Эрдэнийн Бат-Үүл намынхаа дарга Л.Гантөмөрт ивсэн үгийг гамгүй хэлжээ. Яван чангарч байна. Би итгэхгүй байсан маань эндүү байж. Харин ч бид хүнээ олж намаа удирдуулж. Р.Гончигдорж шиг, Ц.Элбэгдорж шиг, Р.Амаржаргал шиг лидер байх шинж түүнээс үзэгдэж байна гээд үг хямгагүй магтаж.
Үүлийн ингэж үгээр мялаах байх л асуудал биз. Гэхдээ одоо Ардчилсан намын дарга Л.Гантөмөрт мялаалгагүй нэг зарчим, үнэн тулгагдаж байгаа юм.
Тэр бол энэ зургаадугаар сард болох сонгуульд намаа ялуулах явдал. Өөрөө саяхан хэлсэн харагдав уу даа. Энэ онд ч ялна, ирэх хорин найман онд ч ялна л гээд туучихсан харагдана билээ. Ингэж хэлэх ёстой юм л даа.
Улс орны төлөв байдал найман жил засагласан МАН-ын өнгөн дээр гавьтай өөдлөхгүй байна. Малын түүхий эдээ боловсруулах үйлдвэр нэгийг ч барьдаггүй, МАН.
Одоогийн байдлаар долоон сая мал эндчихэж. Мөн их баялаг шүү. Үүнийгээ нядлаад боловсруулаад өртөг мөнгө болгодог сон бол Монголд хэчнээн хэрэгтэй билээ дээ.
МАН-ын дарга бол улсынхаа асуудлыг мэдэж хүний өөрийнгүй тэмцээд байгааг монголчууд харж байгаа.
Л.Гантөмөр дарга наймын найман жил гудамжинд алхсан намаа туг бариулах ажлыг бодитой хийж, сонгуульд манлайлал үзүүлээсэй.
Авлигын индекс, ардчиллын индекс гэдрэгээ л яваад байна. Энэ бол бид өөрсдийгөө дэлхийн толинд харж байгаа энгийн илэрхийлэл.
Зандаахүүгийн Энхболд МАН-ын мөрийн хөтөлбөрийн биелэлт нооль байгаа гэж хэлсэн байна лээ. МАН болохоор 75 хувьтай гэсэн. Аудит нь тэгж хэлсэн. Д.Загджав л даа.
Ийм зөрүүтэй улс төрийн мэдээллүүд явж байна. Угтаан бол сөрөг хүчний намын дарга эрх баригчдын биелээгүйг, биелүүлээгүй амлалтыг нэг бүрчлэн өдөр бүр ярих ёстой.
Сонгууль болоход ная хоног үлдэж. Наян биелээгүй амлалтыг ард түмэндээ ярихад Л.Гантөмөрт санал ирэх л ёстой.
Б.ДОРНО
Amlalt.mn
