Улсын их хурлын 9 дэх сонгуулийн үр дүнгээр байгуулагдсан анхны 126 гишүүнтэй парламентад шинээр сонгогдсон гишүүд тангараг өргөж, бүрэн эрхээ хэрэгжүүлж эхэллээ.
Энэ удаагийн сонгуулийн дүнгээр:
МАН-тойрогт 50, намын жагсаалтаар 18 нийт 68,
АН-тойрогт 26, намын жагсаалтаар 16 нийт 42,
ХҮН намаас тойрогт хоёр, намын жагсаалтаар зургаа нийт найм,
Үндэсний эвсэл жагсаалтаар дөрөв,
Иргэний зориг ногоон намаас жагсаалтаар дөрөв нэр дэвшигч Улсын Их Хурлын гишүүнээр сонгогдсон.
Шинэ парламентын анхдугаар хуралдаанаар гишүүдийн олонхын саналаар Улсын Их Хурлын даргаар Улсын Их Хурлын гишүүн Д. Амарбаясгалан сонгогдсон. Мөн МАН, АН-ын бүлэг хуралдаж бүлгийн дарга, УИХ-ын дэд даргын томилгоог хийгээд байна.
Одоо нэн даруй Засгийн газрын шинэ бүрэлдэхүүнийг томилох л үлдээд байна. Мэдээж нийт 68 суудлыг авсан Монгол Ардын нам Засгийн газраа дангаараа байгуулах бүрэн боломж бүрдсэн.
Гэхдээ олон нийтийн хэвлэл мэдээллийн хэрэгслийн мэдээллээс харахад Ардчилсан намыг Засгийн газрын бүрэлдэхүүндээ орж ажиллахыг урьсан бололтой. Харин Ардчилсан намын зарим гишүүд татгалзсан байр суурийг илэрхийлээд байна. Энэ нь ч зөв. Монгол Ардын нам сонгогчдын олонхын санал авсан бол хариуцлагаа хүлээгээд явах нь чухал.
Тиймээс үндэсний их баяр наадмаас өмнө Монгол Ардын нам Ерөнхий сайдаа томилоод Засгийн газраа байгуулаад төрийн ажилдаа орох нь чухал байна. Ард түмэн ч гэсэн Шинэ Засгийн газрын томилгоог хүлээж байна.
Монгол Ардын намаа удирдаж сонгуульд орж, ялалт байгуулсан МАН-ын дарга, Ерөнхий сайд Л.Оюун-Эрдэнэ үргэлжлүүлээд Ерөнхий сайдаар томилогдох нь зүйтэй.
Ард түмэн, МАН-ын гишүүд ч гэсэн Л.Оюун-Эрдэнийг Ерөнхий сайдаар томилогдоно гэж хүлээж байгаа байх.
Монгол Ардын намд итгэл өгч санал өгсөн иргэд сонгогчид ч гэсэн Л.Оюун-Эрдэнийн Засгийн газар үргэлжлүүлээд авлига хулгайтай тэмцэж, өмнө нь хийж хэрэгжүүлсэн ажлуудаа дуусгаад үр дүнг нь ард түмэндээ дүгнүүлээсэй гэж бодож сонгосон байх.
Тиймээс 2024-2028 оны мөрийн хөтөлбөртөө тусгасан ажлуудаа хийж хэрэгжүүлж амлалтдаа хүрч 2028 онд ард түмнээрээ дүнгээ тавиулах хэрэгтэй.
АМЛАЛТ.МН
