У.Хүрэлсүх: “Хүнсний хувьсгал”-д хүнс үйлдвэрлэгчид, баялаг бүтээгчдийн оролцоо, манлайлал, хүчин чармайлт хамгийн чухал
Энэ мэдээ хуучирсан буюу 2023/03/03-нд нийтлэгдсэн мэдээ болно.
Огноо
Унших
15 минут 45 секунд
У.Хүрэлсүх: “Хүнсний хувьсгал”-д хүнс үйлдвэрлэгчид, баялаг бүтээгчдийн оролцоо, манлайлал, хүчин чармайлт хамгийн чухал
Нийтлэсэн огноо:

У.Хүрэлсүх: “Хүнсний хувьсгал”-д хүнс үйлдвэрлэгчид, баялаг бүтээгчдийн оролцоо, манлайлал, хүчин чармайлт хамгийн чухал

Монгол Улсын Ерөнхийлөгчийн ивээл дор “Хүнс, хөдөө аж ахуйн салбарын баялаг бүтээгчдийн зөвлөгөөн” Төрийн ордонд эхэллээ.

Зөвлөгөөн нь Монгол Улсын Ерөнхийлөгчийн санаачлан хэрэгжүүлж буй ‘’Хүнсний хангамж, аюулгүй байдал’’ үндэсний хөдөлгөөнийг эрчимжүүлэх хүрээнд баялаг бүтээгчдийн санал бодлыг нь сонсон, цаашдын бодлого, шийдвэртээ нарийвчлан тусгах зорилготой юм. Мөн хүнсний хангамж, аюулгүй байдлыг хангахад төр, хувийн хэвшлийн оролцоо ямар байх талаар хэлэлцүүлэг өрнүүлнэ.

ЗӨВЛӨГӨӨНӨӨР:
  • “Хүнс, хөдөө аж ахуйн салбарын эрх зүйн шинэчлэлт, өөрчлөлт”,
  • “Хүнс, хөдөө аж ахуй, хөнгөн үйлдвэрийн салбарт хэрэгжүүлсэн ажил, цаашид авах арга хэмжээ”,
  • “Хүнсний үйлдвэрлэл, мал аж ахуй, газар тариалангийн салбарын санхүүжилт”,
  • “Үндэсний үйлдвэрлэл ба экспорт”,
  • “Сүү, сүүн бүтээгдэхүүний хангамж, үйлдвэрлэл”,
  • “Хүлэмжийн аж ахуйн үйлдвэрлэлийг нэмэгдүүлэх, шинэ ургацын ногоогоор тогтвортой хангах”,
  • “Тахианы аж ахуйн үйлдвэрлэл ба хүн амын хүнсний хангамж дахь оролцоо” зэрэг сэдвээр илтгэл сонсоно.

Зөвлөгөөнийг нээж Монгол Улсын Ерөнхийлөгч Ухнаагийн Хүрэлсүхийн хэлсэн үгийг бүрэн эхээр нь хүргэж байна.

МОНГОЛ УЛСЫН ЕРӨНХИЙЛӨГЧ УХНААГИЙН ХҮРЭЛСҮХ:

“Эрхэм хүндэт хүнс үйлдвэрлэгчид, баялаг бүтээгчид ээ,

Эрхэм хүндэт зочид оо,

Монгол Улсын Ерөнхийлөгчийн санаачилсан “Хүнсний хангамж, аюулгүй байдал” үндэсний хөдөлгөөнийг дэмжиж, эх орноо эрүүл хүнсээр хангах, цаашид хүнс экспортлогч орон болох их үйлсэд хүч хөдөлмөр, хичээл зүтгэлээ дайчлан ажиллаж буй эрхэм хүндэт Та бүхэнд гүн талархал илэрхийлж, “Үзэсгэлэн болгогч” хэмээх харагчин туулай жилийн сар шинийн баярын мэндийг өргөн дэвшүүлье!

Цар тахал, геополитик, гео-стратегийн нэн ээдрээтэй нөхцөл байдлаас шалтгаалан сүүлийн жилүүдэд дэлхий даяар тээвэр логистикийн саатал үүсэж, улс орнуудын хүнсний хангамж, аюулгүй байдал эрсдэлд орж, цаашлаад дэлхий нийтийн тогтвортой хөгжлийн зорилтыг ханган хэрэгжүүлэхэд томоохон сорилт, бэрхшээл учраад байна.

Тухайлбал, НҮБ-ын судалгаагаар 2021 оны байдлаар дэлхийн нийт хүн амын 30 орчим хувь буюу 2.3 тэрбум хүн хүнсний аюулгүй байдлын эрсдэлд ороод байгаа нь цар тахлын өмнөх үетэй харьцуулахад 350 сая хүнээр нэмэгдсэн байна.

Мөн цар тахлын өмнө дэлхийн 53 орны 135 сая хүний хүнсний аюулгүй байдал ноцтой алдагдсан байсан бол өнөөдөр 82 орны 345 сая хүн болж 2.5 дахин нэмэгджээ.

Түүнчлэн дэлхий дахинд өлсгөлөнд нэрвэгдээд буй нийт хүн амын тоо цар тахлын өмнө 678 сая байсан бол 2021 онд 150 саяар нэмэгдэж 828 сая хүн болжээ.

2030 он гэхэд дэлхийн нийт хүн амын найман хувь буюу 670 сая хүн өлсгөлөнд нэрвэгдсэн хэвээр байх төлөвтэйг олон улсын байгууллагуудын судалгаа харуулж байна.

Мөн сүүлийн хоёр жил гаруйн хугацаанд дэлхий дахинд хүнс, хөдөө аж ахуйн бүтээгдэхүүний үнэ огцом өссөнөөс шалтгаалан эрүүл, шим тэжээлтэй хоол хүнс хэрэглэж буй хүний тоо буурч байна.

НҮБ-ын судалгаагаар 2020 байдлаар дэлхийн 3.1 тэрбум хүн эрүүл, шим тэжээлтэй хүнс худалдан авч чадахгүй байна.

Үүний зэрэгцээ 2022 онд дэлхийн үр тарианы үйлдвэрлэл буурсан нь сүүлийн 10 жилд байгаагүй үзэгдэл болж, улс орнууд дотоодын хүнсний бүтээгдэхүүнээ нөөцөлж, экспортоо хязгаарлах болсон нь дэлхий даяар хүнсний хангамж доголдоход хүргэж байна.

Олон улсын байгууллагуудын судалгаа нь цаашид нөхцөл байдал улам дордож, хүн амын эрүүл мэнд, ажлын бүтээмж, амьдралын чанарт сөргөөр нөлөөлж, ядуурал улам бүр нэмэгдэх эрсдэлтэйг анхааруулж байна.

Энэ нөхцөл байдал, бодит эрсдэлийг бид соргогоор мэдэрч, сэргэгээр төлөвлөн ажиллах учиртай.

Дэлхий нийтийг хамарсан цар тахал, олон улсын геополитикийн нөхцөл байдал нь хүнсний хангамж, аюулгүй байдал ямар эрсдэлтэй, ямар эмзэг нөхцөл байдалтай байгааг бидэнд мэдрүүлж, Монгол Улс “Үйлдвэрлэгч орон” болохын чухлыг дахин санууллаа.

Өнгөрсөн хоёр жилийн хугацаанд хүнсний бүтээгдэхүүний үнэ огцом өсөж, инфляц 16 хувийг давж, ард иргэдийн амьжиргаа, улс орны эдийн засагт хүндээр туссан.

Тиймээс тээвэр логистик саатах, хил боомт хаагдах, өвчин зовлон, цар тахал, дайн дажин дэгдэх зэрэг онцгой нөхцөл байдал дахин бий болоход ямагт бэлэн байх ёстой гэдгийг бид сайтар ухамсарлах ёстой.

Эзэн богд Чингис хаан нэгэнтээ “Чи бусдын хийсэн хоолыг идэж, бусдын хийсэн хувцсыг өмссөн тэр цаг дор бусдын боол болсон хэмээн бод” хэмээн айлдсан байдаг.

Иймд эрчим хүч, түлш шатахуун, хүнсний бүтээгдэхүүн зэрэг стратегийн ач холбогдол бүхий бараа, үйлчилгээгээ дотоодоосоо бүрэн хангах чадвартай, “Үйлдвэрлэгч, баялаг бүтээгч улс орон” болж, эдийн засгийн тусгаар тогтнол, аюулгүй байдлаа бататган бэхжүүлэхэд төр, засаг, хүн бүр хичээн зүтгэж, хамтран ажиллах учиртай.

Энэ бол Монгол төрийн үүрэг төдийгүй монгол хүн бүрийн үүрэг хариуцлага, эх орныхоо хөгжил, дэвшилд оруулж буй бодит хувь нэмэр, гавьяа зүтгэл гэдгийг онцлон тэмдэглэж байна.

Хүн бүр “Эх орон надад хэрхэн тусалж, намайг хэрхэн дэмжих вэ гэхээсээ илүүтэй би эх орныхоо төлөө юу хийж бүтээж чадах вэ” гэж дор бүрнээ тунгаан бодож, өөрөө өөрөөсөө асуух цаг нэгэнт болжээ.

Энэ бол бидний цаг алдалгүй хийх ёстой сэтгэлгээний хувьсгал билээ.

Эрхэм нөхөд өө,

Монгол Улсын Ерөнхийлөгч өнгөрсөн оны тавдугаар сараас эхлэн улс орон даяар “Хүнсний хангамж, аюулгүй байдал” үндэсний хөдөлгөөн эхлүүлж, ирэх таван жилд гол нэр төрлийн 19 хүнсний бүтээгдэхүүнээр дотоодын хэрэгцээгээ бүрэн хангах, цаашилбал хүнс экспортлогч орон болох, мөн малын өвчингүй эрүүл бүс бий болгох зорилт санаачлан дэвшүүлсэн.

Энэ хөдөлгөөнийг амжилттай хэрэгжүүлж, бодит үр дүнд хүрэх зорилгоор Монгол Улсын Их Хурал 36 дугаар тогтоол баталж, хүнс, хөдөө аж ахуйн салбарт ирэх таван жилийн хугацаанд 1.7 их наяд төгрөгийн хөрөнгө оруулалт, санхүүжилт хийхээр шийдвэрлэж, Засгийн газарт тодорхой үүрэг, даалгавар өгсөн.

Энэ хөдөлгөөний хэрэгжилтэд зориулан 2023 оны төсөвт суулгасан 223 орчим тэрбум төгрөгийн санхүүжилт нь хүнс, хөдөө аж ахуйн салбарт сүүлийн 30 гаруй жилд хийгдээгүй төсвийн дэмжлэг юм.

Мөн УИХ-аас тусгайлан Түр хороо байгуулж, төлөвлөсөн бодлого, арга хэмжээг бүсчилсэн хөгжлийн бодлоготой сайтар уялдуулах, хүний нөөцийг бэлтгэх, санхүүжилтийг нарийвчлан шийдвэрлэх болон удирдлага, зохион байгуулалтыг сайжруулах зэрэг тодорхой чиглэлийг Засгийн газарт үүрэг болгосон.

Үүнтэй уялдуулан Монгол Улсын Засгийн газар шаардлагатай тогтоол, шийдвэрүүдийг шуурхай батлан гаргалаа.

Түүнчлэн санхүүгийн салбар, тэр дундаа арилжааны банкууд үндэсний хөдөлгөөнийг дэмжиж, 2023 онд Засгийн газрын хүүгийн татаастай нийт нэг их наяд төгрөг хүртэлх бага хүүтэй, урт хугацаатай санхүүжилтийг хүнс үйлдвэрлэгчид, баялаг бүтээгчид Та бүхэнд олгон, “Хүнсний хувьсгал”-ыг бодитоор дэмжиж, хамтран ажиллахаа илэрхийлээд байна.

Энэ ташрамд эх орноо эрүүл хүнсээр хангах, цаашлаад хүнс экспортлогч орон болох их үйлсийг дэмжин ажиллаж буй банк, санхүүгийн салбар, хувийн хэвшлийнхэндээ нийт ард түмний өмнөөс гүн талархал илэрхийлье.

Монгол Улсын Ерөнхийлөгч болон төрийн холбогдох албан тушаалтнууд хүнсний үйлдвэрлэлийн салбарын одоогийн бодит нөхцөл байдал, тулгамдсан асуудлуудыг шийдэх, гарц гаргалгааг хамтдаа тодорхойлох зорилгоор 100 гаруй аж ахуйн нэгжид ажиллалаа.

Баялаг бүтээгчид дэд бүтцийг сайжруулах, хүний нөөц, боловсон хүчин бэлтгэх, техник, технологийн шинэчлэл хийх, санхүү, хөрөнгө оруулалтыг нэмэгдүүлэх, үйлдвэр үйлчилгээ, эрдэм шинжилгээний лабораторийн хүчин чадлыг сайжруулах, урт хугацааны хөнгөлөлттэй хөрөнгө оруулалтын зээлийн дэмжлэг үзүүлэх зэрэг хүсэлт тавьж байсан.

Төрийн тэргүүн ойрын хугацаанд мал аж ахуйн салбарын нөхцөл байдал, малын өвчингүй эрүүл бүс бий болгоход шаардлагатай бодлого, үйл ажиллагааг нарийвчлан тодорхойлох, бодит үр дүн гаргах чиглэлээр мал аж ахуйн үйлдвэр, малчид, баялаг бүтээгчидтэйгээ уулзана.

“Хүнсний хангамж, аюулгүй байдал” үндэсний хөдөлгөөнтэй холбоотойгоор төр, засгийн зүгээс шаардлагатай бодлого, шийдвэрүүд гарч, “Хүнсний хувьсгал” бодит ажил хэрэг болон хэрэгжиж эхэлж байгааг эрхэм баялаг бүтээгчид, үйлдвэрлэгчид Та бүхэнд дуулгахад таатай байна.

Энэ чиглэлээр тодорхой арга хэмжээ авч байгаа Монгол Улсын Их Хурал, Засгийн газарт талархаж байна.

Одоо гагцхүү “Хүнсний хувьсгал”-ыг бодитоор гардан хэрэгжүүлэх хүнс үйлдвэрлэгчид, баялаг бүтээгчид Та бүхний оролцоо, манлайлал, хүчин чармайлт хамгийн чухал болохыг дахин онцлон тэмдэглэж байна.

Эрхэм баялаг бүтээгчид ээ,

“Хүнсний хувьсгал”-ын хүрээнд цаашид төр, хувийн хэвшлийн зүгээс дараах асуудлуудад анхаарч, хамтран ажиллах шаардлагатай гэж үзэж байна.

Үүнд:

  1. Хөдөлгөөний хэрэгжилтийг улс орны хөгжлийн бодлого, түүн дотроо Бүсчилсэн хөгжлийн бодлоготой зөв уялдуулах, хүнс, хөдөө аж ахуйн кластеруудыг бодлогоор хөгжүүлэх, хүнсний үйлдвэрлэлийн цогцолборууд байгуулах, түүхий эд бэлтгэн нийлүүлэлтийн тогтолцоо, тээвэр логистикийн оновчтой сүлжээг шинжлэх ухаанчаар төлөвлөн хэрэгжүүлэх,
  2. Дотоодын хүнс, хөдөө аж ахуйн бараа, бүтээгдэхүүнийг дэмжих, хамгаалах эдийн засгийн зөв арга хэрэгслийг ашиглах, хүнс үйлдвэрлэгчид, баялаг бүтээгчдээ хамгаалах, хөгжүүлэх эрх зүйн орчныг сайжруулах,
  3. Таван жилийн дотор малын өвчингүй эрүүл бүс болоход шаардлагатай вакцинжуулалт, био-бэлдмэлийн үйлдвэрлэлийг хөгжүүлэх зэрэг суурь асуудлыг шийдвэрлэж, 2023 онд тодорхой бодит ахиц, дэвшил гаргах,
  4. Хязгаарлагдмал төсөв, хөрөнгийн нөөц боломжоо бүрэн дүүрэн, үр дүнтэй ашиглаж, зээл, санхүүжилт, татвар, даатгал зэрэг эдийн засгийн оновчтой, хүртээмжтэй хөшүүрэг ашиглах, урамшууллын тогтолцоог боловсронгуй болгох, хувийн хэвшлийн хөрөнгө оруулалт, хамтын ажиллагааг дэмжих,
  5. Төрийн худалдан авалтын бодлогыг эх оронч худалдан авалтад чиглүүлж, ард иргэд, аж ахуйн нэгжүүдэд үндэсний үйлдвэрлэлээ дэмжих хандлагыг төлөвшүүлэх,
  6. Үндэсний хөдөлгөөний гүйцэтгэл, хүрэх үр дүнг жил бүрээр нарийвчлан төлөвлөж, бодит үр дүнг олон нийтэд хагас жил тутам тайлагнах нь зүйтэй юм.

Дээрх бодлого, зорилтыг хэрэгжүүлэхэд төрийн бүх шатны байгууллага, холбогдох албан тушаалтнууд сахилга хариуцлага, дэг журам, ажлын уялдаа холбоогоо сайжруулан, аливаа ашиг сонирхол, авлига, хээл хахуулиас ангид байх ёстойг хатуу сануулъя.

Хүнс үйлдвэрлэгчид, баялаг бүтээгчид Та бүхэн уг хөдөлгөөний хэрэгжилтийн явцад гарч болзошгүй төрийн байгууллагуудын хүнд суртал, авлига, шударга бус үйлдлийн талаарх санал, гомдлоо холбогдох байгууллага, албан тушаалтанд түргэн шуурхай, баримт нотолгоотой мэдэгдэж, нийгэмд шударга ёс тогтоохын хамтран ажиллахыг урилж байна.

Аливаа шударга бус үйлдэл, хээл хахуул, авлига, хүнд суртлыг таслан зогсоох нь дан ганц хууль, шүүхийн байгууллагын ажил төдий бус харин ард түмэн, улс үндэстнээрээ хамтран тэмцэх ёстой бүх нийтийн үйл хэрэг юм.

Ингэж байж бид нийгэмд шударга ёсыг тогтоож, сайхан Монгол Улсаа цогцлоон хөгжүүлж чадна.

Эрхэм нөхөд өө,

Хүнс, хөдөө аж ахуйн салбар нь ажлын байр хамгийн ихээр бий болгодог, эдийн засгийн уламжлалт салбар билээ.

Тиймээс энэ салбарыг эдийн засгийн үр ашигтай, байгаль орчинд ээлтэй байдлаар хөгжүүлэх нь манай улсын эдийн засгийн төрөлжилтийг эрчимжүүлж, Тогтвортой хөгжлийн зорилтоо ханган хэрэгжүүлэхэд онцгой чухал ач холбогдолтой юм.

Ялангуяа, нүүдлийн мал аж ахуйн салбарыг эрчимжсэн мал аж ахуйн салбартай зохистой хослуулан хөгжүүлэх нь уур амьсгалын өөрчлөлт, цөлжилттэй үр дүнтэй тэмцэх, хөрсөө хамгаалах, цаашлаад монгол хүний эрүүл, аюулгүй амьдрах орчныг бүрдүүлэхэд онцгой чухал юм.

Хөрс, хүнс, хүн гурав хүйн холбоотой.

Хөрсөө хамгаална гэдэг бол хүнсээ хамгаална, мөн тусгаар тогтнолоо хамгаална гэсэн үг.

Хүнс эрүүл байвал хүн эрүүл байна. Монгол хүн эрүүл байвал Монгол үндэстэн хүчирхэг байна.

Тиймээс Ерөнхийлөгчийн санаачилсан “Тэрбум мод”, “Хүнсний хангамж, аюулгүй байдал”, “Эрүүл Монгол хүн” үндэсний хөдөлгөөнүүд нь өөр хоорондоо нягт уялдаа холбоотой бөгөөд, амжилттай хэрэгжүүлэх нь манай улсын тогтвортой хөгжлийн үндэс суурь болох учиртай.

Үүнд хүнс үйлдвэрлэгчид, баялаг бүтээгч Та бүхний хичээл зүтгэл, хүчин чармайлт онцгой чухал үүрэгтэй болохыг дахин онцлон тэмдэглэж байна.

Харин төр, засаг нь ард иргэд, баялаг бүтээгчдээ бүх талаар дэмжиж, бодлого нь тодорхой, дэмжлэг нь оновчтой, санхүүжилт нь хүртээмжтэй байж, төрийн байгууллага хоорондын уялдаа холбоо, төр,хувийн хэвшлийн түншлэлийг сайжруулж, сэтгэл гарган хамтран ажиллах ёстой.

Өрх бүлээрээ хүнс үйлдвэрлэгч, улс орноороо хүнс экспортлогч болох зорилгын төлөө төр, засаг, ард түмнээрээ нэгдэж, нэгэн сэтгэлээр хамтран зүтгэцгээе.

Эх орондоо “Хүнсний хувьсгал” хийцгээе.

Мөнх тэнгэрийн хүчин дор Монгол Улс мандан бадрах болтугай” гэлээ.

Гишүүний шинж төлөв: /Цуврал / –  Бадмаанямбуугийн БАТ-ЭРДЭНЭ
Гишүүний шинж төлөв: /Цуврал / – Бадмаанямбуугийн БАТ-ЭРДЭНЭ
 
У.Хүрэлсүх: Сөрөг тусгай ажиллагаанд оролцох өндөр чадвартай Дотоодын цэргийн хөдөлгөөнт хүчин байгуулах нь зүйтэй
У.Хүрэлсүх: Сөрөг тусгай ажиллагаанд оролцох өндөр чадвартай Дотоодын цэргийн хөдөлгөөнт хүчин байгуулах нь зүйтэй
Энэ мэдээ хуучирсан буюу 2023/03/03-нд нийтлэгдсэн мэдээ болно.
 
 
У.Хүрэлсүх: Сөрөг тусгай ажиллагаанд оролцох өндөр чадвартай Дотоодын цэргийн хөдөлгөөнт хүчин байгуулах нь зүйтэй

У.Хүрэлсүх: Сөрөг тусгай ажиллагаанд оролцох өндөр чадвартай Дотоодын цэргийн хөдөлгөөнт хүчин байгуулах нь зүйтэй

Хөшигийн хөндийн нисэх буудлын авто зогсоол төлбөртэй болно

Хөшигийн хөндийн нисэх буудлын авто зогсоол төлбөртэй болно

Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана

Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана

Ерөнхий сайд Л.Оюун-Эрдэнэ НҮБ-ын Ерөнхий нарийн бичгийн даргын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын Ерөнхий нарийн бичгийн даргын тусгай элч Жан Тодт-той уулзлаа

ХЭҮК-т цалингаа дутуу авсан, удирдлагын зүгээс дарамтын шинжтэй үйлдлүүд гардаг зэрэг гомдол хамгийн их иржээ

ХЭҮК-т цалингаа дутуу авсан, удирдлагын зүгээс дарамтын шинжтэй үйлдлүүд гардаг зэрэг гомдол хамгийн их иржээ

Ж.Чинбүрэн: Хөнгөлөлттэй үнээр олгодог эмийн жагсаалтыг хэрхэн баталдаг баримтыг гаргаж өгөхгүй байна

Ж.Чинбүрэн: Хөнгөлөлттэй үнээр олгодог эмийн жагсаалтыг хэрхэн баталдаг баримтыг гаргаж өгөхгүй байна

Авто замд 27.5 тонн давс, 123.5 тонн бодис цацлаа

Авто замд 27.5 тонн давс, 123.5 тонн бодис цацлаа

Зам талбайд тогтсон 92 тонн усыг сорууллаа

Зам талбайд тогтсон 92 тонн усыг сорууллаа

Ч.Хүрэлбаатар, Х.Баттулга хоёул Ерөнхий сайд болох хүсэлтэй

Ч.Хүрэлбаатар, Х.Баттулга хоёул Ерөнхий сайд болох хүсэлтэй

Төв цэнгэлдэхийн өмчийн маргааны асуудлыг АТГ-т шалгуулах хүсэлт гаргалаа

Төв цэнгэлдэхийн өмчийн маргааны асуудлыг АТГ-т шалгуулах хүсэлт гаргалаа

Канад улс хүмүүнлэгийн тусламж үзүүлэхээр болжээ

Канад улс хүмүүнлэгийн тусламж үзүүлэхээр болжээ

Д.Амарбаясгалан: “Эрдэнэс Тавантолгой“ компанийн тайлангийн дүгнэлт гарчихвал ногдол ашгийг олгоход бэлэн байгаа

Д.Амарбаясгалан: “Эрдэнэс Тавантолгой“ компанийн тайлангийн дүгнэлт гарчихвал ногдол ашгийг олгоход бэлэн байгаа

МАН-ын дарга, залуу  Ерөнхий сайдад нас залуу, нэр цэвэр, зам холтнууд л түшиг болно

МАН-ын дарга, залуу Ерөнхий сайдад нас залуу, нэр цэвэр, зам холтнууд л түшиг болно

Д.Амарбаясгалан: Ирэх жилүүдэд Хуримтлалын сангаас бэлэн мөнгө тараахгүй

Д.Амарбаясгалан: Ирэх жилүүдэд Хуримтлалын сангаас бэлэн мөнгө тараахгүй

“С.Зоригийн аллагыг КАЗИНОГИЙН ДУУЛИАНААР ЗАМХРУУЛСАН”

“С.Зоригийн аллагыг КАЗИНОГИЙН ДУУЛИАНААР ЗАМХРУУЛСАН”

“С.Зоригийн аллагыг КАЗИНОГИЙН ДУУЛИАНААР ЗАМХРУУЛСАН”

“С.Зоригийн аллагыг КАЗИНОГИЙН ДУУЛИАНААР ЗАМХРУУЛСАН”

Үйлдвэрлэл, технологийн паркуудыг компанийн хэлбэрт шилжүүлнэ

Үйлдвэрлэл, технологийн паркуудыг компанийн хэлбэрт шилжүүлнэ

Хүүхдийн хоолны шим тэжээлийг нэмэгдүүлэх төсөл хэрэгжүүлж байна

Хүүхдийн хоолны шим тэжээлийг нэмэгдүүлэх төсөл хэрэгжүүлж байна

Шэнь Миньжуань: БНХАУ-ын буцалтгүй тусламжаар баригдсан Замын-Үүд боомтын цогцолбор ашиглалтад орж байна

Шэнь Миньжуань: БНХАУ-ын буцалтгүй тусламжаар баригдсан Замын-Үүд боомтын цогцолбор ашиглалтад орж байна

“Эрдэнэс Тавантолгой компанийн санхүүгийн тайланд аудит хийж дууссан, энэ долоо хоногт баталгаажна“

“Эрдэнэс Тавантолгой компанийн санхүүгийн тайланд аудит хийж дууссан, энэ долоо хоногт баталгаажна“

Хөлийн голын орчимд суваг, шуудуу татаж, урсцыг нэмэгдүүллээ

Хөлийн голын орчимд суваг, шуудуу татаж, урсцыг нэмэгдүүллээ

Энэ онд Шархад дэд төвд 110 айлын орон сууц ашиглалтад орно

Энэ онд Шархад дэд төвд 110 айлын орон сууц ашиглалтад орно

АМЛАЛТ бус ажлын төлөвлөгөөгөө 999 сорьцоор илэрхийлж байгаа нь сайн жишиг болно

АМЛАЛТ бус ажлын төлөвлөгөөгөө 999 сорьцоор илэрхийлж байгаа нь сайн жишиг болно

Ардчилсан намын мөрийн хөтөлбөр “амлалт биш, ажлын төлөвлөгөө” юм

Ардчилсан намын мөрийн хөтөлбөр “амлалт биш, ажлын төлөвлөгөө” юм

Д.Тогтохсүрэн: МАН-ын бага хурлаар сонгуулийн мөрийн хөтөлбөр болон нэр дэвшигчид тавигдах шаардлагыг батална

Д.Тогтохсүрэн: МАН-ын бага хурлаар сонгуулийн мөрийн хөтөлбөр болон нэр дэвшигчид тавигдах шаардлагыг батална

Эрчим хүчний шилжилт хийх өрхүүдийг сонгон шалгаруулж байна

Эрчим хүчний шилжилт хийх өрхүүдийг сонгон шалгаруулж байна

Зуслангийн бүс дэх ус их тогтдог байршлуудад өрөмдлөг хийж усны хаялга суурилуулна

Зуслангийн бүс дэх ус их тогтдог байршлуудад өрөмдлөг хийж усны хаялга суурилуулна

Э.Одбаяр: “АН хагаралтай” гэдэг хүн, хүчнүүд одоо тайвшир, бид маш эв нэгдэлтэйгээр сонгуульд оролцоно

Э.Одбаяр: “АН хагаралтай” гэдэг хүн, хүчнүүд одоо тайвшир, бид маш эв нэгдэлтэйгээр сонгуульд оролцоно

Метро барих төслийн зөвлөх үйлчилгээ үзүүлэх тендер шалгаруулах үйл явц үргэлжилж байна

Метро барих төслийн зөвлөх үйлчилгээ үзүүлэх тендер шалгаруулах үйл явц үргэлжилж байна

“Ус ба Энх тайван” уриан дор Дэлхийн усны өдөр тохиож байна

“Ус ба Энх тайван” уриан дор Дэлхийн усны өдөр тохиож байна

Балжиннямын Баярсайхан МАН-ын мөрийн хөтөлбөр биелээгүй шалтгааныг “ингэж“ тайлбарлав

Балжиннямын Баярсайхан МАН-ын мөрийн хөтөлбөр биелээгүй шалтгааныг “ингэж“ тайлбарлав

Д.Амарбаясгалан: Зардал, татвараа шингээгээд дээд гурилын нэг кг-ыг ₮1,342-аар Улаанбаатарт ирүүлэх боломжтой

Д.Амарбаясгалан: Зардал, татвараа шингээгээд дээд гурилын нэг кг-ыг ₮1,342-аар Улаанбаатарт ирүүлэх боломжтой

Ж.Отгонболд: Амны хөндийн өвчлөлийн  75 хувь нь иргэн танаас хамаарна

Ж.Отгонболд: Амны хөндийн өвчлөлийн 75 хувь нь иргэн танаас хамаарна

О.Номинчимэг: Төв цэнгэлдэх хүрээлэнгээс хэсэгчилж зарсан газруудыг шалгаж, дуудлага худалдааны үнийг төлүүлнэ

О.Номинчимэг: Төв цэнгэлдэх хүрээлэнгээс хэсэгчилж зарсан газруудыг шалгаж, дуудлага худалдааны үнийг төлүүлнэ

Боловсролын үнэлгээний төвийн албан хаагчдад цуврал сургалтыг зохион байгуулж байна

Боловсролын үнэлгээний төвийн албан хаагчдад цуврал сургалтыг зохион байгуулж байна

А.Дашням: 3, 4 дүгээр сард их хэмжээний шар усны үер болох эрсдэл үүсээд байна

А.Дашням: 3, 4 дүгээр сард их хэмжээний шар усны үер болох эрсдэл үүсээд байна

НИТХ-ын ээлжит бус XVIII хуралдаан энэ сарын 25-ны өдөр болно

НИТХ-ын ээлжит бус XVIII хуралдаан энэ сарын 25-ны өдөр болно

Гишүүний шинж төлөв: Хулгайг ард түмнээсээ хийж огт болохгүйг нэн шинээр тунхаглах ажил Ж.Бат-Эрдэнийг хүлээж байна

Гишүүний шинж төлөв: Хулгайг ард түмнээсээ хийж огт болохгүйг нэн шинээр тунхаглах ажил Ж.Бат-Эрдэнийг хүлээж байна

Орон нутагт малын сэг, зэм цэвэрлэх ажилд 1.8 тэрбум төгрөг зарцуулахаар болжээ

Орон нутагт малын сэг, зэм цэвэрлэх ажилд 1.8 тэрбум төгрөг зарцуулахаар болжээ

Хууль зүйн байнгын хорооны босгыг давсан цэцэд гомдол хүлээж авах ерөнхий бүртгэгч гэж ямар албан тушаал вэ?

Хууль зүйн байнгын хорооны босгыг давсан цэцэд гомдол хүлээж авах ерөнхий бүртгэгч гэж ямар албан тушаал вэ?