Юу ч гэж мэлзээд, мэтгэлцээд няцаагдашгүйгээр монголчууд нэг иргэнийхээ амь золиослоод сонгуульдаж байна. Ардын намын сонгуулийн төв штабаас нэр дэвшигч Г.Сайханбаярын нэрийг татуулах үндэслэл бүхий бичгээ өглөө гэсэн.
Д.Амарбаясгалан дарга мэдэгдчихсэн. Гэтэл Сонгуулийн ерөнхий хороо сөргүүлээд л нэр дэвшигчийг хасах боломжгүй гээд мөн мэдэгдчихсэн. Ардчилсан нам, түүний удирдлагууд ёс зүйн гээд олон хариуцлагаар, Г.Сайханбаяр төдийгүй тэр бүсэд дэвшиж байгаа Ардын намын бүх нөхдийг эргүүлэн татах хэрэгтэй гэсэн.
Өчигдөр нэр дэвшигч Г.Сайханбаяр өөрөө мэдэгдэл хийлээ. Тэрбээр, тэрхүү хэргийг тарьсан нөхрийг танихгүй гэлээ. Худлаа биш байх л даа. Намайг хилсээр харлуулж байна. С.Ганбаатар, Л. Гантөмөр нартай уулзаж тулахад бэлэн байна гэлээ.
Мөн тэгээд нэр дэвшигчийнхээ хууль ёсны сурталчилгааг үргэлжлүүлэн хийнээ гэж тод дуугарлаа. Ингээд харвал, тэрбээр намынхаа сонгуулийн төв штаб, удирдлагуудынхаа гаргасан шийдвэр дүгнэлттэй эрс зөрж байгаагаа нэн тодорхой мэдэгдэж байна. Аль ч үед Ардын намд ийм бөх зүрхтэн байгаагүй.
Нам хэрхэн үзсэн бэ, түүгээр шийддэг улс төрийн ууган хүчин. Энэ байдлаараа ихээхэн сонин нөхцөл байдал Г. Сайханбаяр, Сонгуулийн Ерөнхий хороо, АН, МАН-ыг тойрон үүсчихлээ.
Үгдрэмтгий үр дагавар дагуулж ч мэдэхээр харагдах. Үндэсний эвслийн Н.Номтойбаяр ч буруутгахааргүй үндэслэл хэлж зогсоно билээ. ХҮН-ын Т. Доржханд, Иргэний зоригийн Б.Батбаатар нарын дарга нар хэрхэн үзэж байгаагаа нээлттэй мэдээлэхгүй байна. Сонгуульдаа их анхаарч байх шиг байна.
Г.Сайханбаяр бол УИХ-ын гишүүн болохыг их хүссэн үү гэвэл , хүсэж байгаа хүн мөн. Архангайг мөн их тордсон. Ерөнхийлөгчтэй ойр дотно, Сонгуулийн ерөнхий хорооны дарга ч ойр дотно гэдгийг улс төрийн хүрээнийхэн их тодорхой мэднэ дээ. Иймэрхүү л маягийн үйл явдал С.Сайханбаярыг тойрч үргэлжилж байна. Монгол улс дэлхийн 67 улсаас өрсөлдөх чадвараараа 61-т эрэмбэлэгдсэн мэдээ зэрэгцэн түгээгдэж байна даа, хэвлэл мэдээллээр.
Б.ТУЛГА
АМЛАЛТ.МН
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!