Ардын намын жагсаалтаар сонгуульд нэр дэвшигсдийн эхэнд байгаа Г.Лувсанжамцыг Х.Нямбаатарын хүн гээд бичиж байна.

Монголд ингэж, тэрний хүн, энэний хүн, даргын хүн гэдэг ойлголт нэгэнт хэлбэржин, биежжээ.

Мөнөөх тэрний, энэний хүн хэмээгдэн цоллуулахдаа ч цоллуулагсад дуртай болж, аль хүчтэй даргын хүн гэдгээрээ бахархдаг, дөвийдөг болсон нь гаарчээ.

Энэ бол үнэндээ эмгэнэл. Хэн нэгэн даргын хүн болж овоглогдох, тэгж тодотгогдох явдал бол мөн чанартаа тухайн хүнийг хэн ч бишээр илэрхийлж, харагдуулж байгааг ухаарах, эргэцүүлэхээргүй доод түвшинд, моралийн уналтад нийгмээрээ живсэн нь туйлын харамсалтай.

Монголын хүн, Монголын иргэн тэр, Монголыг үүрэх, Монголыг босгох, хөгжүүлэх, манлайлах хүмүүн гэдэг л ойлголт эхний бөгөөд язгуурын гүн дархлаа байх учиртай юмсан даа, угтаан бол. Баабар ингэж бичжээ.

Эхний товч зөрвөл үлдсэн нь бүгд буруу гэж. Монголын улс төр, нийгмийн байгууламжид байгаа нам түүнийг дагасан бүх эмх цэгцгүйдэл, арчаагүйтэл, доройтлыг ингэж оношилсон байна. Нэн үнэн шүү дээ. Тэрбээр энэ өгүүлэлдээ, эцсийн эцэст тэгш гарааг санал болгож байгаа юм. Баабар анх хэлсэн нь энэ биш л дээ, дандаа л бичиж ирсэн. Намуудыг тарааж, шинээр бүртгэх ёстой гэж.

Эс тэгвэл л энэхүү даргын хүн гэдэг, энэний , тэрний хүн гэдэг увайгүй, арчаагүй тодотголоор бүх цаг үед төр түшигсэд төрүүлж, тэр нь нийт олонхдоо үл зөвшөөрөгдөх амьдрал үргэлжилнэ.

Өнөөдөр АН гэдэг нам дэндүү арчаагүй, увайгүй, сахилга батгүй харагдаж байна. Энэ бол хэрэг дээрээ МАН-ын зовлон. Тулах хоёр баганы нэг нь догонцож. Улс орны нэг хөл, тулх. Тусгаар тогтнолыг байлдан бус ухааран хамгаалдаг учиртай гэж Баабар бас хэлж. Төгс үнэн.

Л.Оюун-Эрдэнэ гэдэг хүн Монголд өөрчлөлтийг зугуухан хийх хүсэл эрмэлзэл байх шиг байна. Энэ нь чухам оноосой.

Б.БАЯР

AMLALT. MN