Саяхан Замын-Үүдийн зарим гаалийн улсын байцаагч нар олон жил аж ахуйн нэгжүүдийн барааг татваргүй оруулж, татвараас зайлсхийх гэмт хэрэг үйлдэж байсныг илрүүлсэн талаар Монгол Улсын Ерөнхий сайд Г.Занданшатар мэдэгдэж улмаар Гаалийн ерөнхийн газрын дарга С.Отгонжаргал өөрийн хүсэлтээр ажлаа өгөөд удаагүй байгаа билээ.
Гэтэл "чоно борооноор" гэгчээр дарга эзгүй хойгуур хотын гааль дээр нөгөө гаалийн байцаагч нар нь Монгол Улсын эмийн бүртгэлд бүртгэгдээгүй хууль бус эм, эмнэлэгийн хэрэгсэлийг контейнерт нууж оруулж ирээд баригджээ.
Энэ үйлдэл бас урт хугацааны асуудал байсан талаар мэдээлэл задраад сандарч буй бололтой. Тус гэмт хэрэгт эмийн бөөний худалдаа эрхлэгч болон эмийн сангуудийн захиалга байсан талаар эх сурвалж хэлж байна.
Хэрэв дээрх Монгол Улсад бүртгэлгүй эм тариаг мэргэжлийн байгууллагууд илрүүлээгүй бол гаалийнхан нүдэн балай, чихэн дүлий гаргаад явуулах байжээ.
Цаашлаад татваргүй, улсын бүртгэлд бүртгүүлээгүй, чанаргүй, тээвэрлэлт хадгалалтын горим зөрчсөн, хууль бусаар оруулж ирсэн ийм төрлийн эм тариа худалдаалагдах нь иргэдийн эрүүл мэнд, амь насанд аюул занал учруулахын зэрэгцээ Үндэсний аюулгүй байдалд заналхийлэх хэмжээний эрсдэлийг бий болгох аюултай.
Тиймээс "Буяныг гаргахгүй, бузрыг оруулахгүй" гэх уриатай Гаалийн байггуулллагад уриагаа хэрэгжүүлэх хэмжээнд нь хүртэл боловсон хүчний өөрчлөлт хийх цаг иржээ.
А.Галт
Amlalt.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!