Ерөнхий сайд Л.Оюун-Эрдэнэ наймдугаар сарын улс төрчдийн рейтингээр илтэд илүүрхжээ. Хууль зүйн сайд гуравт орж. Эхний арвын эхний гуравт энэ хоёр хүн эрэмбэлэгдсэн байна. Энэ бол хэрэг дээрээ энэ хоёр хүний улс төрд хийж байгаа тэмцлээс үүтгэлтэй иргэдээс өгсөн үнэлэмж хэмжээс юм.
Нүүрсний гэх хэргийн араас энэ хоёр хүн л явж байгаа гэхэд хилс болохгүй байх. Ерөнхий сайд анх шүгэл үлээсэн. Х.Нямбаатар эдүгээ энэ хэргийн гол гогцоо, хувь заяаг шийдэгчээр нэгэнт тохоогдсон. Хулгайчийг олж, ард түмэн, улсын эдийн засгийн алдагдсан боломжийг гагцхүү эл хоёр эрхмээс ард түмэн горь хүлээх дүр дүрслэлтэй байгааг ойлгож ядах зүйлгүй.
Л.Оюун-Эрдэнийг ихээхэн ганцаарддаг, эрх ашиг, язгуурын үнэ цэнийн тэмцэл ингэж шахагдах байдалтай байгаа гэж бичиж байна. Аргагүй юм. Өөрөө нүүрс болоод бусад хулгайгаар үл барьцаалагдах учир ийм байдалд буй, энэ байдал дахь тэмцэлд нь Х.Нямбаатар л нэмэр болж байгааг ард түмэн мэдэж байгаа учраас үнэлгээг ингэж өндрөөр өгч байгаа хэрэг.
Ардын нам, Л.Оюун- Эрдэнэ нүүрсний хулгай, авлига, албан тушаалын хэргүүд, шувуу ажиллагаа, газрын авлига, шүүхийн шударга ёсыг нийгмийн шударга ёсонд нийцүүлэн шийдвэрлэхгүй бол цаашдаа нийгэмд, улс оронд машид хортой. Үүнийг ч Ерөнхий сайд Л.Оюун-Эрдэнэ гүн мэдэрч, эдгээр чиглэлээрх үйл ажиллагаагаа эрчимжүүлж байгаа нь ажиглагдаж байна.
Харин түүний танхимынхан түүнд тусалж, дэмжиж байгаа нь үл мэдэгдэх. Нүүрсний хулгай, шударга ёс ярьж байгаа Засгийн газрын ганц ч гишүүн алга. С.Бямбацогт арай нэмэртэй, идэвхтэй байна уу даа гэж харагдахаар. Бусад нь бол нүүрс урдаас худалдаж авна гэхээс эхлээд нэрмээс болж байна. Хулгай луйвартай тэмцэхэд нь дэм болохгүй байна.
Амлалт.мн сайт “Тэвдэж яваа Л.Оюун-Эрдэнэд тэвнийн тусгүй сайдууд” гэж хэдэн сарын өмнө бичиж байв. Тэр байдал одоо ч үргэлжилсээр л байна. Ард түмэн хүрээлж, шударга ёс тогтоно биз. Улсаасаа баян сайд нартай ч улсын иргэний ихэнх нь уланд хамаараад байгаагийн учиг нь гурваас дээш сонгогдсон олон гишүүнтэй, тэд нь улсдаа ганц станци барьдаггүй, бариулдаггүйн үлгэрийг үргэлж бүх талаар нототгож байгаагаас л бүх учир зүй, уг шалтгаан тод юм.
Монгол бол идэж уухын хэнхэглэл туссан улс төрчдийн л өртлөөст хүлэгдсэн орон. Тийм учраас л шударгад тэмүүлэгсэд шахагдан цөөдөвч, илүү тодорч байгаа юм.
Ерөнхий сайд тэргүүтэй цөөн хэдэн хүн энэ нүүрсний хулгай, авлигад нэр холбогдсон гишүүд, улс төрчидөд хариуцлага тооцох гэхээр тэд бүлэглээд эргээд тэднийг “боорлох, ацаглах” дүр зурагтай байгааг иргэд олон нийт харж байна.
Гэхдээ л төрөөс төрсөн тэрбумтнууд, эрх мэдлээ хувийн ашиг хонжоонд ашиглагсадад Ерөнхий сайд удахгүй хуулийн болон улс төрийн хариуцлага хүлээлгэнэ гэдэгт иргэд олон нийт итгэн, сэтгэлээ чилээн харсаар байгаа.
Б. Баяр
Амлалт.мн
