“Бэтишаа”. Гонгорын Дамдинням УИХ-ын чуулганыхаа сэнтийгээс “Дээгүүр толгойтой” хэрэлдээд, мөнөөхийг давах гээд “Битгий шаа” гэдэг үг хэлсэнээр цахим орон зай, нийгмийн сүлжээнд ийм нэртэй болчихсон. /Энд дарж үзнэ үү/
“Сонгодог” мораль нь харагдаж байгаа юм. Ам нь ер болдоггүй хүн дээ. “Ам нээвэл”-д орж байгаад билүү дээ, хэлж байгаа юм. Манай эхнэрийн хүүхэд гээд ярьж байгаа юм. Дараа нь бас сэтгүүлчийн асуусан асуултанд ийм утгатай хариулсан байдаг.
Эхийг нь эхнэрээ болгочихсон хойно, зүгээр л манай хүү, миний хүү л гэнэ биз дээ. Тэгж дээгүүр бодох, цаагуур харах, дэлхэж хайрласнаар л эхэд нь, эхнэртээ хайрлагдах. Үгүй дээ л, ерийн хүн ч Г.Дамдинням овоо доо, хүний өөрийнгүй миний л гэж боддог юм байна гэж ойлгоно биз дээ.
Ер нь ч тэгээд, монгол эр хүнд хүүхэд л бол хүүхэд, миний л юм, өөрийн л юм гэх байдлаар хандсан нь хувь заяанаасаа илүү шагнагдаад байх шиг байдаг. Г.Дамдинням гишүүний багцаа харагдаж л байгаа юм. Х.Ганхуяг, Г.Амартүвшин хоёртой дөрөө харшуулаад УИХ-д орж ирсэн.
Гучин гурван тэрбумын асуудлаар өнөө хоёр нь ээрэгдээстэй. Тэдний улс төрийн карьер өндөрлөж байх шиг байна. Харин Г.Дамдинням нөгөө хоёр шигээ яллагдагч болоогүй нь их юм. Энэ гурван нөхөр УИХ-д ашиг сонирхлын ихээхэн зөрчилтэй нь олон зүйл дээр харагдсан.
Жишээлэхэд, Ө.Батбаяр гэдэг зүв зүгээр л үүргэвчтэй аялагчийг АНУ-д Элчингээр явуулчихаж чадаж байгаа юм. Ө.Батбаяр Х.Ганхуяг, Г.Дамдинням нарын Перу, латин Америкаар яваад байсан цувралууд байдаг. Ө.Батбаярыгаа УИХ-д асуугдан, Элчингээр явах гээд эг маг болж байхад, гишүүдийг битгий ээрч юм асуу ухааны юм яриад л лобби хийгээд явж байв, Г.Дамдинням, Х.Ганхуяг нар.
Яагаад ингээд аялагчийг Элчин болгодог байна аа гэх гайхашруулах явдлын цаана энэ нөхдийн л лобби байсан. Эд нарт лоббидуулж аялагчийг Элчин сайд, тэр тусмаа Америкт илгээдэг нь эрх баригчдын мөн л хоржоонтой үйлдэл шүү.
Г.Дамдинням Н.Энхбаярыг "хаан" шахуу явах үед түүнийг эсэргүүцэгчдийн өмнөөс сөрөг жагсаал гэгчээр мэргэшиж, оюутан залуусыг хөдөлгөн, нүүрсний Б.Ганхуягтай дөрөө харшууланхан явсан түүхтэй.
Ё.Отгонбаярыг Боловсролын сайд байхад баахан дагаж их давхисан. ТИС-ийн сургалт хариуцсан дэд захирал ч болж явав. Дараа нь оюутны сургалтын төлбөр “зувчуулсан” энэ тэр хэрэг яригдаж, мань эр дээрх хэргээс "зугтан" гадаадад сурахаар явсан даа.
Улс орон даяар цар тахал гарчихсан, хөл хориотой үед ХЗДС-ийн сайдад хандан, Замын цагдаа нар намайг танихгүй зогсоож, 30 минут саатууллаа гэж УИХ-ын гишүүний цахим индэр дээрээс хэлж байсан нь шүүмжлэлд өртөнгүүт дараа нь энэ үгнийхээ төлөө олон нийтээс уучлалт хүссэн. Иймэрхүү л “Бэтишаа” л даа.
УИХ-ын гишүүн болсоор Дарханы зам попрох сэдэв нь болсон. Зарим талаар замыг бариулах дөхөц ч болсон байх. Л.Халтарыг халтайтал шүүмжилж байв.
Одоо С.Бямбацогтыг боорцог болгочих гээд л шүүмжлэлт чиглэлээс үзээд байх. Буруу биш. Өлзийдэлгэрийн Батбаяраа Америкт явуулдаг шигээ Дарханы замыг бариулах ажилд зүтгэж байгаа нь буруугүй ээ. Сонгуулийн өмнө Канадад явсанаа, сурсанаа ярьж сонгогчдоос жаахан оноо авч сонгогдсон.
Тэр үед ярьж байгаагаас нь харахад аргагүй л юм хиймээр ч юм шиг хүн харагдсан байх. Гэвч УИХ-д эдүгээ дөрөв дэх жилдээ ийнхүү суухдаа үнэмлэхүй манлайлал үзүүлж, Г.Дамдиннямын гэх гишүүний эерэг аяс хандлага, төлөв шинжийг эс бүрдүүлэв.
Г.Дамдинням үнэхээр Ө.Батбаяраа дэмждэг шиг зүтгүүр нь үнэн юм бол, Дарханы үйлдвэр технологийн паркыг дэмжсэн шиг дэмжээд босгоод ир ээ. Ц.Даваасүрэнгийн урдуур орж ажиллаад, босгоод ир.
Малын гаралтай түүхий эдийн эхний шан татахуйц үйлдвэрлэлийг Г.Дамдинням гишүүн босгосон юм шүү, бодлогоор дэмжиж манлайлсан юм шүү гэдэг түүхийг бүтээгээтэх л дээ.
Тэгвэл Бурхантын хөндийнхөн “Бэтишаа”-гаас УИХ-д хэдэнтээ залах, итгэл даах “Бурхан”-аа болгочихож мэдэх л юм. Үнэ цэнтэй зүйл бүтээсэн учраас.
Гэхдээ энийг Г.Дамдиннямын итгэл үнэмшил, бяр хүч, оройлол манлайлал л шийднэ. Г.Дамдиннямд тэр нь сайн үзэгдэж өгөхгүй л байгаа юм. Сайн жишээгээр.
Үлдсэн нэг жилийн хугацаанд Дарханчуудын гарт баригдаж, нүдэнд харагдахуйц ажил хийхгүй цагаан сараар барагшун, ногоон тор, календархан тараасан шигэээ байвал түүнийг Дарханчууд дахин сонгох нь юу л бол...
Б.БАЯР
Амлалт.мн
