М.Бадарч гэдэг бөх О.Хангай аваргыг хамт шинжилгээ өгье гэх. Ер нь, хаашаа юм бэ дээ, Монголын бөхчүүд гэж шээсээ шинжлээд, тэр нь үргэлж маапаан дагуулсан л хэсэг улс боллоо.
Сүүлийн хэдэн жилийн бөхийн допинг гэгчээс харахад Монголд цэвэр, жудаг ёс төгөлдөр бөх ховор юм, ер нь алга, Г.Өсөхбаяр аварга л арай дөмөг, нэр цэвэр нь юм даа. Одоо, энэ УИХ, улс төрд байгаа бөхчүүдийг хар.
Дандаа поп, хэл ам таталсан, шунал нь дийлдэхээ байсан улс л харагдаад маш удаж байна. Одоо ганцхан, одоо ганцхан гээд зүтгээд байдаг, шунаж дуусдаггүй нэг аваргаас эхлээд, бөхчүүд үнэндээ Монголын улс төрд гавьяа байгуулсангүй.
Дандаа хэл ам татална. Улс төр дэхүүд нь ч, цэнгэлдэх хүрээлэн дэхүүд нь ч. Баярхүүгийн Бат-Өлзий энэ тэр гэсэн цөөхөн сайхан бөх байх шиг байна.
Улс төр дэх бөхчүүд нь, ерөнхийдөө, самбо хэмээх хуучнаар Зөвлөлтийн садан хэдэн орны түвшинд барилддаг нэг төрлөөр барилдсан хэдэн улс юм. Олимп, дэлхийгээс ямар ч амжилтгүй.
Олимп, дэлхийгээс аваагүй медалиа Монголын улс төрөөс авах гэж байгаа юм шиг л зүтгэцгээсэн хачин нөхдүүд байх юм. Тэдэнд ёс зүй гэж алга. Бүтээн байгуулалт алга. Жудаг ёс алга. Цэвэр нэр алга. Үлгэр зарчим алга. Ерөөсөө л нэг тийм эрх мэдэл, эдийн шуналд дөрлүүлсэн хэдэн хүн. Увайгүйгээр л улс төрд байж, дээр сууж, дээж идэхийн зөн мөнтэй. Монголын улс төрөөс бөхчүүдийг холдуулъя, явуулъя, сонгогчид оо, улс төрийн намууд аа!
Б.ДОРНО
Amlalt.mn
