Амлалт.мн сайт бичсэн, тун ойрмогхон. Нүүрсний хулгайд холбогдсон Б. Ганхуяг, Н.Удаанжаргал нарыг яагаад ийм их дөчин дөрвөн наядын хулгайд холбогдов гэдгээ, энэ нүүрсийг хулгайлахад схем, систем хэрэгтэй болох тухайг яриач ээ гэдэг агуулгыг тавьсан.
Өчигдөр Б.Ганхуягийг шүүхээр эхний хэлэлцүүлэг хийх гэтэл Т.Аюурсайханы дүүгийн өмгөөлөгчийн хүсэлтээр хурлыг хойшлуулж.
Б.Ганхуягийн хэлсэн үг нийгэмд цацагдлаа. Анхаарал онц татах үгүүд хэлжээ. Юуны өмнө, өөрөө ганцаараа есөн сар хоригдож байгаагаа хэллээ. Энэ бол, надаас өөр хоригдох ёстой улс хоригдохгүй байна аа гэсэн үг. Тэгээд өмгөөлөгчгүй ч гэсэн хурлыг явуул гэж хэллээ. Энэ маш ноцтой үг. Тэр “юм” ярихаар шийджээ. Зөв шүү дээ.
Ганцаар энэ их ялд унаж болохгүй. Түүний энэ үг үйлдэл бол авах ял, яригдах сэдэв тодорхой гэдгийг хэлж байна. Гол нь, үүнийг жинхэнэ удирдагсад, гол холбогдогчдыг хэлж магадгүй байдал үүсэж байх шиг байна.
Б.Ганхуягийг хамгаалах хэрэгтэй, хууль эрх зүйн үндэслэлээр. Тэр “юм” ярих гээд байна. Түүний хэлсэн өөр нэг айхтар үг бол энэ хэрэгт холбогдсон 11 хүнээс нэг нь ч хүрз нүүрсний хэрэгт холбогдохгүй нь тодорхой байна гэдэг үг айхтар ойлгогдож байна. Энэ бол зөвхөн бүх хэргийн Б.Ганхуягт наан хорих, цааш хийх хүсэл сонирхол агуулагдсаныг улс төр мэдэх, улс төрийн харанхуй бурангуйг гадарлах хүний хувьд хэлсэн, маш ноцтой, маш аймаар үг болох нь нийгэмд нэн тодорхой ойлгогдож байна.
Энэ учир Б.Ганхуягийг хамгаалж, амь нас, үнэн мэдүүлгийг авч шүүхээр дэнслэх хэрэгтэй байна шүү дээ. Тэр бас хэлсэн, нийгэмд үнэн мэдээллийг өгмөөр байна, шүүхийг нээлттэй явуулмаар байна гэсэн.
Хүн үүнээс илүү яаж хэлэх юм бэ. Тэр хүнд хэлмэгдэл, бусдын өмнөөс үүрүүлэхээр бэлдсэн асар их ял, зэм байгааг энэ хүн бүрэн мэдсэн байна. Б.Ганхуяг ганцаараа энэ их нүүрсийг хулгайлаагүй нь хэнд ч ойлгомжтой. Ийм учраас үнэн мөнийг ярьж, дөчин наядын нүүрсийн гарсан гавыг мэдэх учиртай байж тун мэдэх Б.Ганхуягийг хамгаал!
Тэр үнэнийг ярих гэж байна.Түүний хувь заяаг яаж x мэдэх байдал үүссэн нь тодорхой байна. Тэр хүн амьд явах, үнэн үгийг хэлэх бүрэн эрхтэй. Одоо Н.Удаанжаргал алсаас ч гэсэн Б.Ганхуягтаа дэм болоосой.
Б.БАЯР
Амлалт.мн
