Уул уурхайн сайд Ж.Ганбаатар гэдэг хүн найман жилд УИХ-д суухдаа өөрийнхөө довыг л гойд шарлууллаа. Түүний барилгын компаниуд Ч.Чойжилсүрэнтэй уралдан Улаанбаатарыг бетенон ширэнгээр чигжив. Хариуцаж авсан салбар нь урагшилдаггүй. Монголчуудаа, нийслэлчүүдээ, өнгөрсөн өвөлжин бензинд оочерлуулав. Яамаараа гарч, түлшний нь сав дундуураас дээшид шатахуун өгүүлэхгүй байх шалгалт хийж байгаагаа өчиж байв.
Алтанширээд барьж байгаа газрын тос боловсруулах үйлдвэрийг өөрөөсөө түлхэн Эрдэнэс Монголын мэдэлд өгснөөсөө хойш, энэ хүн яг юу хийж, яаж бүтээж байгаа нь мэдэгдэхээ байсан.
Тус үйлдвэрийн ашиглалтад орох огноог, ирэх он, түүний дараагийн он, түүний ч дараагийн онд хамааруулан хэлээд, тэгээд таг болсон.
Гэтэл өөрийн нь бизнес асар их урагшилсаар. Богд хааны ордон музейн урдад гэхэд л, мод тайрч байгаад л асар том байшин өрсөөр байна.
Ж.Ганбаатар 11 компанид нөхөн олговор олгох тухай гурван шатны шүүхийн шийдвэрийг Засгийн газрын хуралдаанаар оруулж танилцуулаагүй, эс үйлдэхүй үзүүлжээ.
- "Жи Эн Ти Эл" ХХК,
- "Аж Эксплорэйшн" ХХК,
- “Монгол Ураниум ресурс" ХХК,
- “Алтан динар" ХХК,
- "Ганган гялбаа" ХХК,
- "Бэрх ресорсиз" ХХК,
- "Эн Си Ар Ай" ХХК,
- "УУНК" ХХК,
- "Итгэлт хүлэг" ХХК,
- "Өгөөмөр тариа" ХХК,
- "Жи Би Ди Эн"
Эдгээр компаниудын тусгай зөвшөөрлийг төрд шилжүүлж, үүний улмаас олгох учиртай нөхөн олговрын асуудлыг Ж.Ганбаатар огт хайхрахгүй явсаар, хуулийн байгууллагууд сануулга өгсөөр.
Өөрөө хувийн бизнесээ асар ихээр эрхлэх мөртлөө бусад хувийнханд ингэж л ханддаг хүн байна, Ж.Ганбаатар гэгч. Энэ хүнийг МАН дахиад л дэвшүүлж, дэвшүүлэх дэвшүүлэхдээ Баянгол дүүргийн засгийн удирдлагыг тантан болгосон, огцруулсан ч "ширэн нүүрлэн" ажлаа хийгээд байдаг Ө.Сумъяабаатар гэгчтэй хөтлөлцүүлэн дэвшүүлж. Иргэдийн хурлын дарга , ажил үйлс нь жигдхэн яваа Б. Сэмжидмаад нэр дэвших квот өгөлгүй үлдээж, эмэгтэйчүүдээ дарангуйлсан энэ хоёр этгээдэд Баянголчууд энэ удаад итгэл үзүүлэх болов уу?
AMLALT.MN
