингээр суух гэж байгаа бол Миеэгомбын Энхболд нь илүү зохимжтой юм биш үү гэх улс олон байгаа аж.
Наанадаж хөрөнгө оруулалт илүү татна, цаанадаж арга эв их гэлцээд л. Н.Номтойбаярын эвсэл МАН-д халгаатай байх шиг байна. Тэр тусмаа М.Энхболдынхон энэ эвслээс дэвшчихвэл. М.Энхболд шатрын өрөг дээр байсаар л.
Б.ГАРЬД
