Шударга ёсыг тогтоо, шүүх, прокурорынхоон!
Ангилал
ЗГ-ын гишүүд УИХ-ын гишүүд
Огноо
Унших
4 минут 54 секунд
Шударга ёсыг тогтоо, шүүх, прокурорынхоон!
Нийтлэсэн огноо:

Шударга ёсыг тогтоо, шүүх, прокурорынхоон!

Даваагийн Мөнх-Эрдэнийг дахиад л бариад хийсэн байна лээ. Түүний ёс зүй, бас олон талын шүүмжлэлтэй асуудлууд байна уу гэвэл байна аа. Гэхдээ тэр хүн бүдүүлэг, соёлгүй хэлбэртэй боловч яриад байгаа юм нь нийгмийн шударга ёсны агуулгатай байгаа болохоор олон нийт анхаарч, тэр хэрээр сулла, тавь гэдэг үгийг хэлээд байх шиг байна.

Нөгөө талаар нөхөр Д. Мөнх-Эрдэнэ нийгмийг тоносон хэргүүдэд оролцоогүй байна. Хэрэв тэгсэн бол түүнийг өдийд жинхэнэ “амьтан” болгож байхаар хууль журам Д.Мөнх-Эрдэнэд үйлчилж байна.

Манай шүүх, прокурорын байгууллагууд, түүний эрх мэдэлтнүүд Д.Мөнх-Эрдэнэд үйлчлүүлж байгаа хууль дүрмээ нүүрсний хулгай хийгсэд, Хөгжлийн банкыг тоногсод, Концесс, тендерийн замаар хулгай луйвраар гаршигсад, ЖДҮ нэрээр улсын сангуудыг цөлмөгсдөдөө жинхэнэ утгаар нь үзүүлж, нийгмийн шударга ёсыг тогтоох ёстой авч, үнэн хэрэгтээ энэ ажлаа огт хийхгүй байна.

Дөчийн дөчин их наяд тоносон нүүрсний хулгайн хэргийг одоо бүр мартах шинжтэй.

Н.Учралын хууль гэдэг хууль баталж, энэ шуугиан дор нүүрсний хулгайн бирдүүд нам жим сууцгааж байна. Н.Учралын хуулийг сэвэх, нийгмээр нэг хэлэлцүүлэг болгохыг хэрэг дээрээ нүүрсний хулгайчид хийж байгаа гэж үзвэл хилс огт болохгүй.

Н.Учрал сайд ч нийгмээ эрүүл болгох нийтийн сүлжээг хянах хуулиа боловсронгуй болго оо. Ингэж тэд цаг хожиж, идсэн уусанаа шүүх, хуулийнхантай “тохирч”, яаж уснаас хуурай гарах аргаа боловсруулж, тэгэж боловсруулах цагийг нь шүүх, порокурорын байгууллагынхан олгож байнаа гэж ард түмэн, хэвлэл мэдээлэл, иргэний нийгмийн байгууллагууд үзэж, хардаж байна.

Ингэж үзэх бүрэн үндэстэй нь нүүрсний хулгайн хэрэг бараг замхарч, одоо тэр талаар ярьдаг хүн үгүй болж эхэлж байна.

Чухамдаа энэ л манай нийгмийн ядуурал , шударга бусын үнэн нүүр царайг улам илэрхий болгохын зэрэгцээ, мөнөөх хулгайчдыг гааруулан, мөнхүү тэтгэн “өршөөж” байна.

Ингэж болохгүй ээ Дээд шүүхийн дарга Д.Ганзориг, Ерөнхий прокурор Б.Жаргалсайхан нараа гэж түмэн олон хэлж байна. Учир нь манай улсад гарсан, гараад байгаа том хэргүүд шүүх, прокурор дээр удаанаас удаан явж байгаад , нэг мэдэхэд замхран, хэрэг дээрээ хэрэгсэхгүй болгогдсон байдаг шүү дээ.

Олон жишээ бий. Эрдэнэтийн гэх хэргийг арвын арван он дамжуулан барин явж байж сая шийдэж байгаа юм. Энэ хооронд ямар их шударга үнэний алдуурал, нийгмийн оюун санаанд, баялагт хор хохиролтой үнэлж баршгүй цаг хугацаа явж байгааг хууль хяналт, шүүх прокурорынхон ойлгох хэрэгтэй.

Шударга бус зүйлийг хийгсэд, хэрэгтнүүдийг, нийгмийн баялагийг хулгайлагсдыг ингэж байх ёстой газар нь байлгахгүй ял завшуулаад л байхын хэрээр Монгол эх орны нэр сүр гадаад орчинд унаж, хулгайчдаа давруулсан Монголыг итгэх гадны хөрөнгө оруулалт, нийгмийн бусад үлгэрлэл бүхий сайн талуудаас бид үргэлж хоцорч байгаа учраас үнэ цэнгүй болсоор байна шүү дээ.

УИХ-ын тодорхой гишүүдээ нүүрсний хулгайчид гэж нэрлэсэн, Засгийн газрын гишүүдийг, жишээлбэл Т.Аюурсайханы эргэн тойрны нөхөд хоригдсон байгаа. Хулгайлсан мөнгө нь байшин хаус болсоныг нийгмээрээ л харлаа шүү дээ.

Шүүх, прокурорынхон эхнээс барьж аваад эрсхэн шийдээд явчихад юу нь болдоггүй байна вэ. Хөгжлийн банкыг тоносон нөхдийг Б.Энхбаяр тодорхой харууллаа шүү дээ. Одоо шийд л дээ.

Та бүхэн Шүүх, Прокуророын өндөр сэнтийг ийм хэргүүдийг шийдэж эх орондоо ажил үүргээ гүйцэтгэхээр авсан биз дээ. Одоо та нар ажлаа хий. Ард түмэн гундаж гүйцлээ.

Хэв төрхөөрөө гундсан ч, итгэл сэтгэлээрээ хэзээ ч гундах ёсгүй юм, энэ ард түмэн. Шударга ёсыг тогтоо, шүүх, прокурорынхоон!

No description available.

Урагшгүй албат
Урагшгүй албат
 
А.Адъяасүрэн гишүүнийг хоёр хэргээр яллагдагчаар татжээ
А.Адъяасүрэн гишүүнийг хоёр хэргээр яллагдагчаар татжээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!