УИХ-ын дарга Г.Занданшатар өнгөрөгч хавар Унгарт айлчлав даа. Энэ үеэр Баянхонгорын Байдрагт усан цахилгаан станц баригдах тухай яригдаж, айлчлалын нэгэн чухал үйл ололт боллоо гэлцсэн.
Гэвч төдөлгүй л Эдийн засгийн хөгжлийн сайд Ч.Хүрэлбаатар эл төсөлд хөрөнгө оруулалтыг хийх боломжгүй, ингэж шийдсэн зүйл байхгүй гэх мэтээр ярьж эхэлсэн.
Ч. Хүрэлбаатарын тэгж ярих ч үндэслэл байсан байх. Ч.Хүрэлбаатар сайд Х.Баттулга Ерөнхийлөгч асан нар ойрын хэдэн жил үзэлцэж, нэгнээ хүлээн зөвшөөрдөггүй хоёр. Дандаа л сөрцгөөж, дайтацгааж байдаг хүмүүс.
Сая тэгтэл О. Отгонтөгс гэдэг билүү, иргэний тэмцэгч маягийн нөхөр энэ хоёртой хоёулантай нь уулзаж, Говь-Алтай, Орхон аймгаас лайвдлаа. Өнөө хоёр нь яахав , аанай л нэгнээ үгүйсгэн, улс орныхоо эсрэг явцгаадаг гэж нэг нэгнээ үгүйсгэлээ. Энэ нь сонин зүйл биш болсон. Харин Х.Баттулга Байдраг дээрх баригдах усан цахилгаан станцыг Ч. Хүрэлбаатар эсэргүүцсэн гээд түүнийг улсын эсрэг гэж тодотгов. Энэ өнцгөөс нь харвал, Байдраг дээр баригдах гэх усан цахилгаан станцын цаана тавдугаар Ерөнхийлөгч Х.Баттулга байна уу гэх хардлыг төрүүлэхээр байна. Баянхонгор аавын нутаг. Баянхонгороос удаа дараа сонгогдож байсан хүн. Тэгэхээр хэтийн улс төрд нь Байдрагийн станц гэдэг зүйл багтдаг байхаар харагдана.
Х. ХҮҮ
АМЛАЛТ.МН
