Лифтэнд оцогногч гэдгээрээ “алдартай” өмгөөлөгч Б.Баасанцогт нь нэр бүхий шүүгчидтэй хэрэг найцаалцах талаар тохирч, тэдний дансанд 50 гаруй сая төгрөг шилжүүлсэн байдаг. Б.Баасанцогт хууль хяналтын байгууллага шалгах үед түүний хэрэгт улсын яллагчаар ажиллаж, хэргийг нь хянаж байхдаа “оцогногчтой” хамт гадуур уулзаж, цуг хоол идэж, “ял наймаалцаж, нөлөөнд нь автаж байж болзошгүй нөхцөл” байдал үүсгэж байгаад Зариг.мн сайтын камерт санамсаргүй өртөж ум хумгүй зугтаж одсон прокурорыг Г.Батбаяр гэдэг аж. /ЭНД ДАРЖ ТУС МЭДЭЭГ ҮЗНЭ ҮҮ.../
Яллагдаж байгаа гэмт этгээдтэй хяналт тавьж байгаа прокурор уулзаж, хоол идэж байна гэдэг нь шударга ёсонд нийцэмгүй, прокурор хүний ёс зүйд хэзээ ч баймгүй үйлдэл төдийгүй шууд ашиг сонирхол нь илтэд мэдэгдсэн, ял наймаалцах, хуйвалдан тохиролцох гэж байсан үйлдэл гэж хэлж болох.
Олны ярьж байгаагаар мань Г.Батбаяр прокурорыг энэ асуудлаас болж "ажлаас нь халлаа" гэсэн мэдээ гарч байсан боловч үнэн хэрэгтээ түүнийг ажлаас нь халалгүй хөдөө орон нутаг руу албан тушаал бууруулан шилжүүлсэн гэх.
Тэрбээр Дорноговь аймгийн Замын-Үүд сумын Ерөнхий прокуророор очиж ажиллаж, насанд хүрээгүй хүүхэд хүчиндсэн гэмт хэргийг илрүүлсэн мөрдөгчийг, тухайн гэмт хэрэг үйлдсэн ялтан С-ийн хэлсэн үг, мэдүүлэг, гүтгэлэгээр яллахаар улайрч байгаа нэгэн аж.
Дорноговь аймгийн Замын-Үүд суманд 2017 оны 11 сард насанд хүрээгүй бяцхан охин Д.Сэржмядаг охин сураггүй алга болсон.
Тэгвэл Ч.Батзааны илрүүлсэн насанд хүрээгүй охиныг хүчиндсэн ялтан С мэтийн үг мэдүүлэгээр эргээд мөрдөгчийг яллах биш, харин ч прокурор мөрдөгчтэй гар нийлэн, С мэтийн хүчингийн гэмт хэрэгтнүүд дундаас Сэржмядаг охины амь насыг хохироосон байж болзошгүй үйлдлийг мөрдөн ажиллахад нь дэмжлэг үзүүлэн ажиллах ёстой баймаар.
Гэвч магадгүй Г.Батбаяр прокурор "Оцогногч"-той уулздаг тэр сурсан зангаараа хүчингийн гэмт хэрэгтний өмгөөлөгчтэй уулзаж, гэмт хэрэгтний ар гэрийнхэнтэй нь “тохиролцож, овоо өндөр үнээр” хэргийг илрүүлсэн мөрдөгч Ч.Батзааныг хориулахаар улайрч байгаа юм биш биз гэсэн хардлага төрж байна.
Мань Г.Батбаяр прокурорын талаар гүүглэдэж үзвэл “оцогногчийн хамсаатан”-аас гадна нэлээд хэдэн “маапаантай” мэдээлэл байна.
Тухайлбал, Г.Батбаяр прокурор УИХ-ын гишүүн асан Мэндсайханы Энхсайханд “Үндэсний аюулгүй байдлын эсрэг хорлон сүйтгэх ажиллагаа явуулсан гэх зүйл ангиар эрүүгийн ял тулгаж, яллах дүгнэлт үйлдэн гарын үсгээ зурсныг нь хараад твиттерт хуульчид прокурор Г.Батбаярыг “шоолж”, объектив, субъектив талгүй буюу гэмт хэргийн бүрэлдэхүүнгүй хэрэг, хуулийн сургуульд “А” үсэг заалгасан хэн ч хэлнэ дээ, ядаж үнэмшилтэй үлгэр зохиочихгүй дээ” гэснээс үзэхэд мань Г.Батбаяр прокурор нэг бол улс төрчдийн гар бол болж “ажилладаг”, нөгөө бол “ял наймаалцаж гүйдэг” мэдлэг чадвар сул нэгэн бололтой.
Төрийн хуулийг ингэж “уландаа гишгэсэн, ялтантай ял наймаалцах” хэмжээнд “тохиролцож чадах” ичих нүүргүй ийм прокурорыг сахиалгын арга хэмжээ авах, тушаал буулгах төдий биш албанаас нь эргэж орох эрхгүйгээр халах ёстой атал мань эр улам бүр тушаал дэвшин Прокурорын Ерөнхий газар ажилалж байгаа гэх мэдээлэл байх юм.
Прокурорын ёсзүйн хороо Г.Батбаяр прокурорын үйлдэлд үнэлэлт дүгнэлт хийх цаг болсон баймаар даа.
Ц.Мөнх
Amlalt.mn
