Сангажавын Баярцогт хэвлэлд ярилцлага өгсөндөө, өнөөдрийн улс төр, нийгмийн амьдрал, улсын ужиг суурь өеөдлөгө, энэ бүхний гарц гаргалгаанд хэрхэх учиртайг бүх талаас нь өв тэгш хариулт бүхий өгүүлжээ.

Дэлхийн хөгжил, ертөнц хааш явж байна, бид хаана байна гэдгийг дурайтал яриад өгчихөж. Тэгээд бид хэрхэн ертөнцийг дагаж, урагшлах учиртайг даруухан бөгөөд итгэлтэй өчжээ.

Түүнийхээр дэлхий хиймэл оюун ухаан, эрчим хүч хоёр дээр суурилж хөгжинө, энэ хоёрын шалгарал бүгдийг тодорхойлох тухай ярьсан байна. Нэг үгээр хэлбэл С.Баярцогт бүхий талаар урагш харж хөгжихийг, урагшлахыг уриалжээ. Технологийг дагаж шинэ хөрөнгө оруулалт, шинэ ёс зүй, шинэ шинэ боловсрол, шинэ ёс зүй орж ирнэ, үүнд шинэ үе бэлтгэгдэх учиртай.

Энэ нь үндэсний аюулгүй байдлын суурь дархлаа болохыг өгүүлсэн байна. Энэ гарцаагүй л дээ. Монгол улсын хөгжлийг монгол хүмүүсийн гараар нураан боомилж, унагаадагт харамсдагаа тэр мөн хэлсэн байна. Энэ үнэн шүү дээ. Монголд урагшлах бүхэн ингэж л гацаж байгаа.

Өөрсдөө өөрсдийнхөө гараараа өөрсдийгөө тушиж байгаа. Эрчим хүч дээр энэ нэн тодорхой харагддаг. С.Баярцогт Францтай хамтарсан ураны төслийг нэн түргэн явуулах шаардлагатайг мөн хөндөж. Монголыг шинэ шатанд гаргах эрчим хүчний мега төсөл гэдгийг онцолж.

Энэ мэт олон авууштай, ерөөс авах ёстой олон санааг С.Баярцогт дэвшүүлэн өгүүлсэнд талархах нь зохино.

С.Баярцогтын үгэн дотор, найман жил засагласан эрх баригчид дахиад 12 дахь жилдээ засаглавал хүмүүс уур бухимдлын бүх байгаа эрх баригчдыг болгоно гэдэг их содон тусаж байна. Энэ үнэн.

Энэ нь институци хооронд зөрчлийг үүсгэж, засаглалын хямрал үүсгэх нигууртайг хэлжээ. Энэ мэт олон зүйлийг С.Баярцогт ярьжээ. С.Баярцогтыг баалагсад олон, гэхдээ С.Баярцогтод баалуулж үл болох олон давуу тал байдаг.

Б.ГАРЬД

Amlalt.mn