ЦХХХ-ын дэд сайдын мэдэгдэлд хийсэн анализ
Ангилал
ЗГ-ын гишүүд УИХ-ын гишүүд
Огноо
Унших
7 минут 59 секунд
ЦХХХ-ын дэд сайдын мэдэгдэлд хийсэн анализ
Нийтлэсэн огноо:

ЦХХХ-ын дэд сайдын мэдэгдэлд хийсэн анализ

Б.Болор-Эрдэнэд төрийн ёс зүй, хувь хүний ёс суртахууны хүмүүжил харагдсангүй

Цахим хөгжил, харилцаа холбооны дэд сайд Б.Болор-Эрдэнэ жилийн өмнө Саудын Арабд болсон олон улсын хурал дээр “Орос улсад боловсрол эзэмшсэн хөгшчүүд улс орны хөгжилд саад болж байна” гэсэн агуулгатай яриа өгсөн нь иргэдийн анхааралд өртөж, сошл орчинд түүнийг огцруулахыг шаардаж эхэлсэн. Эл ярианы цаад агуулга нь Монгол Улсын Үндсэн хууль зөрчсөнтэй холбоотой, хүнийг нийгмийн байдал, эрхэлсэн ажил, эзэмшсэн боловсролоор нь ялгаварлан гадуурхсанаас өөрцгүй хэрэг болсон.

Тэгээд ч газар нутгийн хувьд Орос, Хятад гэх мөнхийн хоёр хөрш улсын дунд байрладаг манай улсын төрийн өндөр албан тушаалтнууд Орос, Хятад улсын талаар ярих хэлэх зүйлээ бодох ёстой.

Б.Болор-Эрдэнийн хувьд Цахим хөгжил,харилцаа холбооны дэд сайд. Түүний эрхэлдэг дэд сайдын албан тушаал төрийн өндөр албан тушаалтанд зүй ёсоор хамаарна.

Дугаар хорооны иргэн Болд биш Төрийн сайд хүн ингэж хэлэх нь нэг талаас төрийн албаны ёс зүйн хувьд нөгөө талаас хувь хүний ёс суртахууны хувьд гаргаж болохгүй алдаа мөн үү гэвэл мөнөөсөө мөн.

Энэ үгийг Б.Болор-Эрдэнэ гэдэг хүн дэд сайд болохоос өмнө юмуу хойно хэлсэн нь тийм чухал биш. Зүй нь бол Б.Болор-Эрдэнэ ийм үг хэлснийхээ төлөө иргэд олон нийтээс уучлалт хүсэх нь зохилтой баймаар.

Гэтэл өчигдөр ЗГХЭГ-ын дарга Д.Амарбаясгалан “Б.Болор-Эрдэнийн асуудлыг зохион байгуулалттай хийгдсэн ажил гэж харж байна, нэг жилийн өмнө яригдсан яриа өнөөдөр олны анхаарлын төвд гарч ирэв гэдгийг бид бодох ёстой” хэмээн түүнийг “өмгөөлөх аястай” мэдээлэл хийжээ.

Төд удалгүй ЦХХХ-ны дэд сайд Б.Болор-Эрдэнэ үүрэгт ажлаасаа чөлөөлөгдөх хүсэлтээ гаргасан нь цахим орчинд нийтлэгдсэн.

Тэрбээр "Энэ систем дотор албан тушаалдаа хорогдоод үлдвэл дасаж, бугширсан системийн нэг хэсэг болохоос өөр аргагүй. Гэхдээ энэ хуучин системийн завхрал оршсоор байгаа үед та бидний хүсээд байгаа өөрчлөлт хэзээ ч хийгдэхгүй. Ганц дайчин ганцаардахгүй биш ганцаарддаг гэдгийг мэдэрлээ.

Тиймээс би дэд сайдын албан тушаалаасаа өөрийн хүсэлтээр чөлөөлөгдөх өргөдлөө хүргүүлснээ мэдэгдэж байна. Гэхдээ энэ бугширсан 30 жилийн системд бууж өгч байгаа юм биш шүү!!! Харин ч тэмцэнэ. Тэмцэхдээ илүү эрх чөлөөтэй тэмцэнэ! Илүү олон залуучуудтай хамт тэмцэнэ! Өөрчлөлт өнөөдөр биш гэхэд маргааш заавал ирнэ.

Өөрчлөлтийг өөр хандлагатай шинэ үе авчрах л болно. Миний хийж бүтээсэн ажлыг дэмжсээр ирсэн, шүүмжилсээр ирсэн та бүхэнд баярлалаа." гэжээ.

Түүний энэ мэдэгдлийг харвал уучлалт хүсэх тухай биш бүр өширхөх агуулгатай харагдах. Ямартай ч тий хэлсэн мэдэгдэлд хамтдаа бяцхан АНАЛИЗ хийж үзэцгээе.

Юуны өмнө тэр “...албан тушаалдаа хорогдоод үлдвэл дасаж, бугширсан системийн нэг хэсэг болохоос өөр аргагүй” - Тэр төрийн албанд хаалгаар биш тооноор орж ирсэн. Тооноор орж ирсэнээ төрийн албаны бугшсан систем гээгүйм бол юу нь түүнд бугшсан харагдсан юм бол.

“...хуучин системийн завхрал оршсоор байгаа үед...” – гэж тэр Коммунист, социалист үзэл суртлын агуулгыг уу, эсвэл нэг хүнийг “бурханчлан” шүтдэг хандлагыг уу, эсвэл “дарга бүгдийг мэддэг” зарчмыг хэлсэн үү гэдэг нь ойлгомжгүй үлдлээ.

“Ганц дайчин ганцаардахгүй биш ганцаарддаг гэдгийг мэдэрлээ” - Түүнийг эмэгтэй хүн гэдгээр нь л “ганц дайчин” гэдэггүйм бол тэр улс төрд, засгийн газарт том “артай” нэгэн байв. Төрийн албанд дор хайж 6-16 жил ажиллаж байж томиллогддог шалгууртай агентлагийн дарга, яамны төрийн нарийн бичгийн дарга, цаашлаад дэд сайдын албан тушаалд тэр хэдхэн сар дотор дэвшин томилогдсон. Ингэж дэвшихэд нь түүний ар тал болсон “ах нар нь” тусласан. Үнэхээр өөрийн “мөнчгөрөөрөөр” төрийн албаны шалгалтанд тэнцэж, төрийн захиргааны байгууллагын албан тушаалтанд тавигдах мэдлэг чадварын шалгуурыг давж дээрх албан тушаалуудад томилогдон ажиллаж байсан бол нээрээ л түүнийг ганцаардаж дээ гэж бодох, итгэж болох юм. Засгийн газрын агентлаг болох ХХМТГ-ын даргаар ажил орсноос эхлэн түүнийг өнөөгийн Ерөнхий сайд Л.Оюун-Эрдэнэ дэмжиж ЦХХХЯ-ны төрийн нарийн бичгийн дарга, Дэд сайд хүртэл дэмжиж томилсон .

“Тиймээс би дэд сайдын албан тушаалаасаа өөрийн хүсэлтээр чөлөөлөгдөх өргөдлөө хүргүүлснээ мэдэгдэж байна. Гэхдээ энэ бугширсан 30 жилийн системд бууж өгч байгаа юм биш шүү!!! -– Хэдийгээр Б.Болор-Эрдэнэ “дэд сайдын албан тушаалаасаа өөрийн хүсэлтээр чөлөөлөгдөх өргөдлөө хүргүүлснээ мэдэгдэж байна” гэсэн боловч үнэндээ тэр өөрийн ухамсар хүсэлтээр бус улс төрийн шахаанд орж ажлаа өгч байгаа бололтой. Ингэх хэлэхийн шалтгаан нь түүний үргэлжлүүлэн хэлсэн, анхаарлын тэмдэгүүд тавьсан үгнээс “уншигдаж” байна. Тэр “30 жил бугширсан системд бууж өгч байгаа хэрэг биш шүү” гэжээ. Б.Болор-Эрдэнэ өөрөө 30 гаруй настай. 1990 оны ардчилсан хувьсгал гарч, тоталитар дэглэмтэй, нэг намын засаглал тогтсон нийгмээс Ардчилал дэглэмтэй, олон намын системтэй нийгэмд шилжээд 32 жил болж байна. Энэ хугацаанаас хамгийн олон жил МАН засаг барьсан. Тэгэхээр дэд сайд маань ажлаа өгөхөөр болж бухимдахдаа “МАН-ыг 30 жил бугширсан системийг хэрэгжүүлэгч, сахигч” гээд хэлчив болтой.

Төгсгөлд нь хэлэхдээ “Харин ч тэмцэнэ. Тэмцэхдээ илүү эрх чөлөөтэй тэмцэнэ! Илүү олон залуучуудтай хамт тэмцэнэ! Өөрчлөлт өнөөдөр биш гэхэд маргааш заавал ирнэ” - Тэр өөрийг нь төслийн удирдагчаас Дэд сайд болгосон МАН-тайгаа, МАН-ын дарга болох Ерөнхий сайд Л.Оюун-Эрдэнэ нартай тэмцэнэ гээд байгаа юмуу эсвэл Ерөнхийлөгч У.Хүрэлсүх нарын “ахмадуудтай” тэмцэнэ гээд байгаам бол уу? Мөн залуучууд цуглуулж намдаа ирэх юмуу, эсвэл гудамжны улс төр хийж тэмцэх юм болов уу, тэгээд чухам ямар өөрчлөлтийг маргааш ирүүлэх гээд байгаа нь ойлгомжгүй хэвээр үлдлээ.

Ямартай ЦХХХ-ны дэд сайд Б.Болор-Эрдэнэ бухимдсан байна, гэхдээ залуу хүний хувьд бухимдахаасаа урьдаж төрийн албаны ёс зүй, хувь хүний ёс суртахуун талаасаа асуудалд хандаад үзээсэй билээ гэж захья.

А.Галт

Amlalt.mn

С.Энхболд: Энэ жилээс орон нутагт нарийн мэргэжлийн эмчийн квотыг тавьж, төрийн сангаар сурах бололцоог нэмэгдүүлнэ
С.Энхболд: Энэ жилээс орон нутагт нарийн мэргэжлийн эмчийн квотыг тавьж, төрийн сангаар сурах бололцоог нэмэгдүүлнэ
 
Нүүрсний хулгайчдаа зарлаж хариуцлага тооцох, эс бол Засгийн эрхээ чаддаг хүмүүст нь шилжүүлэх гарц үлджээ
Нүүрсний хулгайчдаа зарлаж хариуцлага тооцох, эс бол Засгийн эрхээ чаддаг хүмүүст нь шилжүүлэх гарц үлджээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!