Монголын төр ээлжит томилгоогоо хийв. Энэ нь сайн байснаас бус саараас үүдсэн өөрөөр хэлбэл ажилдаа эзэн болоогүй нөхдийг халсанаас үүдэж хийсэн томилгоо байлаа гэдгийг хаана хаанаа ойлгож, үнээн гэж хэлэх учиртай.
Залуу гишүүн Б.Энхбаяр Хууль зүйн сайдаар томилогдлоо. Эрүүл саруул сайхан үгс хэлж байна. Анхнаасаа ч тун боломжийн хандлага, үзүүр өнцөгтэй улс төрчөөр харагдсан л даа. Гэхдээ төгс юм гэж хаа байхав. Цагаан даваанд хогын үйлдвэр барих амлалтынхаа асуултад бүдэрсхийгээд л яваа хүн. Зун зав гарвал сэлж яваа үзэгддэг. Сэлэх сайхан. Гэхдээ Хууль зүйн сайд хийх сэлүүр чинь их богино юм биш биз.
Хишгээгийн Нямбаатар гэж хүн Засгийн газрын олон ч ажлын хэсгийг л толгойлоод бишгүй ажиллалаа. Монгол улс хүний ганц нөөцтэй юм шиг одоо түүнийг Хотын даргаар тавих нь шиг байна. Х.Нямбаатар супер юм байж.
Баттөмөрийн Энхбаяр аа, асуудал их шүү, өөр дээр чинь. Х.Нямбаатар ийм өв үлдээж байгаа. Нүүрсний хэргийг хянан ярилцах Түр хорооны гэгч дампуурсан юмыг Г.Ганболдооос Х.Нямбаатар аваад асуудлыг яг шийдэх нь үү дээ гэж байтал ийм боллоо.
Одоо Х.Нямбаатар ногоон автобусаа яах уу, Д.Сумъяабазараа яах уу гээд олон асуудалд толгой амсхийх бололцоогүй боллоо. Б.Энхбаяр нэг юмыг ягштал ойлгох хэрэгтэй. Мэдээж, хэрэг Нүүрсний хэргийг хянан шалгах хорооны даргаар тохоон томилогдож.
Энэ бол нүүрсний хэрэг гэгчийг шийдэж байж, сонгуульд Ардын нам орох гэдгийг. Энэ намын өнгөн дээр энэ асуудал гарсан. Эзэн холбогдогч олон ч, эрх чөлөөгөө хориулсан Б.Ганхуяг гэдэг нэг л хүн байгаа. Энэ асуудлыг шийдэж байж л, Ардын нам ирэх оны сонгуульд орно доо гэдгийг ёс зүйтэй, зарчимтай Б.Энхбаяр нот нут ухамсарлаж буй биз ээ.
Ардын нам анх гишүүн бологчоо сайд болгодоггүй. Б.Энхбаяр бол энэ шалгуураас “том” бололтой. Нам нь их найдаж буйн илэрхийлэл юм болов уу. Б.Энхбаяр гэдэг улс төрч хэн юм бэ гэдгээ харуулах цаг иржээ. Асуудал үй түм байна. Жунайн чинь охин Засаглалын тэргүүн рүүгээ мэсэж бичээд байна.
Энэ нь өмнө Засаг, Ардын нам хоёр яаж янаг явж ирсэний илэрхийлэл л байх. Ерөнхий сайд нь ингэж болохгүй гэж байх шиг байна. Энэ нь зөв л дөө. Тэгээд Ерөнхий сайд шүүхэд нөлөөлөөд Жунайг яллуулчихдаг юм биш.
Шүүхийн хараат бус байдал, Үндэстэний эрх ашиг гэж нэг юм бий байх аа.
Б.БАЯР
Аmlalt.mn
