-Ах нар нь тэгж байна. Харин, илрүүлэх эсэхийг харах үлдсэн, өдөр бүр хүлээж байна, ард түмэн-
Төрийн эрх барих дээд байгууллагын дэд дарга Салдангийн Одонтуяа хэлж байна. Нүүрсний гэх асуудал Д.Амарбаясгаланы ярьж байгаагаар “хулгайлсан эсэх нь тодорхойгүй” гэх тайлбар болж хувирлаа гэжээ. Үнэхээр тэгж хэлсэн нь бүх л сайтаар дурайтал гарчээ. Засгийн газрыг толгойлж байгаа Л.Оюун-Эрдэнэ, Д.Амарбаясгалан нар энэхүү дөчин их наядын гэж Т.Доржхандын тодорхой хэлээд байгаа хэрэг асуудалд үнэн назгай хандаж байна. Нүүрсний хэргийн холбоотой мэдээллийг нуух, асуудлыг арагшлуулах, биеийн хэлэмж үг яриагаараа урагшлуулах бус ухруулах байр суурийг илэрхийлж байгааг олон нийт тов тодорхой харж байна.
Өчигдрийн Засгийн газрын хуралдаанаар урд хөрштэй гарсан, орсон нүүрсний мэдээлэлд тулгалт хийх агуулгатай үүргийг Хууль зүйн сайд Х.Нямбаатарт өгч. Бас л аргацаалал. Х.Нямбаатар нүүрсний асуудлаар улсынхаа урд талбайд гараад дүн өвлөөр жагсдаг шигээ ажиллахгүй байгааг ч ард түмэн харж л байна.
Л.Оюун-Эрдэнэ Засгийнхаа хурал дээр Х.Нямбаатарт ийм чиглэл өгсөнөө, Ц.Анандбазар, З.Энхболд нарт нүүрсний асуудал бий, Ц.Анандбазарт Монголын жуулчлал хөгжихгүйн асуудал байна, онгоцны шатахууныг үнэтэй байлгадаг гэж уурссанаа мэдээлүүлжээ. Нүүрсий хэргийг нүүрсэн нэр хүндтэй болсон Ц.Анандбазартай, бас, Зикатай холбож эхэлжээ.
Үнэндээ Ардчилсан намын Д.Бат-Эрдэнэ нарын хүмүүст нүүрсний хэргийг наахаар арга ядаж байгаа нь ив ил. Д.Бат-Эрдэнэ нар нь аргаа барж хулгай хийгээгүй гэдгээ хэвлэлд яриад эхэлсэн байна лээ. Одоо Зика ярих биз. Гэвч Ардын намын Засгийн гал тогоо хавьд байсан ах анжгай нар бас ярьж байна гэх. Нүүрсний хэргийн уг суурь чигийг манай Д.Амарбаясгалан, Б.Ганхуяг нар сайн мэднэ дээ, Л. Оюун-Эрдэнэ ч сайн багцаална гээд нуг нуг инээснийг харсан хүмүүс цөөнгүй. Унаганыхаа унгалдах , давхихыг азаргууд мэддэг нь үнэн л дээ. Ер нь нүүрсний асуудлыг Ардын намынхан сайн мэднэ.
Баянтээгийн уурхайг гэхэд Ардын намын бүлгийн дарга Д.Тогтохсүрэн, гишүүн Г.Ганболд нарыг нэвт мэддэг гэдэг. Уурын зуухуудад нүүрс хэрхэн хулуулдгийг нь.
Л.Мөнхбаясгалан алдартай цуврал хийж байв даа. Нүүрсний гэх, дөчин их наядын энэ хулгайг Ардын намын залуу дарга нар аягүй сайн мэдэж байгаа гэнэ ээ. Ах нар нь тэгж байна. Харин, илрүүлэх эсэхийг харах үлдсэн, өдөр бүр хүлээж байна, ард түмэн.
Д.Баяр
Амлалт.мн
