Цэдэнгийн Гарамжавыг барьж, тавьж байх хооронд Сонгуулийн ерөнхий хороон дээр Нямтайширын Номтойбаярыг сонгуульд нэр дэвшигчээр бүртгэхийг хэлэлцсэн байна.
Гэхдээ хэрхсэн нь тодорхойгүй. Н.Номтойбаяр өнөөдөр арван нэгэн цагаас мэдээлэл хийх нь. Тэрбээр “Хууль хүний царай хардаг хэвээр” хэмээн жиргэж.
Энэ бол Н.Номтойбаярыг нэр дэвшигчээр бүртгэхгүй гэсэн юм биш биз гэсэн эргэлзээг шууд төрүүлж байна. Н.Номтойбаяр өмнөх сонгуулиар , намаасаа хагацан, бие даан нэр дэвшээд, сонгуулийн үр дүн гарахад хар гэрт байсныг түмэн мэдэж байгаа.
Энэ удаа, хар гэрт бус, хамаг олноосоо санал авахаар нэр дэвшин, Эвсэлийнхээ жагсаалтыг толгойлж байгаа боловч ийнхүү асуудал гарч байгаа шиг байна.
Монголд цемент хийдэг гурван компани байдаг. Нэгийнх нь босс эмэгтэйг, Ц. Гарамжавыг барьж хориод суллав. Нэгийнх нь боссын хүүг ээрээд байгааг бид харж байна. Нямтайширын хүүг. Ховд эко цемент гэж бий. Босс нь Сандагийн Бямбацогт. Ховдод нэр дэвшиж байгаа. Тав дахиа. Сонгуулийн эхлэлийг тойроод олон үйл явдал өрнөж байна.
Цементийг гөлтгөнө тэргүүт олон орцоор найруулж хийдэг юм билээ. Харин цементийн эздийг, Ц.Гарамжавыг, Н.Номтойбаярыг тойрсон улс төр их сонин явж байна.
Орц их байна. юу болдог юм бол доо. Цемент Монголд нэн хэрэгтэй орц нь гарцаагүй үнэн юм.
Т.ГАРЬД
Amlalt.mn
