Д.Сумъяабазар хотоос, Ж.Сүхбаатар түгжрэлээс явсан ч, хот түгжрэл хоёр тэднээс явахгүй юм. Юун хэмээвээс, тэр хоёр хүн албан тушаалаа өгч одсон ч, хот, түгжрэл хоёр дээр үлдээсэн өвөө энэ хоёр хүн эргүүлж, “тойглох” хэрэгтэй.
Д.Сумъяабазар хэллээ. Ерөнхий сайд аа, та өөрийн чигийн хүнээ тавиарай гэж хэлсэн нь байна. Энэ бол миний ажлыг цаашид хийхэд ултай хүн олж тавиарай гэсэн үг шиг байна. Д.Сумъяабазар хотын хөгжилд УИХ тээг садаа болж байгаа, эрх зүйн орчноор хангаж өгөөгүй гэж хэлсэн. Г.Занданшатар өчигдөр Д.Сумъяабазарын явахыг чамгүй үгээр “чигжчих” шиг боллоо.
Д.Сумъяабазар одоо нэгэнтээ явснаас хойш, “Тэнүүн огоо”, бусад олон ажлыг арын хүндээ, нийслэлийнхээ эрх ашигт тохируулсан агаараар өвлүүлэх нь өчигдөр мэхийн уучлал гуйсныг нь нэмж чимнэ.
Авлига гэгдэх хорооллыг нураана л гэсэн бол нураана гэж ярьснаасаа ерөөсөө төд удалгүй огцрох нь тод болсон Д.Сумъяабазарт гомдол байгаа нь ойлгомжтой. Энэ гомдлоо, харин ч эерүүлэн хотын даргаар ажилласан хугацаандаа юу саад болж, юу дэмжиж байв гэдгийг арын даргадаа маш тодорхойг олон нийтийн өмнө хэлэх нь нийтийн эрх ашигт тустай байна. Хотын намын хорооны дарга гэдэг том албан тушаал одоодоо өөрт нь байна. Энэ эрэмбээсээ асуудалд томоор хандах боломж бий бий.
Түгжрэлийн сайд Ж.Сүхбаатар түгжрүүлсээр, өөрөө ч бухимдал адгалдаа түгжирсээр явж одов. Ингэхдээ, ногоон автобуснаас үүдсэн маш том асуудлыг нийгэмд дэгдээлээ. Ёс зүйн хариуцлага хүлээж байна гэж хэлээд байгаа. Ёс зүйн, хохирлын, нэр хүндийн, нийслэлийн, Монголын нэрийг муухай харагдуулсан олон үйл явдлыг түгжрэл, түүний сайдыг тойрсон үйл явдлууд харагдууллаа.
Ж.Сүхбаатар сайдыг бичиж байна. Давхар дээлтэй хүн хариуцлага хүлээдэггүйн сонгодог жишээ болж байна гэж бичлээ. Энэ нь гулсаад л УИХ-н гишүүнийхээ сандалд суухын үлгэрийг хуульчид өгүүлсэн байна лээ. Явсан гэлгүйгээр зарчмыг барьж, ногоон автобусны хэрэг явдлыг Солонгосын прокурор, Вьетнамын Нийгмийг аюулаас хамгаалахтай хамжин, алдаагүйн байхуйн маш том өв болгон “Ногоон автобусны ногоон түүх”-ийг бичих хэрэгтэй. Ингэж байж л л нийтийн эрх ашгийн өмнө алга хавсруулна.
Ардын нам, Ерөнхий сайд Л.Оюун-Эрдэнэ бүрмөсөн авлигажсан нам, улсын эрхтнүүдийг удирдаж байна.
Хаана л бол хаана авлигын хатги, идээ бээр зад үсрэн садарч байна. Ардын нам авлигаас салж байж л ард түмний зоо тэнийнэ. Энийг хийгээгүй цагт Монголын ард түмэн дэлхийгээс үргэлж тээршаагдана. Муу, муухай харагдана.
Үүнийг Л. Оюун-Эрдэнэ үг, үйлдлээрээ дээр хэлсэн. Тэмцэж байгаа. Гэхдээ тэмцэл яагаа ч үгүй байна. Авлигын тэмцэлд ялах их ухааныг Л.Оюун-Эрдэнэд хайрла!
Б.БАЯР
Amlalt.mn
