Монгол банкны Ерөнхийлөгчөөр Эрдэнэс Монгол компанийн захирал С.Наранцогтыг томилох асуудал яригдаж эхэлсэн.
Гэтэл учир мэдэх зарим хүмүүсийн хэлж байгаагаар С.Наранцогт хэдийгээр 2008 оноос эхлэн Сангийн яамны мэргэжилтнээс төрд ажиллах гараагаа эхэлж, тасралтгүй 17 жил төрийн яамдад төсөв санхүүгийн чиглэлээр удирдах ажил хийж ирсэн ч салбараа хөгжүүлсэн түүхгүй гэх яриа байна.
Түүгээр зогсохгүй т С.Наранцогт “Эрдэнэс монгол” компанийн Гүйцэтгэх захиралын эрх мэдлээ өөрөө өөртөө “урвуулан ашиглаж”, компанийн жилийн ажлаа дүгнэж, “92 %-ийн ашигтай ажиллуулсан хэмээн өөрөө өөртөө 6 сарын цалингийн урамшуулал болох 200 гаруй сая төгрөг авсан тухай асуудал нь хэвлэлээр гарсан.
Тэгвэл бид энэ удаад С.Наранцогт нь Сангийн яамны Төрийн нарийн бичгийн даргаар ажиллаж байхдаа 2018-2020 онд “Эрдэнэс таван толгой” ХК-ий ТУЗ-ийн гишүүнээр ажиллаж байхдаа сар бүр 1.3-2.2 сая төгрөгийн цалин авдаг байсан атлаа нэмж 2019 оны 10 сард 25.000.000 төгрөгийн урамшуулал авсан байна.
Тиймээс татвар төлөгчдийн мөнгийг “баруун солгойгүй хувьдаа завших”, өөрийгөө “урамшуулах” байдлаар “зохицуулж” ирсэн С.Наранцогт Монгол Банкны Ерөнхийлөгч болох юм бол улс орны банк санхүү, эдийн засгийн салбар сүйрнэ гэж хэлэх хүмүүс цөөнгүй байна.
А.Галт
Amlalt.mn
