Нийслэлчүүдийн өмнө тулгамдсан асуудлын нэг болсон авто замын түгжрэлийг бууруулах бодлогыг Засгийн газраас дэмжин ажиллахаар болж 2023 онд Түгжрэлийн сайдн албан тушаалыг бий болгож УИХ-ын гишүүн Ж.Сүхбаатарыг Түгжрэлийн сайдаар томилж, түүний эрх мэдэлд 300 гаруй тэрбум төгрөгийг баталж өгсөн байдаг.
Ж.Сүхбаатар сайд түгжрэлийг бууруулах, нийтийн нээврийн парк шинэлэл хийх нэрээр “Хулхи ногоон автобус”-ны авлига албан тушаалын гэмт хэрэгт нэр холбогдож, албан тушаалаасаа өөрийн хүсэлтээр чөлөөлөгдсөн.
Гэсэн хэдий ч түүнийг өнгөрөгч 4 сард болсон “Ногоон автобус”-ны шүүх хуралдаанаас тус гэмт хэрэгт холболдолгүй гэж цагаатгасан нь олны дургүйцлийг төрүүлсэн.
Ж.Сүхбаатарын дараа Түгжрэлийн сайдаар УИХ-ын гишүүн Б.Дэлгэрсайханыг томилсон ч мань эр сүйдтэй хийж хэрэгжүүлсэн зүйлгүй тэгсгээд УИХ-ын сонгуулийг хүргэж, дахин УИХ-ын гишүүнээр сонгогдоод зогсохгүй, Зам тээврийн сайд болоод “дэвшчихсэн”.
2024 оны УИХ-ын сонгуулийн үр дүнд эвслийн Засгийн газар байгуулагдаж, Түгжрэлийн сайдаар АН-аас нэр дэвшин УИХ-ын гишүүнээр сонгогдсон Р.Эрдэнэбүрэнг Түгжрэлийн сайдаар томилсон.
О.Эрдэнэбүрэн үүрэгт ажлаа аваад бараг жил болох гэж байхад Түгжрэлийг бууруулах чиглэлээр хийж хэрэгжүүлсэн дорвитой ажилгүй сууж байна.
Тэрбээр УИХ-ын чуулган дээр хийсэн ажилгүй хүний хувьд элдэв шалтаг тоочин нүдээ аниад, нүүрээ дараад сууж байна.
Тэгээд ч Хотын түгжрэлийг бууруулах ажлыг идэвх санаачлгатай, үр дүнтэй хэрэгжүүлэхийн тулд Нийслэлийн Засаг дарга Х.Нямбаатартай ойлголцож, ажлын уялдаа холбоо бий болгож, бодлого үйл хэргээ нэгтгэн ажиллах ёстой.
Гэтэл энэ ажил Р.Эрдэнэбүрэн сайдын хувьд “0”-тэй тэнцүү байна. Өөрөөр хэлбэл Хотын дарга Х.Нямбаатар нийслэлийн авто зам, автомашин, нийтийн тээврийн бодлого үйл хэргээ Түгжрэлийн сайд Р.Эрдэнэбүрэнгээс эс хамааралтайгаар “толгой мэдэн” шийдсээр байна.
Ийм нөхцөлд “Түгжрэлийг бууруулах” хууль эрх зүйн чадамжгүй, мэдлэг чадваргүй, хариуцлагагүй, үр дүнтэй ажил хэрэгжүүлээгүй, бодитой үр дүнгүй, төсвийн мөнгө үр ашиггүй зарцуулж байгаа “Түгжрэлийн сайд” хэмээх “түгжрэлд саад” болсон албан тушаалыг татан буулгаж, татвар төлөгчдийн мөнгийг үр ашиггүй зүйлд зарцуулалгүй хэмнэлт хийе Ерөнхий сайдаа...
Ц.Мөнх
AMLALT.MN
