“Өсөх зоос-ын эзэн Ч.Чинбатын охин. Өмнөговийн Гуртантэсэд нүүрсний орд эзэгнэсэн их баяны гүнж тэр эхлээд Ардчилсан эмэгтэйчүүдийн холбоонд бүртгэлтэй, идэвхтэн, зүтгэлтэн явсан баримт хэвлэлээр гараад байсан. Улсын Их сургуулийн дэд захирал хийж, нийгмийн анхаарлын төвд орж ирсэн.
Тэгсгээд л хорин оны сонгуулиар Сэлэнгэд МАН-аас нэр дэвшээд л гараад ирсэн гишүүн. Эцгийн бэлээр тулан улс төрд хүч түрэн орж ирсэн гэх. Ямартаа л Ноён уулыг ар өврөөс нь ухагч Чинбатуудын охид хэмээн Номин сайд, Ундрам гишүүн хоёрыг иргэд ярьдаг юм билээ.
Ч.Ундрам уг нь боловсролтой эмэгтэй байх. Эдийн засгийн чиглэлээр их яримтгай. Санхүүгийн зохицуулах хорооны эрхтнүүд өөрсдөө банк бусаараа мөнгө хүүлж байна гэж хэлсэн нь нийгэмд ихээхэн анхаарал татаж байна. Санхүүгийн зохицуулах хорооны эрхтнүүд тэгж авирлах ёс зүйн эрхгүй баймаар. Тэгэхээр Ч.Ундрамын зөв. Харин Ундрам мөнөөх хүний нэрийг нь хэлээгүй. Одоо шууд л хэлэх хэрэгтэй. Санхүүгийн зохицуулах хорооны гишүүн тэр энэ банк бус байгууллагаараа ингэж мөнгө хүүлж байна гээд шуудхан хэлчих хэрэгтэй. Энэ нь улсын нэг чухал байгууллагын гишүүний ёс зүй, ажлын нь өгөгдөлтэй холбоотой бодит шаардлагыг тавьж байгаагаар ойлгогдоно.
Ёс зүйн асуудал гэснээс Ч.Ундрам гишүүн энэ талаар өөрөө унамтгай болсон. Гэр бүлийн нь асуудал, үр хүүхдэдээ таагүй хандан буй хүчирхийллийн шинжтэй бичлэгүүд нь нийтэд ил болсон. УИХ-ын гишүүн хүн гэдэг ёс зүйн зарчим баримтлалаар манлайлан тэргүүлж байх ёстой.
Гэвч Ч.Ундрам үүнийг бэхжүүлж чадаагүйгээр үл барам, дэмий сүүдэрлэн дагаж явах асуудлыг нийгмээр нэг хэлэлцүүлэг болгосныг бүгд мэдэх. Хүний хувийн амьдрал бусдад падгүй нь үнэн. Гэхдээ падтай болох учир нь ард түмний саналыг авч сонгогдон, төрийн эрх барих дээд байгууллагын суудалд суусанд нь л байгаа юм.
Тухайн гишүүн хэдийгээр сайн ажиллавч, нэг зохисгүйгээр хэзээд ч сэргэхгүйгээр нийгмийн оюун санаанд уначихсан байдаг. Энэ байдал Ч.Ундрам гишүүнд нүүрлэсэн байж болзошгүйгээр ойлгогдохоор төлөвийг цахим хэлэлцүүлэг, нийтэд ил мэдээллийн оройн зай илтгээд байх шиг. Үүнийг өвч эргүүлэх, нийгмийг бүхэлд нь эргүүлэн өөрт нь оноо авчрах тийм “шидийн” гэмээр үйл ажиллагаа, эргэлт, эрс өөрчлөлт Ч.Ундрамаас шаардагдана.
Ингэж байж л тэр УИХ-д дэвших виз горилох учиртай байх. Ардын нам нь хэрхэн үздэг юм бол доо. Ч.Ундрам нь хэрхэн ачлалтай байх юм бол доо. Даргын нүд мөнгөнд унахгүйн үлгэр дэвжээсэй. Ч.Ундрам органик хүнс гээд яриад байгаа. Тэр бол харин органик шүү.
Б.ДОРНО
Amlalt.mn
