Сонгуулийн сурталчилгаа эхэлж байна. Энэ гараан дээр хамгийн нэр хүндтэй нэг л хүн байна. Энэ бол МАН-аас жагсаалтаар нэр дэвшсэн Д.Энхтүвшин. Тэрбээр Худалдаа, аж үйлдвэрийн танхимын дарга хийдэг хүн.
Энэ утгаараа, эрх баригчдын зүгээс Ц.Гарамжав зэрэг шилдэг бүтээн байгуулагч, үндэстний тэргүүлэх бизнесмэнийг барьж хорьсон, хувийн хэвшилд илэрхий хүч төрсөн, заналхийлэл үзүүлэх болсон зэргээс үүдэн МАН-аас буюу, эрх баригч намаас нэр дэвших нь ёс зүйгүй байна гэсэн юм. Энэ бол туйлын үнэн. Маш бодит тайлбар. Монгол орон бол зах зээл, чөлөөт эдийн засаг дээрээ суурилж байгаа улс. Тэр тусмаа хувийн хэвшлийнхэн, аж ахуйн нэгжүүд бол Монголын тулах тэнхлэг.
Чухам ийм тул, шарк Д.Энхтүвшиний хувийн хэвшил, зах зээлийн эдийн засаг, татвар төлөгчдийнхөө тусын тулд үзүүлж байгаа дээрх эрүүл саруул, зөв зүйт алхам бол хөдөлмөрийг үнэлдэг хэнд болов таалагдах нь гарцаагүй юм.
Д.Энхтүвшин энэ үйлдлээрээ УИХ-д нэр дэвшигсдийг бүдгэрүүлж байна. Бүр цаагуураа ялж байна. Ёс зүй, эрүү итгэл үнэмшил гэдэг бол хамаг бүхний дээд шалгуур.
Д.Энхтүвшин гэдэг залуу энэ л дээд зарчим, хэмжүүрийг барьж үгээ хэлж чадаж байгаа нь Монголын ардчиллын нэгэн баталгаа, чөлөөт өрсөлдөөнт зах зээлийн эдийн засгийн илэрхийлэл болж байгааг их өргөнөөр үзэж, түүний үг үйлдлийг илүү тархаан сурталчилах учиртай юм.
Сонгуулийн ерөнхий хороо, МАН харин түүнийг нэр дэвшигсдээс хассан эсэх тухай мэдээлэхгүй, мэдээлэгдэхгүй байна. Гэвч, хэрэг дээрээ тэр хүн бол УИХ-ын сонгуульд нэр дэвшигсдээс ёс суртахуун, үг, үйлдлээрээ тохой илүү харагдаж, албан тушаалын жингээс, эрүүл саруул эдийн засгийн аюулгүй байдлын төлөөх эрмэлзэл, тэмүүллээрээ үнэн том харагдаж байгаа нь нууцгүй.
Чухам энэ үндэслэлээрээ сонгуулийн сурталчилгаа нээсэн өдөр Д. Энхтүвшин шиг эрүүл нэр хүндтэй хүн алга!
Б. ДОРНО
Amlalt.mn
