Өчигдөр /2026.03.11/ үдэш Монгол Улсын Ерөнхий сайд асан Л.Оюун-Эрдэнэ өчигдөр NTV -ийн “Лхагвын тойм” шууд ярилцлагын нэвтрүүлгийн зочноор оролцож, 5 цаг гаруй ярилаа. Сэтгүүлчийн асуусан олон асуултанд хариулт өгч, олон нийтийн сонирхсон тодорхойгүй асуудлуудад хариуллаа.

Түүний ярианы агуулгад хэдэнтээ дурьдагдсан зүйл бол “төрийн тогтвортой байдал бол парламентын тогтвортой байдал, парламент хэнээс ч айдаг байж болохгүй, парламентын гишүүдийг эгүүлэн татах хуулийн эсрэг байр суурьтай байна, парламентын хүчийг сулруулах үйдлийн цаана тодорхой зорилго байна, УИХ-ын гишүүдийнг эргүүлэн татах ёсгүй, УИХ-ын гишүүн бол ард түмний сонгосон төр.Тийм учраас гишүүдийг бүрэн эрхийг түдгэлзүүлнэ гэдэг бол парламентат ёсонд халдаж байгаа хэлбэр парламентын засаглалд халдах гэж байгаа бол ард түмэнтэйгээ хамт талбай дээр гарч ирнэ” гэх зэргээр ярив.

Монгол Улсын Ерөнхий сайд асан Л.Оюун-Эрдэнийн хэлсэн дээрх үгнээс харахад тэрбээр Монгол Улсын Ерөнхийлөгч У.Хүрэлсүхийн санаачилсан “УИХ-ын гишүүнийг эгүүлэн татах тухай хуулийн төсөл”-д тааламжгүй хандаж, УИХ-ын гишүүнийг эл хуулийг батлан эргүүлэн татах юм бол парламентын дархлаа алдагдахад хүрч болзошгүй гэж үзэж байгаа бололтой.

Монгол Улсын Ерөнхийлөгч бол ард түмнээс шууд сонгогддог, Үндсэн хуульд заасанчлан Монгол төрийн тэргүүн, Монголын ард түмний эв нэгдлийг илэрхийлэгч. Мөн тэрбээр хууль санаачлах эрх бүхий субъект.

Ерөнхийлөгч ард түмний эв нэгдлийг илэрхийлэгч, ард түмнээс шууд сонгогддог субъектын хувьд Парламентын гишүүдийн авлига, албан тушаалын гэмт хэрэгт нэр холбогдсон, хариуцлагагүй, хуралдаа суудаггүй, хууль батлах үйл ажиллагаанд оролцдоггүй, бусармаг, ёсзүйгүй нөхцөл байдалд холбогдуулан тэдэнд хариуцлага тооцох асуудлыг хуулийн төсөл болгон санаачилсан нь юуны буруу гэж...

Үүнтэй холбогдуулан дараах саналыг илэрхийлж байна.

Нэгдүгээрт: Ерөнхийлөгчийн санаачилсан хуулийн төслийг батлах, төсөл доторхи заалт нэг бүрийг хасах, өөрчлөх, бүр батлалгүй буцаах эрх парламентад хэвээр байгаа.

Хоёрдугаарт: 126 гишүүнтэй УИХ-аас авлига албан тушаалын гэмт хэрэгт нэр холбогдсон, хууль хяналтын байгууллагаар шалгуулж байгаа, хууль батлах үйл ажиллагаандаа огт оролцдоггүй өргөсөн тангарагаасаа няцсан, хууль тогтоох дээд байгууллагын гишүүн атлаа жирийн иргэнээс ч дор ёс зүйн доголдол удаа дараа гаргасан 1-2 гишүүнийг эгүүлэн татахад парламентын дархлаа алдагдах биш харин ч бусад гишүүдийг өргөсөн тангарагтаа үнэнч, эрхэлсэн ажилдаа хариуцлагатай байх хөшүүрэг болох нөхцөл үүснэ

Гуравдугаарт: МАН-аас 2024-2028 оны УИХ-ын сонгуульд дэвшүүлсэн МАН-ын мөрийн хөтөлбөрийн 4.3.1-т “Улсын Их Хурлын гишүүдийн үйл ажиллагаанд хөндлөнгийн хяналт тавих механизмыг хялбаршуулж, сонгогчдын саналаар эгүүлэн татах эрх зүйн орчныг бүрдүүлнэ”, 4.4.11-т “Төрийн хулгайтай холбогдсон улстөрчид, албан тушаалтанд хариуцлага тооцно” гэсэн МАН-ын дарга асан Л.Оюун-Эрдэнийн өөрийн нь санаачлан МАН-ын сонгуулийн мөрийн хөтөлбөрт оруулсан заалт бодитойгоор хэрэгжих нөхцөл үүснэ гэж харж болохоор байгаа юм.

УИХ-ын гишүүнийг эгүүлэн татах хуулийн төслийг Ерөнхийлөгч санаачлахгүй бол хууль санаачлах бусад субъектууд болох УИХ-ын гишүүд, Засгийн газар санаачлан хэлэлцүүлэхгүй нь нь тодорхой. Учир нь УИХ-ын гишүүд өөрсдийгөө эгүүлэн татуулья гэдэг хууль хэзээ нь санаачлан УИХ-аар хэлэлцүүлэхгүй нь ойлгомжтой.

Тэгэхлээр хэн нь иргэд олон нийтийн эрх ашгийг илэрхийлсэн байна вэ гэдгийг эндээс харж болох юм. Тэгээд ч ард иргэд Ерөнхийлөгчийн санаачилсан дээрх хуулийн төслийг дэмжиж байгаа нь илэрхий.

Ийм нөхцөлд Ерөнхий сайд асан Л.Оюун-Эрдэнэ, Ерөнхийлөгч У.Хүрэлсүхийг санаачилсан УИХ-ын гишүүнийг эгүүлэн татах хуулийг эсэргүүцэж талбай дээр жагсана гэж байгаад өөрөө иргэдэд непалдуулах бий дээ.

А.Бат

Amlalt.mn