Эдийн засагч мэргэжилтэй Б.Жавхлан Сангийн сайд болсон түүх сонирхолтой харагддаг.
Хэдийгээр тэрбээр мэргэжлийн салбартаа сайдаар 2021 оны 1 сарын 29-нөөс томилогдон одоог хүртэл ажиллаж байгаа ч хэд хэдэн асуудалд шуугиан дэгдээсэн.
Сангийн сайдын сэнтийд ямар арга замаар “сандайлсан” болон нэр холбогдсон банкуудтай холбоотой зөрчлүүд нь олны анхаарал татсан хэвээрээ байдаг. Гэхдээ Сангийн сайд Б.Жавхланг хувийн ашиг сонирхол, албан тушаалын эрх мэдлээ найз, нөхөд, гэр бүлийн хүрээнд урвуулан ашигладаг. Гэвч хууль, шүүх прокурор болон Авлигатай тэмцэх газар зэрэг байгууллагууд Б.Жавхлантай холбоотой асуудлыг шалгаад, хариуцлага тооцуулахгүй байгаа талаар УИХ-ын гишүүн Ц.Даваасүрэн болон сэтгүүлчид хэвлэл мэдээллээр гайхан шүүмжилсээр ирсэн.
Тэрбээр сэтгүүлчдэд 2022 оны11-р сарын 4-ны өдөр "Үндсэн хуулийн 39.4 дэх заалтын дагуу Монгол Улсын Ерөнхий сайдад Сангийн сайд Б.Жавхланг огцруулах шаардлагыг хүргүүлж байна. Би дор дурдсан таван үндэслэлээр тус шаардлагыг хүргүүлж байгаа юм. “ гэж мэдээллэж байлаа.
Жишээ нь, Б.Жавхлан сайдтай холбоотой www.medee.mn, www.ergelt.mn зэрэг мэдээлийн сайтад нийтлэгдсэн зарим баримтуудад хариуцлага тооцох, нягталж шалгах ажил үгүйлэгдэн, хүлээгдэж байна.
Мөн www.inews.mn сайтад 2022/10/27-ны өдөр “Сангийн сайдын 900 тэрбумын зээл ба О.Баасанхүүгийн "чих" гарчигтай мэдээнд ".................Харин гишүүн Б.Пүрэвдорж “Сөрөг хүчний зүгээс энэ асуудалд анхаарал хандуулж, шаардлага тавьж ажиллана” гэсэн бол УИХ-ын гишүүн асан О.Баасанхүү нэлээд “нарийн” мэдээллийг өгчээ. Гишүүн асан “Ц.Даваасүрэнгийн яриад байгаа зүйл бодитой гэж харж байгаа. Сангийн сайд Б.Жавхлан яамнаасаа нэг хүүхэн халсан юм билээ. Нөгөөх нь Ц.Даваасүрэнд Б.Жавхлантай холбоотой мэдээлэл, материал өгсөн гэж байна лээ. Ийм л хүн Сангийн сайд хийж байна. Дарханчуудын л сонголт шүү дээ” гэсэн байна.” гэж мэдээллэсэн байна.
Олон түмэнд өөрийнхөө талаар сэжиг төрүүлсэн Б.Жавхлан Монголбанканд Хяналт шалгалтын газрын ахлах хянан шалгагч, Худалдаа Хөгжлийн Банк, Үйл ажиллагаа эрхэлсэн захирал, Худалдаа Хөгжлийн Банк Дэд Ерөнхийлөгч, Монголбанкны Тэргүүн Дэд ерөнхийлөгч, УИХ-ын гишүүн, УИХ дахь МАН-ын бүлгийн зөвлөх зэрэг хариуцлагатай, эрх мэдэлтэй албан тушаал хашиж байсан.
Гэвч гэр бүл, анд нөхдийн хүрээнд албан тушаалаа урвуулан “мөнгө зээлж, авдаг сүлжээ”-г байгуулсан эсэхийг эцэслэн шалгаж, шүүхээр шийдүүлэх цаг болсон.
Энэ мэт “олон хэмжээст” асуудалд өртөөд байгаа Б.Жавхлан сайд аа !
Эргэлзээтэй, сэжигтэй баримтуудаа нягтлан сайн шалгаад, ард түмэндээ үнэн бодитой, шударгаар тайлагнах цаг болсон юм биш үү!!
Түүнчлэн УИХ-ын гишүүн болохын тулд тойрогтоо амалсан амлалтынхаа хэдэн хувийг хэрэгжүүлсэн бэ?
Сангийн сайд болсон цагаасаа хойшоо хийсэн ажил, амалсан амлалт, холбогдсон зөрчлүүдээ ил тод дэлгэхийг ард түмэн хүлээж байна.
Б.Баярмаа
