Сонгуулийн сурталчилгааны өдрүүд үргэлжилж байна. Сурталчилгааны хугацаа богино хэдий ч энэ хугацаанд амжиж намууд, нэр дэвшигчид бодлого, мөрийн хөтөлбөрөө танилцуулах ёстой. Янз бүрийн байдлаар өөрсдийгөө таниулах, сурталчлах үйл ажиллагаа явагдаж байх шиг байна. Гэхдээ иргэд сонсогчид хоёр зүйл дээр анхаарах нь зүйтэй.
Нэгдүгээрт, Нэр дэвшигчдийн уулзалтад очвол ЖДҮХС, НҮҮРСНИЙ ХУЛГАЙ, ТӨРИЙН САН, ХӨГЖЛИЙН БАНК-ны асуудалд нэр холбогдсон хүмүүсээс яагаад зээл авсан эсэхийг нь асуух хэрэгтэй. Мэдээж зарим нэр дэвшигчид 10 жилийн өмнө ЖДҮХС-гаас зээл авсан, буцаагаад төлсөн гээд хариулж байх шиг байна.
Гэхдээ, жижиг дунд үйлдвэрийг хөгжүүлэх сангаас зээл аваад эргүүлэн төлсөн ч, олон жил өнгөрсөн ч хамаагүй тэр бол эрх мэдэл, албан тушаалаа урвуулан ашигласан явдал гэсэн үг. Тэгэхээр “хэрэг хуучирдаггүй, хэрээ цагаан болдоггүй” гэдэг шиг ЖДҮХС, ТӨРИЙН САН, ХӨГЖЛИЙН БАНК-ны хэрэгт холбогдох нь яав ч шударга бусын тод илэрхийлэл.
Тиймээс дээрх асуудалд нэр холбогдсон хүмүүсийг дэмжихгүй байх нь их чухал. Нэр дэвшигчдийн уулзалтад дээр нь очоод улалзалтал нь асуух хэрэгтэй. Иргэд интернэт цахим сүлжээнээс мэдээлэл хангалттай авдаг болсон. Тиймээс авлига, албан тушаалын хэрэгт нэр холбогдож байсан улс төрчдөөс улалзалтал нь асуух нь зүйтэй.
Зээлээ төлчихсөн, надад хамааралгүй нь тогтоогдсон, хууль хяналтын байгууллагаас хэрэгсэхгүй болгосон гэсэн үгэнд ерөөсөө хууртаж болохгүй. Магадгүй тэд хууль хяналтын байгууллагын ажилтнуудад авлига өгөөд зохицуулчихсан, эсвэл олон нийтэд зээл авсан тухай мэдээлэл нь цацагдсаны дараа зээлээ төлчихсөн байх магадлалтай.
Ковид-19 цар тахлын үед Эрүүл мэндийн сайдаар ажиллаж байх үедээ нэг ширхэг амны хаалтыг 20,000 худалдаж авсан гэх хэрэгт нэр холбогдож байсан Т.Мөнхсайхан МАН-аас Хан-Уул дүүрэгт нэр дэвшиж байна. Зүй нь бол тэр ковидын үед ЭМС-аар ажиллаж байхдаа хийсэн төсөв худалдан авалтын талаарх бүх мэдээллээ ил тод болгоод нэр цэвэр нэр дэвших ёстой.
Амлалт.мн сайт улс төрчдийн бусармаг мэдээллийг хүргэх, сонгогчидод мэдлэг мэдээлэл олгох чиглэлээр үргэлж ажиллаж ирсэн, цаашдаа ч мэдээллээ хүргээд ажиллах болно.
Амлалт.мн
