Өмнө нь бид ИЗНН-ын дарга Батын Батбаатарын намын удирдах албан тушаалтнуудаа ах дүү, хамаатан саднаараа бүрдүүлсэн тухай мэдээллийг хүргэсэн.
УИХ-ын гишүүн Батын Батбаатарын туслахаар, мөн ИЗНН-ын Улс төрийн зөвлөлийн гишүүнээр түүний төрсөн эгч Б.Батцэцэгийн охин Батдулам ажилладаг байна.
Мөн ИЗНН-ын Хэвлэл мэдээлэл хариуцсан албаны дарга нь Б.Батбаатарын төрсөн дүү Б.Батсайхан ажилладаг аж.
ИЗНН-ын дарга Б.Батбаатар нь Байгаль орчин, уур амьсгалын өөрчлөлтийн сайдаар 2025 оны 6 сард томилогдсоноос хойш тус яаманд ажилд авсан, томилсон хүмүүсийн нэрсийн намын харъяалалыг нь танилцуулья.
- БОУАӨЯ-ны ТНБД Ш.Батбаяр - МАН
- БОУАӨЯ-ны Төрийн захиргаа, удирдлагын Газрын дарга Т.Золбаяр - АН
- БОУАӨЯ-ны Тусгай хамгаалалтын Газар нутгийн дарга Уранчимэг - МАН
- БОУАӨЯ-ны Байгалийн нөөцийн удирдлагын Газрын дарга Балжинням - АН /Б.Батбаатарын хамаатан
- БОУАӨЯ-ны Бодлого төлөвлөлтийн Газрын дарга Бат-Өлзий - АН
- БОУАӨЯ-ны Санхүү Хөрөнгө оруулалтын хэлтсийн дарга Даваасүрэн - АН /Б.Батбаатарын орон тооны бус зөвлөх С.Энхболдын дотны найз/
Тэгвэл БОУАӨ-ийн сайд Б.Батбаатарын Ажлын албаны хүмүүсийг танилцуулья.
- Сайдын туслах Барсболд - Б.Батбаатарын төрсөн эгч Б.Батцэцэгийн охин Батдуламын ангийн найз
- Сайдын Ажлын албаны орон тооны зөвлөх Золзаяа - Б.Батбаатарын найз эмэгтэй Нандин-Эрдэнийн найз Сайдын жолооч Б.Батсайхан - Б.Батбаатарын төрсөн дүү
Б.Батбаатар сайд ээж аваасаа есүүлээ аж. Тэдний хамгийн том эгч Батаагийн Батцэцэг. Дараагийн ах нь Батаагийн Батцэнгэл, тэгээд Б.Батбаатараа өөрөө, Б.Батхүү, Б.Батхуяг, дүү нь Батаагийн Батсайхан нар нь түүнийг тойрон хүрээлж байдаг гэнэ.
Б.Батбаатарын орон тооны бус зөвлөх Самбуугийн Энхболд бол Б.Батбаатартай олон жил нөхөрлөсөн нэгэн бөгөөд хэдэн жилийн өмнө АН-д хамт зүтгэж байсан нэгэн аж.
Б.Батбаатарыг сайд болсноос нь хойш найз С.Энхболд төсөл хөтөлбөр, бизнестэй холбоотой элдэв асуудлыг нь “зохицуулдаг” гэх яриа яамаар тархжээ.
С.Энхболд сайдын орон тооны бус зөвлөх атлаа төрийн зардлаар Б.Батбаатар сайдын гадаад бүх томилолтонд хамт явдаг гэнэ.
Б.Батбаатар УИХ-ын гишүүн, улмаар БОУАӨ-ийн сайд болсны дараа түүнийг УИХ-ын гишүүн болгохын төлөө сонгуулиар нь ажилласан ИЗНН-ын хамтран зүтгэгчидээ дэмжихийн оронд үл тоож, БОУАӨЯ-ны томилгоог өөрийн хамаарал бүхий этгээдүүд болон МАН, АН-ын боловсон хүчнээр дүүргэсэн нь түүнийг МАН, АН-д “барьцаалагдсан” нэгэн гэж харахад хүргэж байна.
Товчхондоо тэрбээр ИЗНН-ын хувьд ногоон хөгжлийг хариуцсан сайд болсон ч намынхаа мөрийн хөтөлбөр, бодлогыг хэрэгжүүлэхийг зорихоос илүүтэй МАН, АН-ын захиалгын албан тушаалтнуудаар яамаа дүүргэж, “амьгүй албат” шиг МАН, АН-ын “БЭТ” мэт ажиллах болжээ.
Тиймээс ИЗНН-ыг сонгуульд ялуулахын төлөө Б.Батбаатартай мөр зэрэгцэн зүтгэж явсан намын кадрууд нь Б.Батбаатараас нүүр буруулж, намаа орхин гарах болсон гэнэ.
Дараагийн удаад бид ИЗНН-аас хэн хэн, ямар шалтгааны улмаас намаа орхисон тухай мэдээллийг хүргэнэ.
Ц.Мөнх
Amlalt.mn
