Нүүрс Ганаа, чацга Ганаа, талх Ганаа, бандааж Ганаа, бултаа Ганаа, 33 тэрбумын Ганаа гээд л. Ойрмог буурал А.Гансүхийг гэрт нь хүн зодсон гэх юм.
Төрийн сайд, Үндэсний аюулгүй байдлын нарийн бичиг явсан хүн шүү дээ. “И” гэх этгээд зодсон гэх. И” гэх этгээд гэснээс Ганаа сайдыг болчимгүй юм хийсэн гэж Баабар хэлээд, бичээд байдаг. Хөрөнгө оруулагч япон өвгөнийг золигтуулсан энэ тэр гээд л. Ий-ий... , гэхээр ажлууд их хийснээс ингэж “И”-д зодуулжээ гэх хүмүүс байх. Үзсэн, харсан биш, яаж мэдхэв дээ.
Үндэсний аюулгүй байдлын зөвлөлийн нарийн бичгийн дарга явсан хүнийг гэрт нь зодсон гэхээр хачин. Бид чинь хуультай ажиллаж амьдарч байгаа биз дээ. Одоо хэн дуртай нь хэнийг ч хамаагүй гэрт очоод зодчихдог байж болох уу? Хуулийн сайд Х.Нямбаатар та олон ажлаасаа илүүтэй салбарынхаа асуудалд анхаараарай!
Олон Ганаа гэснээс гээд бас дахин ярихад, одоо энэ нүүрсний хэрэгт холбогдсон гэгдээд байгаа, өөрөө болохоор жагсаалын хэрэгт холбогдсон гээд байгаа Б.Ганхуягийг жагсаал Ганаа гэх үү, бас нүүрс л гэх юм уу, мэдэхгүй.
Хүний эрхийн үндэсний комисст хорихоос захидал бичжээ, өөрөө бол Хүний эрхийн хороо гэж бичсэн харагдсан. Ерөнхий сайд Л.Оюун-Эрдэнийг буруутгасан шиг билээ. Ерөнхий сайд уг нь хулгайтай тэмцэж байгаа.
Ерөнхий сайдыг хорихоос загнахыг юу гэж үзэлтэй билээ, ард түмэн цэгнэж байгаа байх. Юутай ч хулгай хийснийг зөвтгөдөг ард түмэн дэлхийд нэг их байдаггүй байх.
Сангийн сайд Б. Жавхлан Алтанширээгийн үйлдвэрийг хорин долоон онд ашиглалтад орно гээд л зарлачихлаа. Наадахыг чинь Уул уурхайн Ж.Ганбаатар бултуулсаар, бултаа Ганаа болоод, Эрдэнэс Монголд шилжүүлэхээсээ өмнө хорин тав, хорин зургаа, хорин долоо гээд гурван он дамнуулан, гурван өөр онд ашиглалтад орно хэлж бултуулаад алга болсон доо.
Б.Жавхлан гурван жилийн дараа эрх мэдэлтэй ч бай, эрх мэдэлгүй ч бай Алтанширээгийн үйлдвэр хаана байна гэдэг асуулгад өөрийгөө түүхэлчихлээ дээ. Банкны холбоотой эрх ашгуудаасаа байнга боорлогддог Б.Жавхлан саяхан “Сандагсүрээн, аятайхан байгаарай, төсвийн мөнгө гэж байхгүй, татвар төлөгчдийн мөнгө л гэж буй” хэмээн лут үг хэлсэн. Үнэн л дээ.
Авлига гэгч хорооллыг нураавал түүний зардал өртгийг төрөөс өгч магадгүй гэх маягийн юм ярьсан Д.Сумъяабазарын орлогчийг тэгж “занасан”. “Авлига” хороолол гэгч нь баригдаад байна гээд байнга бичигдэх, гэтэл “S Outlet” гэдгийг нь нураагаад байна гээд л бичээд байна. Хоёр урвуу үйлчлэл яваад байх шиг байна.
Б.Цэнддоо төрийн шагналт “Сумъяазавр” гэнэ үү, нийтлэл бичиж, мээрийг зөвтгөж байгаа юм байна. Хазгай өрснийг нурааж тэгшилдэг энэ тэр гээд баахан тууж. Үнэн ч байх, бас худал ч, аан мэдэхгүй.
Гонгорын Дамдинням “үсрээд” л гараад ирлээ. “Авлига хорооллыг шүтье” гэсэн байна лээ. Бяр нь найгүй юм гээд. “Нураах” хэрэгтэй гээд л зургаан сард зуурдхан баатар болсон, одоо бол халирсан тугалга болоод шүтэж. Энэ бүх мэдээллийг цахимууд сайхан өгөх юм.
Цахим сайхан өгөх гэснээс, Харилцаа холбооны Н.Учралыг Эстонид өндөр үнэлэх шиг боллоо. Монголын цахим хөгжлийг шинэ шатанд гаргаж, шилжилтийг хийж байна аа гээд. Цахим бол иргэний эрхийн төгөлдөр индэр юм даа.
Түгжрэлийн сайд Ж.Сүхбаатар аа, цахим бас хэллээ, нэг иргэний үг дайлтаар. Нэг хашаанд баахан улаан автобус байх юм гээд үзүүллээ. Нийслэлээрээ түгжрэл, нийтийн тээврийн зудад байгаа шүү дээ. Тэр улаан автобуснуудаа гаргаж, ямар учиртайг хэлээд, эдэлгээнд оруулж болохгүй юу. Эсвэл шинэ атлаа бүгд эвдрээд зогсчихсон юм биш биз дээ...
Б.БАЯР
Амлалт.мн
