Хангайн бүсэд болсон үйл явдалтай холбогдуулан МАН-ын дарга, генсек хоёр эмгэнэл илэрхийлж, уучлал гуйлаа.
Г.Сайханбаярын штабтай гэрээ байгуулан ухуулагчаар ажиллаж байсан П.Отгонбаатар гэдэг хүн сумынхаа АН-ын даргыг өшиглөснөөс мөнөөх хүн өөд болж, Д.Амарбаясгалан МАН Г.Сайханбаярын нэрийг татаж байгаагаа мэдэгдсэн. Гэвч, МАН нэр татсанаар, нэр дэвшигчийг эргүүлэн татахгүй гэдэг мэдээлэл бас гарчээ.
МАН-ын төв штабаас эл хэргийг улс төржүүлэхгүй байхыг мэдэгдэлдээ дурдсан. Гэвч иргэдийн итгэл үнэмшлээс үүдсэн хариуцлагын нэхэгдэл яригдах нь гарцаагүй юм. Сумынхаа даргыг өшиглөөд, амь насанд нь хүрчихэж байна гэдэг бол цаагуураа асар их эвдэрсэн, ёс зүй, хариуцлага, сахилга батын ямар ч төлөвшилгүй хүнээр ухуулагч хийлгэж байснаас, энэ явдал болсон нь тодорхой байна.
Энх цагт парламентын сонгуулиа хийж байхад, орон нутагт нэг иргэн нэгнээ ингэж егүүтгэсэн үйлдэл хийж байгааг бүх түвшиндээ санаж, сэрж, улс төр, үзэл санааны гүн бат сахилга баттай болгоход онцгой анхаарах шаардлагатай болсныг илтгэж байна. Ингээд нэр дэвшигч, Сант сумын засаг дарга, ухуулагч гээд гурвын гурван хүний амьдрал, үйлс маш ээдрээтэй нөхцөл байдал үүслээ.
Ардчилсан намын дарга Л.Гантөмөр хангайн бүсээс нэр дэвшигч МАН-ын бүх гишүүдийг эргүүлэн татах хэрэгтэй гэж мэдэгдэж. Сахилга бат, соёл гүн тогтсон оронд бол энэ үнэхээр л тэгж шийдэхээс өөр гаргалгаагүй асуудал юм. Гэвч одоогоор, Г. Сайханбаярын л нэр нь татсан гэгдэж байгаа ч хэрхэх нь тодорхойгүй байна.
Т.ГАРЬД
АМЛАЛТ. МН
